Dagblaðið Vísir - DV - 22.10.2012, Qupperneq 14

Sandkorn
G
uð blessaði Ísland,“ sagði
Hallgrímur Helgason á
sunnudag. Úrslit í ráðgefandi
kosningu um stjórnarskrár­
breytingar lágu fyrir og vilji
þjóðarinnar var ljós, afgerandi vilji er
til að tillögur stjórnlagaráðs verði lagð­
ar til grundvallar að frumvarpi að nýrri
stjórnarskrá.
Það er sigur almannahagsmuna
gegn einkahagsmunum, almennings
gegn foringjaræði en fyrst og fremst
sigur fyrir lýðræðið í landinu. Í fyrsta
sinn var íslenskri þjóð gefinn kostur á
að koma að endurskoðun á stjórnar­
skránni með beinum hætti, semja um
sáttmálann um þær leikreglur sem
hér eru hafðar að leiðarljósi og móta
grunngildin í íslensku samfélagi.
Engu að síður sagði formaður
Sjálfstæðisflokksins að kosningin væri
ólýðræðisleg. Sami maður og sendi
bréf á fimmtíu þúsund flokksfélaga
sína þar sem hann hvatti þá til þess
að mæta á kjörstað og segja nei við
tillögum stjórnlagaráðs. Sami maður
og segist vera hlynntur breytingum á
stjórnarskránni en ósáttur við vinnu­
brögðin og þetta lýðræðislega ferli.
Sami maður og talaði um handar­
baksvinnubrögð og sagði ábyrgðar­
hluta að spyrna ekki við fæti, nýta
hvert tækifæri til þess að koma í veg
fyrir fúsk, og er eindregið á móti því
að tillögur stjórnlagaráðs verði not­
aðar sem grunnur að nýrri stjórnar­
skrá Íslendinga. Sami maður og sagði:
„ Niðurstaðan ræður ekki úrslitum um
eitt eða neitt.“
Það er miður að Alþingi hafi ekki
tekist að fylgja fordæmi stjórnlaga­
ráðs, að því hafi ekki tekist að vinna
saman, leysa ágreiningsmál og
komast að niðurstöðu. Sundrungin
hefur ráðið ríkjum og grafið undan
trúverðugleika þingsins og trausti
til þess. Nú ríður á að ráðamenn
virði vilja þjóðarinnar, taki höndum
saman og samþykki nýja stjórnar­
skrá sem hægt verði að leggja fyrir
þjóðina til að staðfesta hennar vilja
samhliða næstu Alþingiskosningum.
Ef fram fer sem horfir verður
Sjálfstæðisflokkurinn í næstu ríkis­
stjórn og Bjarni Benediktsson for­
sætisráðherra landsins. Hann er nú
þegar farinn að gera lítið úr niður­
stöðunni, velta því fyrir sér hvað hún
þýði og hvað eigi að gera við hana,
það megi ekki gera lítið úr þeim sem
sátu heima í stað þess að kjósa.
Það má ekki gerast að þetta tæki­
færi þjóðarinnar til að láta rödd sína
heyrast verði haft að engu, að niður­
stöður kosninganna verði túlkaðar
og teygðar í allar áttir þar til ekkert
stendur eftir nema vilji ráðamanna,
afbökun á veruleikanum og argaþras
sem skilur ekkert eftir sig. Ef það
gerist verður almenningur að taka
sér stöðu, byrsta sig og öskra þar til
það heyrist að við látum ekki bjóða
okkur það, vilji þjóðarinnar verði
ekki hundsaður.
Reiðarslag Bjarna
n Bjarni Benediktsson, formað­
ur Sjálfstæðisflokksins, veðj­
aði á rangan hest þegar hann
beitti sér gegn tillögum stjórn­
lagaráðs og vildi fella þær.
Mikill meirihluti þeirra sem
kusu er á þeirri skoðun að til­
lögurnar skuli lagðar til grund­
vallar breytingum á stjórnar­
skránni. Þá er yfirgnæfandi
meirihluti sem vill að auðlindir
þjóðar sem ekki teljast til sér­
eignar fari í þjóðareign. Bjarni
hefur fylgt mjög þeirri harð­
línustefnu Davíðs Oddssonar
að ekki megi skerða hagsmuni
Guðbjargar Matt híasdóttur,
eiganda Ísfélagsins og Mogg­
ans. Niðurstaðan hlýtur að
vera Bjarna reiðarslag.
Bjöggi skammar Villa
n Vilhjálmur Bjarnason, fjár­
festir og spurninganörd, hef­
ur ákveðið að bjóða sig fram í
prófkjöri Sjálfstæðisflokksins
í Kraganum. Vilhjálmur er
þekktur krossfari gegn spill­
ingu í viðskiptum og hefur
verið óþreytandi við að berja
á útrásarvíkingum á borð við
Björgólf Thor Björgólfsson. Þeir
menn sem verða fyrir barðinu
á Vilhjálmi eru ófeimnir við
að benda á þá fortíð hans að
hafa undir fölsku flaggi boðið
í Landsbankann. „Hann sagð­
ist þá fara fyrir hópi  „venju­
legra sparifjáreigenda“. Síðar
kom í ljós að þessir „venjulegu
sparifjáreigendur“ voru í raun
Eignarhaldsfélagið Bruna­
bótafélag Íslands,“ segir á
heimasíðu Björgólfs Thors.
Brynjar sér rautt
n Það má reikna með fjöri í
kosningabaráttu sjálfstæð­
ismanna þegar Brynjar Níels-
son lögmað­
ur mætir í
slaginn. Brynj­
ar liggur að
nokkru leyti
nálægt harð­
línu flokks­
ins sem sér
rautt til vinstri. Hins vegar
þykir hann vera ófeiminn við
að segja hug sinn og fer ekki
alltaf ótroðnar slóðir. Víst er
að ef hann nær inn á þing
mun gusta af honum. En
spurningin stendur um það
hvort flokkseigendafélagið
samþykki nýliðann.
Krónuníðingsmálið
n Stöð 2 hefur miklar mætur
á Heiðari Má Guðjónssyni fjár­
festi sem er kallaður til í tíma
og ótíma til að tjá sig um ólík­
legustu hluti. Sérstaka athygli
vakti að daginn sem Hæsti­
réttur sýknaði DV af milljóna­
kröfum Heiðars í Krónuníð­
ingsmálinu var hann mættur
í viðtal við fréttastofu Stöðvar
2 til að spjalla um eitthvað allt
annað. Hann var ekki spurður
einu orði um það áfall að tapa
í Hæstarétti. Heiðar hefur ótal
sinnum verið kallaður til á
flestum miðlum 365. Þykir það
vera vísbending um að hann
njóti velvildar Jóns Ásgeirs Jó-
hannessonar athafnamanns.
Ég er í París Okkur vantar
vinnandi fólk
Jóhanna Vigdís Hjaltadóttir hélt upp á fimmtugsafmælið. – DV Ásthildur Sturludóttir, bæjarstjóri í Vesturbyggð, segir næga vinnu að hafa. – bb.is
„Guð blessaði Ísland“„Nú ríður á að ráða-
menn virði vilja
þjóðarinnar
Að afstöðnum kosningum
K
osningar um tillögur stjórn­
lagaráðs eru nú afstaðnar.
Helmingur kjósenda mætti og
svaraði kalli Alþingis um leið­
beiningu. Yfirgnæfandi meirihluti
samþykkti tillögur stjórnlagaráðs
sem grundvöll að nýrri stjórnarskrá.
Landsmenn tóku líka nýmælum eins
og auðlindaákvæði, persónukjöri og
beinu lýðræði fagnandi. Jafnt vægi at­
kvæða hlaut hljómgrunn en þó ekki
í öllum landshornum. Sömuleiðis
var vilji fyrir óbreyttu kirkjuákvæði.
Þessi þjóðardómur er skýr og gott
veganesti fyrir Alþingi á lokasprettin­
um.
Andstæðingar tillagna stjórnlaga­
ráðs gerðu fyrirfram lítið úr vægi
þessara kosninga. Ástæðan var aug­
ljóslega sú að niðurstaðan gæti orðið
þeim andstæð. Strax er byrjað að
hamra á lélegri kjörsókn. Ekki veit
ég hvar menn setja mörkin en lík­
ast til yrðu þau afar misvísandi milli
manna, jafnvel innan sama hóps
manna eftir því hvaða málefni ætti í
hlut. Gætum einnig að því að kosn­
ingaskylda er ekki hluti af stjórn­
skipun Íslands og heimaseta því val
hvers og eins. Ei heldur er krafa um
lágmarkskosningaþátttöku þannig að
þeir einir ráði sem mæta. Auðvitað
geta menn eignað sér heimasetufylg­
ið en slíkt eignarhald er í senn gildis­
laust og óskhyggja. Eða hvaða flokki
tilheyra þessi 20 prósent sem sitja
jafnan heima í þingkosningum?
Þetta ferli, að færa stjórnarskrár­
gjöfina úr höndum Alþingis í hend­
ur fólksins, hefur með atkvæða­
greiðslu helgarinnar sannað sig.
Tilgangurinn var að klára verk sem
Alþingi var fyrirmunað að klára og
það tókst. Forsætisráðherra sagði í
Silfri Egils að þinginu væri í lófa lagið
að klára frumvarp til nýrrar stjórnar­
skrár í vetur, byggt á tillögum stjórn­
lagaráðs, og leggja það fullbúið fyrir
þjóðina samhliða alþingiskosningum
í vor. Vona ég sannarlega að sá verði
gangurinn.
Atkvæðagreiðslan um helgina
endurspeglar eindreginn vilja þjóðar­
innar til lýðræðisáttar og það ættu öll
stjórnmálaöfl á Íslandi að taka til sín.
Annað er ávísun á einangrun.
Ég óska loks landsmönnum til
hamingju með þennan merka áfanga
og verði þinginu að góðu.
Leiðari
Ingibjörg Dögg
Kjartansdóttir
ingibjorg@dv.is
Útgáfufélag: DV ehf. Stjórnarformaður: Ólafur M. Magnússon Ritstjóri: Reynir Traustason (rt@dv.is) Fréttastjóri: Ingi Freyr Vilhjálmsson (ingi@dv.is) Umsjón helgarblaðs: Ingibjörg
Dögg Kjartansdóttir (ingibjorg@dv.is) Umsjón innblaðs: Kristjana Guðbrandsdóttir (kristjana@dv.is) Framkvæmdastjóri og vefstjóri DV.is: Jón Trausti Reynisson (jontrausti@dv.is)
Sölu- og markaðsstjóri: Heiða B. Heiðarsdóttir (heida@dv.is) Umbrot: DV Prentun: Landsprent Dreifing: Árvakur DV á netinu: www.dv.is
F R J Á L S T, Ó H Á Ð D A G B L A Ð
Heimilisfang
Tryggvagötu 11
Hafnarhvoli, 2. hæð
101 Reykjavík
FRéTTASkoT
512 70 70 DV áskilur sér rétt til að birta aðsent efni blaðsins á stafrænu formi og í gagnabönkum án endurgjalds. Öll viðtöl blaðsins eru hljóðrituð. Notkun á efni blaðsins er óheimil án samþykkis.
512 7000
512 7010
512 7080
512 7050
AÐALnúmeR
RiTSTJÓRn
ÁSkRiFTARSími
AuGLýSinGAR
14 22. október 2012 Mánudagur
Kjallari
Lýður Árnason
„Tilgangurinn var að
klára verk sem Al-
þingi var fyrirmunað að
klára og það tókst