Fréttablaðið - 28.11.2014, Blaðsíða 46
16 • LÍFIÐ 28. NÓVEMBER 2014
Þegar talað er um beinhimnu-
bólgu er í raun verið að nota
samheiti yfir þrjú mismun-
andi einkenni. Algengast er að
ástæða einkenna sé bólga og erting í himnunni sem um-
lykur beinin á sköflungnum og aðliggjandi vöðvafesting-
um. Áður en gert er ráð fyrir því að einkennin stafi af
þessum orsökum er þó mikilvægt að útiloka það að um
álagsbrot í sköflungnum eða um þrengsli í vöðvahólfum í
fótleggnum sé að ræða.
Beinhimnubólga getur stafað af mörgum mismunandi
ástæðum. Algengt er að þeir sem hlaupa mikið og stunda
íþróttir þar sem mikið er um hopp fái þessi einkenni sem
og ef um of mikið æfingaálag eða miklar breytingar í æf-
ingaálagi er að ræða. Rangur eða mikið slitinn skóbúnað-
ur, röng staða fóta (þ.e. plattfótur), vöðvastífni í fótleggj-
um, ósamræmi í vöðvastyrk fótleggja, ofþyngd og hart
undirlag geta einnig verið áhættuþættir beinhimnubólgu.
Einkenni beinhimnubólgu er verkur við neðri hluta
sköflungs sem finnst við hreyfingu en hverfur við hvíld.
Oft er hægt að finna fyrir og sjá bólgu yfir sköfl ungnum.
Ef þessi einkenni gera vart við sig er mikilvægt að hefja
strax aðgerðir til þess að minnka og koma í veg fyrir
verkinn. Ef ekkert er gert í málinu getur verkurinn orðið
einnig að þrálátum þreytuverk sem erfitt er að með-
höndla.
Meðferð við beinhimnubólgu er tiltölulega einföld.
Hvíld er mjög mikilvæg og ekki skal æfa í gegnum sárs-
aukann. Ef verkurinn gerir einungis vart við sig við
ákveðnar æfingar skal breyta æfingaáætlun eða álagi.
Forðast skal að hlaupa á mjög hörðu eða ósléttu undir-
lagi. Ef verkurinn kemur fram við allar æfingar skal
hvíla þar til verkurinn framkallast ekki við álag og eymsl-
in yfir sköflungnum eru horfin. Mikilvægt er að velja skó-
búnað sem hentar fótgerð hvers og eins. Hægt er að leita
ráða með skógerðir hjá sérfræðingum í göngugreiningu.
Gott er að vera með hita yfir sköflungnum á æfingum og
þrýsti sokka eða legghlífar sem auka blóðflæðið í vöðv-
unum. Einnig getur reynst hjálplegt að kæla sköflunginn
strax eftir æfingu eða hita og kæla svæðið til skiptis.
HVAÐ ER BEINHIMNUBÓLGA?
Beinhimnubólga hrjáir marga þá sem stunda líkamsrækt af einhverju tagi. En af hverju fáum við hana og hvað er hægt að gera?
Nanna Árnadóttir
íþróttafræðingur Mikilvægt er að nota
réttan skóbúnað.
Hægt er að
minnka líkurnar
á því að fá
beinhimnubólgu
með því að fara
eftir eftirtöldum
ráðum
● Mikilvægt er að
hita vel upp fyrir
allar æfingar.
● Auka æfingaá-
lag jafnt og þétt
og fara ekki of
geyst af stað
þegar byrjað er að
hreyfa sig.
● Ef undirlag í æfing-
um er breytilegt
skal passa að
breytingin eigi sér
stað rólega og yfir
einhvern tíma.
● Passa skal að nota
réttan skóbúnað
eftir æfingum, ekki
hlaupa í æfinga-
skóm heldur þar
til gerðum hlaupa-
skóm.
● Athuga skal með
innlegg ef staða
fóta er röng.
2 matskeiðar
aloe vera-gel
½ þroskuð lárpera
1 matskeið
fljótandi hunang
1 teskeið möndluolía
1½ matskeið haframjöl
Stappið lárperuna niður með
gaffli þangað til hún er án
allra kekkja. Blandið hinum
hráefnunum vel saman við
með skeið. Berið á hreint and-
lit og látið vera á í 15 mínútur.
Hreinsið af með volgu vatni og
þvottapoka.
HEIMATILBÚINN
MASKI FYRIR
ÞURRA HÚÐ
Þennan maska er einfalt að gera, lárperan er
mjög rakagefandi og því er hann upplagður
til þess að róa þurra húð yfir vetratímann.
Hugsaðu vel um húðina yfir vetrartímann.
JÓLA
VERÐ-
SPRENGJAN
ER HAFIN!
50%
Grensásvegi 8 - Sími 553 7300
Opið mán-fim 12–18, fös 12–19, lau 12–17
PEYSUR, BUXUR, BOLIR, LEGGINGS,
TOPPAR, KJÓLAR, SKYRTUR,
TÖSKUR, SKART OG FLEIRA
AFSLÁTTUR
AF ÖLLUM
FATNAÐI
GRÍPTU TÆKIFÆRIÐ, GERÐU
DÚNDUR KAUP FYRIR JÓLIN
Heilsuvísir