Fréttablaðið - 28.11.2014, Blaðsíða 60
28. nóvember 2014 FÖSTUDAGUR| MENNING | 36
TÓNLIST ★★★ ★★
Secretos. Spanish Music For
Voice, Violin and Guitar.
Guðrún Jóhanna Ólafsdóttir,
Roncesvalles Duo
ABU RECORDS
Guðrún Jóhanna Ólafsdóttir mezzó-
sópran hefur verið búsett á Spáni
um árabil og þekkir spænska tón-
list betur en aðrir söngvarar hér
á landi. Hún hefur auðgað íslenskt
menningarlíf svo um munar með
slíkri tónlist, sem er annars aldrei
á dagskránni á tónleikum, nema
þegar gítarleikarar stíga á svið.
Á geisladiskinum sem hér um
ræðir er að finna spænska tónlist
frá ýmsum áttum. Eitt verkið, Nav-
arra Lullaby, er að vísu eftir breskt
tónskáld, John Barber, en það er þó
í spænskum anda.
Eiginmaður Guðrúnar er gítar-
leikari, Francisco Javier Jáuregui.
Hann leikur með henni og ekki
bara það, hann útsetur líka nokkur
lög. Útsetningarnar eru flottar, lit-
ríkar og líflegar. Gítarleikurinn er
jafnframt kraftmikill, safaríkur og
grípandi, akkúrat eins og spænsk
tónlist á að hljóma. Söngur Guð-
rúnar er sömuleiðis hrífandi fagur,
einlægur og fullur af skáldskap.
Tónlistin er heillandi í meðförum
hennar.
Aðra sögu er að segja um fiðlu-
leik Elenu Jáuregui. Hann er býsna
varfærnislegur og stífur. Það er
engin ástríða í honum. Sem betur
fer er fiðluleikarinn ekki í stóru
hlutverki, en engu að síður lýtir
hann heildarsvipinn á geisladisk-
inum. Það er synd, því allt hitt er
svo gott og hefði vel getað slegið í
gegn. Jónas Sen
NIÐURSTAÐA: Ef fiðluleikurinn væri
betri væri þetta frábær geisladiskur.
Hrífandi söngur, grár fiðluleikur
GUÐRÚN JÓHANNA ÓLAFSDÓTTIR „Söngur Guðrúnar er sömuleiðis hrífandi
fagur, einlægur og fullur af skáldskap,“ segir Jónas Sen.
Hefð hefur skapast fyrir því á
Gljúfrasteini að bjóða rithöfundum
og þýðendum að lesa upp úr nýút-
komnum verkum sínum á safninu
í aðdraganda jóla. Nú á sunnudag-
inn, 30. nóvember, ríða þeir fyrstu
á vaðið þetta árið og hefst lesturinn
klukkan 16, stundvíslega.
Guðbergur Bergsson, Guðrún
Guðlaugsdóttir, Hjörtur Marteins-
son og Sigurbjörg Þrastardóttir
hafa öll sent frá sér ný skáldverk á
árinu, Guðbergur skáldsöguna Þrír
sneru aftur, Guðrún glæpasöguna
Beinahúsið, Hjörtur ljóðabókina
Alzheimer tilbrigðin og Sigurbjörg
ljóðabókina Kátt skinn (og gloría).
Sextán höfundar og þýðendur
koma fram á Gljúfrasteini á þess-
ari aðventu í allt og lesa upp úr
verkum af ýmsum toga; ljóðum,
skáldsögum, smáprósum og þýdd-
um verkum.
Aðgangur er ókeypis og allir
hjartanlega velkomnir meðan hús-
rúm leyfir.
Fjögur skáld lesa úr verkum
sínum á Gljúfrasteini
EITT AF
SKÁLDUNUM
Guðbergur
ætlar að lesa
úr bókinni Þrír
sneru aftur.
FRÉTTABLAÐIÐ/VALLI
„Þetta verður mjög skemmtilegt og
flott, ég get alveg lofað því. Heil-
mikill söngur,“ segir Þorbjörn
Rúnarsson tenór um tvenna stór-
tónleika á Austurlandi á sunnudag-
inn. Þá flytja hátt í 60 manns þrjár
kantötur úr Jólaóratoríu J.S. Bach,
fyrst í Egilsstaðakirkju og síðan á
Eskifirði.
Það eru Kammerkór- og Kór
Egilsstaðakirkju ásamt einsöngv-
urunum Þorbirni, Andreu Kissne
Revfalvi sópran, Erlu Dóru Vogler
mezzósópran og József Gabrieli-
Kiss bassa sem sjá um flutning-
inn, með hljómsveit. Stjórnandi er
Torvald Gjerde.
Þorbjörn bjó á Egilsstöðum í 18
ár og söng með Kammerkór Egils-
staðakirkju frá stofnun hans. Hann
býst við að syngja með kórnum
núna líka, auk einsöngsins þar sem
hann verður í hlutverki guðspjalla-
mannsins eins og nokkrum sinnum
áður, bæði meðan hann bjó á Egils-
stöðum, í Langholtskirkju og í Fær-
eyjum. „Þetta er ekkert boldangs
tenórhlutverk í ítölskum stíl, held-
ur létt og lágstemmt þó að tónarnir
séu háir,“ lýsir hann.
Tónleikarnir verða klukkan
16 á sunnudag í Egilsstaðakirkju
og klukkan 20 í Tónlistarmiðstöð
Austurlands á Eskifirði. - gun
Létt og lágstemmt þó
að tónarnir séu háir
Kammerkór og kór Egilsstaðakirkju ásamt einsöngv-
urum og hljómsveit fl ytja kantötur úr Jólaóratoríu
Bach á sunnudaginn í Egilsstaðakirkju og á Eskifi rði.
FLYTJENDUR Kammerkór Egilsstaðakirkju er á meðal þeirra sem sjá um flutninginn.
MYND/SKARPHÉÐINN ÞÓRISSON
BÆKUR ★★★★ ★
Síðasti galdrameistarinn
Ármann Jakobsson
JPV
Ármann Jakobsson hefur nú sent
frá sér sína fyrstu barnabók,
sem ber titilinn Síðasti galdra-
meistarinn. Ármann er prófessor
við íslensku- og menningardeild
Háskóla Íslands, en sérsvið hans
eru miðaldabókmenntir.
Hann
sækir
enda
í n or -
rænan
sagnaarf
við ritun
sög-
unnar
sem
hér um
ræðir.
Sagan
segir
frá Kára
nokkr-
um, sem óvænt neyðist til að taka
við sem opinber galdrameistari
ríkisins. Það kemur bæði til vegna
misskilnings og lyga ættingja
hans, en síðasti galdrameistarinn,
frændi Kára, lést í bardaga við
dreka. Ástæðuna má rekja til eigin
hégóma, en hann var hættur að
ganga með gleraugu til að ganga í
augun á kvenþjóðinni. Þetta er gott
dæmi um undirliggjandi húmor
í bókinni, en bókin er virkilega
fyndin – og á svo yndislega lúmsk-
an hátt.
En aftur að Kára. Hann neyð-
ist sem sagt til að taka við sem
galdrameistari – en það er sérstak-
lega óheppilegt í ljósi þess að hann
kann alls ekki að galdra.
Upphefst þá skondin saga af því
hvernig hann reynir að blekkja
konunginn og hirðina alla og kom-
ast hjá því að viðurkenna að hann
kann alls ekki að galdra. Sögu-
sviðið er Skandinavía og sögutím-
inn er snemma á miðöldum.
Ármann er sem fyrr segir pró-
fessor við íslensku- og menningar-
deild Háskóla Íslands enda er mál-
far áberandi gott. Þetta er bók sem
ætti að hvetja börn til að lesa því
hún ætti að auka orðaforðann til
muna. Ég ætla að lesa hana aftur
bara með það í huga að læra af
henni málfarslega séð.
Sagan minnir á þjóðsögu, Kári
þarf að leysa þrjár þrautir og stór
hluti bókarinnar fjallar um það
ævintýri. Undirliggjandi umfjöll-
unarefni er þó samfélagið og
fjallar höfundur um ýmiss konar
misrétti þess, til dæmis kynjamis-
rétti, fordóma og misskiptingu
auðs í samfélaginu.
Persónusköpun er góð og þrátt
fyrir að bæði aðalpersónan og
aðstoðarmaður hans séu strákar
þá kemur sterk kvenpersóna fljót-
lega fram sem hefur mikil áhrif á
framvindu sögunnar. Drengirnir
tveir eru raunar mjög hissa á þess-
ari stúlku og tala mikið um hvað
hún sé óvenjuleg stelpa, sem bæði
pirrar femínískar taugar lesand-
ans og vekur hann til umhugsunar
um leið, sérstaklega þegar stúlk-
an segir að yfirleitt hafi það verið
sagt um hana í neikvæðum tón.
Það er margt undirliggjandi í sög-
unni um Kára sem hugsanlega er
hulið yngstu lesendunum en mætti
nýta sem umræðuefni.
Halla Þórlaug Óskarsdóttir
NIÐURSTAÐA: Bráðfyndin saga sem
byggir á norrænum sagnaarfi en
fjallar ekki síður um nútímasamfélag.
Spaugsemi úr norrænum sagnaarfi
ÁRMANN JAKOBSSON „Þetta er bók sem ætti að hvetja börn til að lesa því hún
ætti að auka orðaforðann til muna,“ segir Halla Þórlaug.
FRÉTTABLAÐIÐ/STEFÁN
Sunnudagsleiðsögn verður um sýn-
inguna Valin verk í eigu Listasafns
Íslands á sunnudaginn klukkan 14
þar sem þrír gestir ræða valin
verk.
Gestirnir eru Sigurður Péturs-
son, lektor emeritus, sem mun
fjalla um Ganýmedes, högg-
mynd Bert els Thorvaldsen, Mar-
grét Eggertsdóttir, rannsóknar-
prófessor við Árnastofnun, sem
fjallar um myndskreytingar Bar-
böru Árnason við Passíusálma
Hallgríms Péturssonar, en tvær
þeirra eru nú til sýnis í safninu,
og Tinna Gunnlaugsdóttir þjóð-
leikhússtjóri, sem mun fjalla um
gjöf Listasafnsfélagsins á verkinu
Málverk eftir Auguste Herbin til
Listasafns Íslands, sem einnig er
til sýnis í safninu.
Einnig verður gengið um sýn-
inguna og sagt stuttlega frá safn-
eign Listasafns Íslands. - fsb
Sunnudagsleiðsögn um valin verk
Þrír góðir gestir sækja Listasafn Íslands heim klukkan 14 á sunnudaginn
og fræða gesti um verk á sýningunni Valin verk úr safneign Listasafnsins.
GANÝMEDES Eitt þeirra verka sem
fjallað verður um er Ganýmedes eftir
Bertel Thorvaldsen. FRÉTTABLAÐIÐ/GVA