Fréttablaðið - 08.12.2014, Blaðsíða 22

FÓLK|HEIMILI
Túngata 14 í Reykjanesbæ er fastur viðkomustaður margra bæjarbúa og utanbæjarmanna vikurnar fyrir
jólin enda húsið með eindæmum skraut-
legt og litfagurt. Húsið er kallað Jólahús
barnanna á þessu tímabili enda skreytt
með þarfir yngsta aldurshópsins í huga
að sögn eiganda þess og yfirskreytingar-
meistara, Hallbjörns Sæmundssonar.
Húsið stendur í gamla bænum í Keflavík
og var byggt árið 1926. Það er rautt á
lit með hvítu þaki og nokkuð jólalegt í
útliti og því sérstaklega heppilegt undir
skrautlegar jólaskreytingar.
„Ég byrjaði að skreyta húsið fyrir um
sextán árum. Upphaflega var þetta hóf-
legt en skrautið varð meira með hverju
árinu sem leið. Ég hef smíðað eitthvað
sjálfur og keypt annað en ég legg minni
áherslu á jólaljósin en þeim mun meiri
á ýmsar fígúrur enda skreyti ég með
þarfir barna í huga. Þau hafa miklu meira
gaman af ýmsum fígúrum en fallegum
jólaljósum enda koma þau mikið hingað,
ekki síst í hópum frá leikskólum bæjar-
ins.“
Það eru þó ekki bara yngsta kyn-
slóðin sem hrífst af húsi Hallbjörns.
„Hér er nánast stanslaus umferð allan
sólarhringinn vikurnar fyrir jólin. Margir
taka myndir og þegar bláu ljósin eru
sem mest heldur maður stundum að
það sé kviknað í. Hingað koma ekki
bara leikskólahópar heldur bæjarbúar
á öllum aldri og ekki síst eldri borgarar.
Margar rútur frá höfuðborgarsvæðinu
stoppa hér við en margir heimsækja
Reykjanesbæ á þessum árstíma enda
mörg falleg jólahús hér. Bærinn breytist
í hálfgerða paradís á þessum árstíma.
Það er líka gaman að heyra um fólk
sem heimsækir húsið árlega. Ég ræddi
til dæmis við ömmu í fyrra sem mætir
hingað á hverju ári með barnabörnin sín
úr Reykjavík.“
Mikil vinna felst í því að setja upp
skrautið en hún hefst vanalega um
miðjan nóvember. „Þetta er mjög tíma-
frekt verkefni sem krefst vandvirkni. Það
þýðir ekkert að henda þessu upp hingað
og þangað heldur þarf að vanda vel til
verks. Ég set skrautið upp einn og vil
enga hjálp við það. Sjálfur er ég orðinn
löglegt gamalmenni og orðin svolítið full-
orðinn fyrir þetta príl en ef ég get þetta
ekki einn þá er kominn tími til að hætta
þessu.“ ■ starri@365.is
FÍGÚRUR FYRIR
KRAKKANA
JÓLAHÚS Fjöldi fólks leggur leið sína í Reykjanesbæ fyrir jólin enda mörg
falleg jólahús í bænum. Eitt þeirra er Jólahús barnanna en eigandi þess
skreytir húsið árlega með þarfir yngstu barnanna í huga.
GLAÐLEGT Hallbjörn skreytir Jólahúsið með þarfir barnanna í huga.
MYND/VÍKURFRÉTTIR
MIKIÐ SKREYTT Stanslaus umferð er fyrir utan Jólahúsið vikurnar fyrir jólin. MYND/VÍKURFRÉTTIR
SKREYTIR Hallbjörn Sæmundsson undirbýr skreytingar á Jólahúsi barnanna í
Reykjanesbæ. MYND/VÍKURFRÉTTIR
SPORTÍS
MÖRKIN 6 108 REYKJAVÍK S:520-1000 SPORTIS.IS
GRÍPTU GÆSINA
SETTU ALVÖRU GÆÐI Í JÓLAPAKKANN!
CITADEL KENSINGTON
kr.129.990.- kr.129.990.-