Fréttablaðið - 20.12.2014, Side 52

20. desember 2014 LAUGARDAGUR| HELGIN | 52
erlendir íþrótta-
menn sem sköruðu
fram úr árið 2014
Lewis Hamilton Tryggði sér sinn annan heimsmeistaratitil í Formúlu 1 á
árinu eftir harða baráttu við Nico Rosberg, liðsfélaga sinn hjá Mercedes. Titil-
baráttan réðst ekki fyrr en í lokamótinu, í Abú Dabí, þar sem Hamilton leiddi
frá upphafi til enda. Hamilton hefur nú unnið 33 mót í Formúlunni, oftast
allra Breta í sögunni. Hann var einnig valinn íþróttamaður ársins í Bretlandi.
Rory McIlroy Norðurírski
kylfingurinn átti lygilegt sumar sem
hófst með sigri hans á Opna breska
meistaramótinu. Þremur vikum síðar
vann hann PGA-meistaramótið og
varð hann þar með þriðji yngsti
kylfingurinn sem vinnur tvö risamót
í röð– hinir eru Tiger Woods og
Jack Nicklaus. McIlroy kórónaði svo
frábært tímabil er hann var í sigurliði
Evrópu í Ryder-keppninni.
Cristiano Ronaldo
Hefur átt ótrúlegt ár
með Real Madrid. Hlaut
Gullbolta FIFA í ársbyrjun,
varð Evrópumeistari í vor
er hann bætti markamet
Meistaradeild ar Evrópu
með sautján mörkum
á einu tímabili og
hefur verið magnaður á
fyrstu mánuðum nýja
tímabilsins á Spáni
í haust. Ronaldo
er kominn með
25 mörk í þeim
14 deildar-
leikjum sem
hann hefur
spilað en hann
skoraði í öllum
leikjunum
nema einum.
Ronaldo er
kominn með
58 mörk á
árinu með
bæði félagsliði
og landsliði
sem er sárabót
fyrir vonbrigði
Portúgals á HM
í Brasilíu, þar
sem Ronaldo
og félagar sátu
óvænt eftir í
riðlakeppninni.
Valerie Adams Adams hefur borið
höfuð og herðar yfir aðra kúluvarpara
á heimsvísu undanfarin ár og heims-
og Ólympíumeistarinn undirstrikaði
yfirburði sína á árinu sem er að líða.
Adams varð heimsmeistari innan-
húss með næstbesta kasti í sögu
keppninnar, vann öll sjö Demantamót
tímabilsins og varð Samveldismeistari
í júlí. Besta kast hennar í ár var 20,59
metrar sem var lengsta kast ársins.
Katinka Hosszú 25 ára sundkona
frá Ungverjalandi sem átti besta ár
ferils síns. Hún hlaut heimsbikarinn
í sundi þar sem hún fékk alls 68
verðlaun á tímabilinu og blómstraði
svo á stórmótunum. Hún vann sex
verðlaun (þrenn gullverðlaun) á EM í
50 m laug í Berlín í sumar og svo átta
verðlaun á HM í 25 m laug (fjögur
gull) auk þess sem Hosszú bætti
fimm heimsmet – öll í fjórsundi.
Marit Bjørgen Ein sigursælasta
skíðagöngukona allra tíma. Hún vann
þrenn gullverðlaun á Vetrarólympíu-
leikunum í Sotsjí og hefur nú unnið
tíu verðlaun á Ólympíuleikum á ferl-
inum öllum. Engin kona hefur unnið
fleiri verðlaun á Vetrarólympíuleikum
auk þess sem Bjørgen hefur unnið
flesta sigra allra í sögu heimsbikar-
keppninnar í skíðagöngu. Bjørgen er
34 ára og er enn að.
Mikaela Shiffrin Þessi nítján ára
bandaríska skíðakona festi sig í sessi
sem svigdrottning heimsins í ár. Hún
hlaut gull á Vetrarólympíuleikunum
í Sotsjí í greininni og fylgdi þar með
eftir heimsmeistaratitlinum sem hún
vann árið 2013. Hún hefur nú unnið
heimsbikartitilinn í svigi síðustu tvö
árin en hún hafði mikla yfirburði í
stigakeppninni á síðasta tímabili. Hún
hóf svo tímabilið í haust með því að
vinna keppni í stórsvigi.
Darja Domratsjeva Drottning Vetrarólympíuleikanna
í Sotsjí þar sem hún vann þrenn gullverðlaun í alls fjórum
einstaklingskeppnisgreinum í skíðaskotfimi. Gríðarlega
vinsæl í heimalandinu þar sem hún hlaut sæmdarheitið
„Hetja Hvíta-Rússlands“ eftir sigurförina til Sotsjí, en það
er æðsta orða sem veitt er í Hvíta-Rússlandi. Hún er eini
íþróttamaðurinn sem hlotið hefur þessa útnefningu og
eina konan þar að auki.
Serena Williams Sigursælasta tenniskona allra tíma
með 33 sigra á risamótum í öllum flokkum. Hélt efsta sæti
heimslistans allt árið þrátt fyrir erfið meiðsli á fyrri hluta
ársins og slæmt gengi á bæði Opna franska meistaramótinu
og Wimbledon. Serena sneri þó gengi sínu við á síðari hluta
ársins, vann fjögur af sjö síðustu mótum ársins– þar af Opna
bandaríska meistaramótið í New York. Það var hennar átjándi
risamótstitill í einliðaleik kvenna en aðeins Steffi Graf hefur
unnið fleiri, eða 22 talsins.
Renaud Lavillenie Loks kom stangarstökkvari fram á sjónar-
sviðið sem gat ógnað heimsmetum Sergei Bubka. Þessi öflugi Frakki
bætti 21 árs gamalt heimsmet Bubka í stangarstökki innanhúss er
hann stökk yfir 6,16 m á móti sem Bubka sjálfur stendur árlega fyrir
í Dónetsk í Úkraínu. Varð Evrópumeistari í Zürich í sumar er hann
stökk 5,90 m og vann svo sinn fimmta Demantsmótsmeistaratitil
á ferlinum og er sá eini í sögunni sem hefur afrekað það. Vann svo
gull í álfukeppninni í Marrakesh í Marokkó þar sem hann var fyrirliði
Evrópuliðsins.
Manuel Neuer
Lykilmaður í heimsmeist-
araliði Þýskalands sem
vann bikarinn eftirsótta í
Brasilíu í sumar, þar sem
Neuer hélt hreinu í 1-0 sigri
á Argentínu í úrslitaleikn-
um. Hélt hreinu í fjórum
leikjum á mótinu og var út-
nefndur besti markvörður
keppn innar. Leikstíll hans
vakti sérstaklega athygli en
Neuer var óhræddur við
að koma út úr vítateignum
til að taka þátt í uppspili
liðsins eða brjóta niður
skyndi sóknir andstæðinga
sinna. Tilnefndur sem
knattspyrnumaður ársins
hjá FIFA ásamt Cristiano
Ronaldo og Lionel Messi.
Tim Duncan Vann sinn fimmta NBA-meistaratitil með San
Antonio Spurs í vor en hann hefur spilað allan sinn feril með
félaginu. Hann er nú á sínu átjánda tímabili í NBA-deildinni og er
eini maðurinn, ásamt John Salley, sem hefur orðið NBA-meistari
á þremur mismunandi áratugum. Duncan, Manu Ginobili og
Tony Parker skipa sigursælasta þríeyki í sögu úrslitakeppni NBA-
deildarinnar en hinn 38 ára Duncan á einnig flestar mínútur í
úrslitakeppninni og flestar tvöfaldar tvennur.
12
Magnað íþróttaár er að baki. Frægðarsól sumra reis enn hærra á árinu og nýjar stjörnur stigu
fram í sviðsljósið. HM í Brasilíu og Vetrarólympíuleikarnir í Sotsjí voru hápunktarnir en þar fyrir
utan var árið afar viðburðaríkt í fjöldamörgum greinum. Eiríkur Stefán Ásgeirsson tók saman.
NORDICPHOTOS/AFP OG GETTY