Fréttablaðið - 20.12.2014, Side 86

FÓLK|HELGIN
Hulda Birna Vignisdóttir og Einar Einarsson hanna og sauma slaufur undir merkinu H&E Design. Þau
höfðu lengi velt því fyrir sér að stofna eigið
fyrirtæki en voru ekki viss hvað þau vildu
gera. Þau skrifuðu helling af hugmyndum
niður á blað og eftir afmæli Einars kom upp
hugmyndin um að gera slaufur. „Ég hef alltaf
verið mikið fyrir bindi en þegar Hulda gaf
mér slaufu í afmælisgjöf á þessu ári kvikn-
aði áhugi á tísku og hönnun hjá mér,“ segir
Einar. „Það virðist sem Hulda hafi opnað
einhverja gátt hjá mér og núna er ekki hægt
að setja tappann aftur í.“
Hulda segist aftur á móti lengi hafa átt sér
þann draum að verða listakona og hönn-
uður en hún kláraði almenna hönnunarbraut
í Tækniskólanum og fékk þar smjörþefinn
af því. „Stíllinn minn er mjög casual, í
áttina að „normcore“-fatastílnum
sem er búinn að gera allt vitlaust
á árinu. Ég vil hafa fötin fyrst og
fremst þægileg og er yfirleitt í
peysu, bol eða skyrtu við galla-
buxur og strigaskó. Oft poppa
ég aðeins upp á útlitið og bæti
við hálsmeni,“ segir hún, aðspurð
um hvernig hennar eigin stíll sé.
Einar segir sinn stíl vera svolítið
gamaldags og klassískan. „Mér
finnst samt gaman að prófa mig
áfram og púsla saman skemmti-
legum litum í bland við þetta gamla. Hvers-
dags klæðist ég skyrtu, vesti, litríkum buxum
og að sjálfsögðu set ég upp slaufu.“
ÍSLAND ER INNBLÁSTUR
Slaufurnar sem þau Hulda og Einar byrjuðu
að sauma sjálf í eigin frítíma hafa vakið
mikla lukku enda fjölbreytt úrval í boði hjá
þeim, allt frá slaufum með teiknimyndafíg-
úrum upp í hefðbundnar einlitar slaufur.
„Við erum mikið í því að hanna okkar eigið
efni og látum prenta sérstaklega á þau fyrir
okkur en þannig náum við að gera eitthvað
sem enginn annar er að gera,“ segir Einar.
Hulda bætir við að þessa stundina sé Ísland
aðalinnblástur þeirra í hönnuninni. „Landið
okkar hefur upp á svo mikið að bjóða.
Markmið okkar er að endurvekja íslenska
handverkið. Það hefur svolítið gleymst á
tímum eins og í dag þar sem margt er verk-
smiðjuframleitt í Kína. Við viljum reyna að
hafa vöruna eins íslenska og við mögulega
getum. Framleiðslan er dýrari en að okkar
mati þá stöndum við uppi með skemmti-
legri vöru fyrir vikið.“
MÆTAST Á MIÐRI LEIÐ
Hulda og Einar segja það stundum geta tek-
ið á fyrir par að vinna náið saman en að það
hafi gengið vel hjá þeim hingað til. „Nema
að ég er kannski full fljótur á mér stund-
um,“ segir Einar og hlær. „Samt smellum við
svo ótrúlega saman, ég á bensíngjöfinni og
hún á bremsunni. Við mætumst yfirleitt
á miðri leið.“ „Við þurfum samt að
passa okkur að aðskilja vinnuna
frá fjölskyldulífinu. Það er mjög
hættulegt að reka fyrirtæki
heiman frá sér, þá er allt vinnu-
dótið alltaf til staðar þegar
maður kemur heim á daginn. Við
höfum samt verið dugleg að taka
daga þar sem bannað er að tala
um vinnu og stranglega bannað
að vinna. Það er nauðsynlegt
fyrir sambandið,“ segir Hulda
brosandi.
SPENNANDI VERKEFNI Í UPPSIGLINGU
Þau segja skemmtilega tíma fram undan,
þau hafi nýlega sett tvær nýjar gerðir af
slaufum á markað, fótboltaslaufur og aðra
með myndum af gamalli mynt. Eftir áramót
munu fleiri vörur úr vörulínunni „Íslenzka
krónan“ birtast en auk þess er Hulda með
spennandi verkefni í pípunum. „Ég ætla að
einbeita mér að því að koma á laggirnar
myndlistarsýningu sem er búin að vera í
vinnslu í tvö ár en ég hef aldrei haft tíma
til þess að klára. Við munum enn þá sinna
vöruþróun saman en annars reynir Einar að
sinna öllu öðru hvað varðar fyrirtækið.“
ANNAÐ Á BENSÍNI, HITT Á BREMSU
ÍSLENSK HÖNNUN Hulda Birna Vignisdóttir og Einar Einarsson hanna og sauma skemmtilegar og skrautlegar slaufur sem slegið
hafa í gegn. Þau segja það stundum taka á að vinna náið saman en passa að aðskilja vinnu og fjölskyldulíf, það sé nauðsynlegt.
„ÍSLENSKA KRÓNAN“
Ermahnapparnir eru hluti
af nýju vörulínunni frá
H&E Design.
NÓG AÐ GERA Þau Einar og Hulda voru sjálf að fást við slaufugerðina til að byrja með en eru nú komin með
þrjár konur til að aðstoða sig við saumaskapinn enda nóg að gera. MYND/ERNIR
ALLS KONAR
Slaufurnar eru
með fjölbreyttu
mynstri.