Fréttablaðið - 20.12.2014, Side 146

20. desember 2014 LAUGARDAGUR| SPORT |
HANDBOLTI „Það vill enginn vera
í neðsta sæti – við ætluðum okkur
auðvitað meira,“ segir Arnþór Þor-
steinsson, framkvæmdastjóri hand-
knattleiksdeildar HK, í samtali við
Fréttablaðið, en HK-ingar fara inn í
vetrarfríið í botnsæti deildarinnar,
átta stigum frá öruggu sæti þegar
ellefu leikir eru eftir.
HK-ingar eru ekki óvanir því að
vera í botnsæti Olís-deildarinnar, en
þar hefur liðið verið allt árið, jafnt
á síðasta tímabili sem og nú. Árang-
ur þess er með eindæmum lélegur,
en það er aðeins búið að vinna tvo
deildar leiki af 24 á árinu og innbyrða
sjö stig af 74.
„Markmiðið er og var að enda á
meðal átta efstu liðanna og komast
í úrslitakeppnina. Það er enn þá nóg
eftir af deildinni,“ segir Arnþór.
Enginn krísufundur
HK tapaði síðustu tíu leikjum sínum
í Olís-deildinni á síðasta tímabili sem
fram fóru á almanaksárinu 2014 og
enduðu langneðstir á tímabilinu. Þar
sem fjölgað var í deildinni sluppu þeir
með skrekkinn og fengu tækifæri til
að halda áfram í deild þeirra bestu.
Þeir voru stórhuga í sumar; réðu
Bjarka Sigurðsson sem þjálfara og
fengu til sín ágæta leikmenn á borð
við Guðna Má Kristinsson, Þorgrím
Smára Ólafsson og Lárus Helga Ólafs-
son. Það hefur þó ekki dugað til.
„Það er enginn að fara á taugum
hjá HK. Það er enginn krísufundur í
gangi eða neitt svoleiðis. En auð vitað
vildum við meira og og við viljum
meina að það búi meira í liðinu. Við
munum vinna vel í ýmsum málum í
fríinu,“ segir Arnþór, en á að bæta
við leikmönnum áður en deildin hefst
aftur eftir HM í Katar?
„Það er lítið hægt að segja um það.
Auðvitað skoðum við það ef eitthvað
kemur upp, en það er ekkert á teikni-
borðinu að fara að hrúga inn leik-
mönnum. Við eigum leikmenn eins og
Óðin Þór Ríkharðsson inni sem stóð
sig gríðarlega vel áður en hann meidd-
ist og svo kemur Atli Karl vonandi til
baka úr náminu eftir áramót.“
Bjarki Sigurðsson hefur ekki náð
mikið betri árangri en Samúel Ívar
Árnason og Ágúst Þór Jóhannsson
gerðu með HK-liðið á síðasta tíma-
bili, en hann er öruggur í starfi um
sinn. „Hans staða hefur ekkert verið
rædd og það er enginn stjórnarfundur
á döfinni fyrir áramót,“ segir Arnþór.
Auðvitað ekki gaman
Arnþór viðurkennir að það sé erfitt að
horfa upp á liðið tapa hverjum leikn-
um á fætur öðrum, en segir engan bil-
bug á sér eða HK-ingum að finna.
„Auðvitað er þetta ekkert gaman
til lengdar. Það þarf engan rosa legan
stærðfræðing til þess að sjá það.
Hjartað er samt alveg nógu stórt til að
ráða við þetta. HK-hjartað slær enn.
Maður hefur gengið í gegnum rosa-
lega góða tíma með liðinu. Maður þarf
að fara í gegnum bæði sæta og súra
tíma,“ segir hann.
Arnþór telur HK-liðið nógu gott til
að halda sér uppi fái það Atla Karl til
baka og verði liðið tiltölulega meiðsla-
frítt á nýju ári.
„Ég tel það, já. Ég vil meina að
við séum með gott handboltalið. Við
unnum Aftureldingu og höfum átt
flotta leiki gegn toppliðunum. Það eru
miklir hæfileikar í liðinu en það er
eitthvað andlegt að trufla menn sem
við þurfum að vinna í.“ tomas@365.is
HK-hjartað slær enn.
Maður þarf að fara í gegn-
um bæði sæta og súra tíma.
Arnþór Þorsteinsson,
framkvæmdastjóri Hkd. HK
Ekki að fara á taugum
HK er á botni Olís-deildar karla, en liðið er aðeins búið að vinna tvo leiki af 16 í
deildinni. Í heildina er liðið aðeins búið að vinna tvo deildarleiki af 24 á árinu.
ERFITT Lárus Helgi Ólafsson situr svekktur eftir einn af fjórtán tapleikjum HK í Olís-deildinni í vetur. FRÉTTABLAÐIÐ/ANDRI MARINÓ
DEILDARLEIKIR HK
ÁRIÐ 2014
SÍÐUSTU 10 LEIKIRNIR
2013/2014
ÍBV - HK 25-17 -8
Valur - HK 48-18 -30
HK - Haukar 16-22 -6
HK -ÍR 21-32 -11
Samúel rekinn og
Ágúst tekur við
Valur - HK 31-24 -7
HK - Haukar 22-31 -9
ÍBV - HK 36-27 -11
HK - Fram 23-29 -6
FH - HK 35-28 -7
Akureyri - HK 31-23 -8
Árangur: 0-0-10
10 töp með að meðaltali
10,3 marka mun
FYRSTU 16 LEIKIRNIR
2014/2015
HK - Akureyri 21-25 -4
Stjarnan - HK 27-26 -1
HK - Valur 22-27 -5
HK - Fram 31-22 +9
FH - HK 36-28 -8
ÍBV - HK 34-22 -12
HK - ÍR 28-30 -2
UMFA - HK 22-25 +3
HK - Haukar 20-31 -11
Akureyri - HK 23-18 -5
HK - Stjarnan 27-28 -1
Valur - HK 37-25 -12
HK - ÍBV 24-30 -6
Fram - HK 27-21 -6
HK - FH 22-25 -3
ÍR - HK 34-27 -7
Árangur: 2-0-14
14 töp með að meðaltali
6 marka mun
Íslenska kvennalandsliðið í fótbolta mætir Bandaríkjunum í
riðlakeppni Algarve-bikarsins sem fer fram 2. til 12. mars á
næsta ári en okkar stelpur unnu brons á mótinu í ár. Banda-
ríkin eru efst á heimslista FIFA en að auki eru í íslenska
riðlinum Noregur og Sviss, sem vann yfirburðasigur í riðli
Íslands í undankeppni HM 2015. Íslensku stelpurnar unnu
Svíþjóð í leiknum um 3. sætið í Algarve-bikarnum 2014 sem
er næstbesti árangur liðsins á mótinu frá upphafi.
Ísland er í B-riðlinum en Í A-riðlinum eru Svíþjóð, Þýska-
land, Kína og Brasilía. Algarve-bikarinn hefur aldrei verið
sterkari því „veikasti“ riðillinn er nú skipaður mjög sterkum
þjóðum. Portúgal hefur vanalega verið með mun veikari
liðum í C-riðlinum en að þessu sinni keppa þær portúgölsku
við Danmörku, Frakkland og Japan, allt þjóðir á topp sextán.
Íslensku stelpurnar í riðli með
besta liði heims HANDBOLTI Norska kvennalandsliðið er komið í sinn fjórða úrslitaleik á
stórmóti undir stjórn íslenska þjálfarans Þóris Hergeirssonar en það varð ljóst
eftir að norsku stelpurnar unnu öruggan fjögurra marka sigur á Svíþjóð, 29-25,
í undanúrslitaleik liðanna í gærkvöldi.
Noregur mætir Spáni í úrslitaleiknum á sunnudaginn en Svíþjóð spilar um
bronsið á móti fráfarandi Evrópumeisturum Svarfjallalands.
Þórir hefur verið aðalþjálfari liðsins frá árinu 2009 en liðið hefur unnið þrjú
gullverðlaun síðan hann tók við. Norska liðið náði „aðeins“ fimmta sæti á HM
í fyrra en Þórir er búinn að byggja upp nýtt frábært lið.
Þetta er jafnframt sjöunda Evrópumótið í röð þar sem norska liðið spilar til
úrslita en Þórir Hergeirsson hefur komið að öllum þessum gullleikjum, fyrst
sem aðstoðarþjálfari á fjórum EM og svo sem aðalþjálfari frá og með EM 2010.
Norska liðið komst í 3-0 og 9-3 í leiknum í gær en Svíar minnkuðu muninn í
13-11 fyrir hálfleik og svo nokkrum sinnum í eitt mark í fyrri hluta seinni hálf-
leiksins. Þær norsku sigu hinsvegar fram úr á lokakafla leiksins, náðu mest sex
marka forskoti og unnu að lokum öruggan sigur. -óój
Þórir og norsku stelpurnar spila um gullið
NÝTT GULLLIÐ? Þórir Hergeirsson
getur gert norsku stelpurnar að Evrópu-
meisturum á morgun. FRÉTTABLAÐIÐ/GETTY
SPORT