Dagblaðið Vísir - DV - 12.11.2012, Qupperneq 3

Fréttir 3Mánudagur 12. nóvember 2012
Staða Árna styrkist
n Stefnir í formannsslag milli Árna Páls og Guðbjarts Hannessonar
P
rófkjör Samfylkingar í Suð­
vestur­ og Norðausturkjör­
dæmum fóru fram um helgina
og eru niðurstöður þeirra
nokkuð þýðingarmiklar. Árni Páll
Árnason bar sigurorð af Katrínu Júl­
íusdóttur fjármálaráðherra og mun
því leiða lista Samfylkingarinnar í
Suðvesturkjördæmi. Ljóst er að Árni
Páll hefur fengið byr í báða vængi
í baráttu sinni fyrir formannssæti
flokksins. Í Norðausturkjördæmi var
Kristján Möller ótvíræður sigurvegari
en Erna Indriðadóttir fagnaði öðru
sætinu. Þar með skaut Erna þing­
mönnunum Jónínu Rós Guðmunds­
dóttur og Sigmundi Erni Rúnarssyni
ref fyrir rass.
Katrín hefur ekkert gefið upp
um mögulegt formannsframboð en
heimildarmaður DV úr stuðnings­
hópi hennar segir afar ólíklegt að hún
taki slaginn í ljósi úrslita helgarinn­
ar. „Árni tók út einn helsta keppinaut
sinn, það er alveg klárt.“ Þó staða Árna
sé sterk er hann nokkuð umdeildur
innan Samfylkingarinnar. Hann er
til að mynda talinn mun opnari fyrir
samstarfi við sjálfstæðis menn en nú­
verandi forysta flokksins.
Þeir sem horft höfðu til Katrín­
ar Júlíusdóttur sem öflugasta mót­
frambjóðanda Árna Páls leita nú á
önnur mið. Heimildir DV herma að
fái Guðbjartur Hannesson velferðar­
ráðherra góða kosningu í prófkjöri
Samfylkingarinnar í Norðvesturkjör­
dæmi muni hann bjóða sig fram til
formanns. Þar má vænta niðurstöðu
þann 19. nóvember næstkomandi.
Vera kann að vel skipulögð kosn­
ingabarátta hafi gert gæfumuninn
fyrir Árna. Einn viðmælenda DV segir
að baráttan um fyrsta sætið hafi verið
„ójafn leikur“ þar sem Katrín þurfti að
vinna innan reglna Samfylkingarinn­
ar um kosningabaráttu vegna þing­
framboðs sem takmörkuðu verulega
möguleika hennar til fjárútláta. Árni
Páll hafi hins vegar haldið úti kosn­
ingaskrifstofu og kosningastjóra á
launum á þeim forsendum að hann
væri í framboði til formanns en um
það gilda engar reglur.
Kosningastjóri Árna er Ólafía B.
Rafnsdóttir sem stýrði kosninga­
baráttu Ólafs Ragnars Grímssonar
er hann var fyrst kjörinn forseti árið
1996 og svo aftur árið 2012. Ólafía
var einnig kosningastjóri Ingi­
bjargar Sólrúnar Gísladóttur þegar
hún var kjörin formaður Samfylk­
ingarinnar árið 2005.
Þrotabúið vill fá
eignir frá Karli
n Seldi sjálfum sér verðmætar eignir n Félagið skuldaði milljarða
S
kömmu áður en félag Karls
Steingrímssonar, sem oftast
er kenndur við Pelsinn, var
tekið til gjaldþrotaskipta
seldi félagið tvær eignir út
úr félaginu. Karl var sjálfur kaupandi
að eignunum en þær eru metnar á
nokkra tugi milljóna. Ástráður Har­
aldsson, skiptastjóri þrotabúsins,
hefur höfðað mál á hendur Karli
vegna sölu eignanna en hann vill að
henni verði rift og eignirnar færðar
aftur inn í þrotabúið. Um er að ræða
jörð á Ströndum og húseign í Vest­
mannaeyjum. Fréttablaðið greindi
frá málinu á miðvikudag.
Ástráður vildi ekki tjá sig um mál­
ið þegar blaðamaður leitaði eftir því.
„Áður en lengra er haldið, ég hef ekk­
ert um þetta segja,“ sagði hann í miðri
spurningu blaðamanns um málið.
Ekki gafst færi á að spyrja hvort fyrir
lægi hvort fleiri eignir hefðu verið
seldar úr félaginu skömmu fyrir
gjaldþrotið.
Skuldaði milljarða árið 2008
Karl var umsvifamikill í fjárfestingum
fyrir hrunið en við fall bankanna og
hrun fasteignamarkaðarins urðu fé­
lög hans á borð við Vindasúlur ekki
rekstrarhæf. Eignir félagsins voru átta
talsins samkvæmt ársreikningi árið
2008 og voru skuldirnar gríðarlegar.
Félagið skuldaði 2,5 milljarða króna
árið 2008 samkvæmt ársreikningi en
eignirnar voru metnar á 3,6 millj­
arða króna. Í kjölfar hrunsins versn­
aði staðan mikið og var félagið tekið
til gjaldþrotaskipta í byrjun síðasta
árs. Ársreikningurinn fyrir 2008 var
síðasti ársreikningurinn sem félagið
skilaði, samkvæmt ársreikningaskrá.
Eignirnar sem þrotabúið vill fá
til baka eru jörðin Kollafjarðarnes í
Strandabyggð sem metin var í bókum
félagsins á 68 milljónir króna og fast­
eign við Tangagötu í Vestmannaeyjum
sem var færð á 20 milljónir í ársreikn­
ingi félagsins. Samanlagt virði eign­
anna, samkvæmt ársreikningnum,
var því 88 milljónir króna árið 2008.
Fleiri og verðmætari eignir voru inni í
þrotabúinu samkvæmt ársreikningn­
um en ekki liggur fyrir nákvæmlega
hvað varð um þær eignir.
Fleiri deila um eignirnar
Það eru ekki bara eignirnar sem Karl
seldi sjálfum sér í gegnum félagið
sem valdið hafa deilum í kjölfar
hrunsins. Fasteignin við Skúlagötu
51 í Reykjavík var í eigu félagsins
en hún var seld til kínverska sendi­
ráðsins hér á landi. Aron Karlsson,
sonur Karls, sætir nú ákæru vegna
viðskiptanna en hann er talinn hafa
blekkt þrjá banka til að aflétta veðum
sem lágu á eigninni.
Samþykki lá fyrir að aflétta veð­
unum vegna sölu hússins til ind­
verskra fjárfesta en eignin var hins
vegar seld kínverska sendiráðinu
hér á landi fyrir umtalsvert meira
fé en tilboð Indverjanna hljóðaði
upp á. Mismunurinn á söluverðinu
og tilboðinu sem bankarnir vissu
af, samtals 114 milljónir, rann beint
inn á bankareikning eignarhaldsfé­
lags þeirra feðga í stað þess að fara
til bankanna. Ekki liggur enn fyrir
niðurstaða í málinu en það er til
meðferðar hjá Héraðsdómi Reykja­
víkur. n
Aðalsteinn Kjartansson
blaðamaður skrifar adalsteinn@dv.is
Dreginn fyrir dóm Þrotabú
gamla félagsins hans Karls hefur
höfðað mál á hendur honum vegna
sölu eigna út úr félaginu skömmu
áður en það varð gjaldþrota.
Deilt um fleiri eignir Það er ekki bara deilt
um eignirnar sem Karl seldi sjálfum sér heldur
líka fasteign við Skúlagötu í Reykjavík sem
Karl og sonur hans seldu kínverska sendi-
ráðinu á Íslandi. Sonur Karls, Aron, sætir nú
ákæru vegna sölunnar en hann er talinn hafa
blekkt þrjá banka í viðskiptunum.
Stendur vel að vígi Þó Árni Páll sé um-
deildur innan Samfylkingarinnar er staða
hans fyrir formannskjör flokksins nokkuð
sterk. Það gæti aukið líkurnar á samstarfi
Sjálfstæðisflokks og Samfylkingar eða
„hrunflokkanna“ svokölluðu.
n Bjarni veikur leiðtogi Sjálfstæðisflokksins n Fáir formenn hafa fengið jafn lítið fylgi
Prófkjörið „skelfileg
tíðindi“ fyrir Bjarna
Beðið eftir Hönnu Birnu
Eitt af því sem gæti komið í veg
fyrir að Bjarni fái skrifstofu í for­
sætisráðuneytinu er að hans
helsti keppinautur innan flokks­
ins, Hanna Birna Kristjánsdótt­
ir, sem hlaut 44 prósent atkvæða
í formannskjöri á síðasta ári,
virðist vera með sterka stöðu í
Reykjavík. Samkvæmt skoðana­
könnunum sem gerðar hafa verið
á fylgi frambjóðenda í kjördæm­
inu kemur Hanna Birna vel út.
Margir sjálfstæðismenn tala um
að nú sé beðið eftir niðurstöðum
prófkjörsins með það fyrir augum
að ef Hanna Birna nær afgerandi
fylgi til að leiða listann sé hægt
að þrýsta á hana til að fara aft­
ur gegn Bjarna. Sjálf hefur hún
þó sagt að hún sé ekki á leið í for­
mannsslag aftur á næstunni. „Nei,
ég ætla ekki að gera það á næst­
unni,“ sagði hún í samtali við DV
í október síðastliðnum aðspurð
hvort hún myndi bjóða sig aftur
fram.
Þá má heldur ekki útiloka,
miðað við fortíð Bjarna, að frekari
vafasöm viðskiptamál kunni að
koma upp á yfirborðið sem gætu
enn fremur veikt stöðu hans. n
Hvar vildu
flokksmenn
hafa Bjarna?
Bjarni Benediktsson fékk samtals
3.456 atkvæði í eitthvert af sjö efstu
sætum listans. Hann fékk flest atkvæði
í fyrsta sætið þar sem hann hafnaði.
Það voru þó 728 einstaklingar sem
völdu að hafa hann neðar á listanum.
1. sæti
2.728
2. sæti 167
3. sæti 143
4. sæti 96
5. sæti 90
6. sæti 76 7. sæti 156
Heimild: Sjálfstæðisflokkurinn
Stuðningur við
frambjóðendur í
fyrsta sætið
Bæði Vilhjálmur Bjarnason og Ragn-
heiður Ríkharðsdóttir fengu nokkur
hundruð atkvæði hvort í fyrsta sæti
listans. Þau komust ekki nálægt
Bjarna en saman hjuggu þau verulega
í fylgi formannsins. Samanlagt fylgi
Vilhjálms og Ragnheiðar nam rúm-
lega 21 prósenti. Bjarni var sjálfur með
stuðning um 54 prósenta kjósenda í
prófkjörinu til að leiða listann.
Bjarni Benediktsson 2.728
Ragnheiður Ríkharðsdóttir 421
Jón Gunnarsson 192
Vilhjálmur Bjarnason 658
Elín Hirst 92
Óli Björn Kárason 156
Karen Elísabet
Halldórsdóttir 30
Heimild: Sjálfstæðisflokkurinn