Dagblaðið Vísir - DV - 12.11.2012, Síða 4

E
ignarhaldsfélag sem stofnað
var og stýrt af séra Sigurði
Helga Guðmundssyni, fram­
kvæmdastjóra hjúkrunar­
heimilisins Eirar frá 1993 til
2011, seldi heimilinu hjúkrunar­
gögn fyrir milljónir króna árlega hluta
tímabilsins sem hann stýrði því. Sig­
urður Helgi var á tímabilinu einnig
prestur í Víðistaðakrikju í Hafnarfirði.
Hlutafélagið sem sá Eir fyrir hjúkr­
unargögnunum heitir Ars ehf. og var
stofnað árið 1988. Eir hefur fengið
fjárframlög frá ríkinu frá stofnun fé­
lagsins – í fyrra nam sú upphæð rúm­
lega 1.500 milljónum króna.
Í tilkynningu um stofnun Ars,
sem barst fyrirtækjaskrá ríkisskatt­
stjóra árið 1988, kemur fram að Sig­
urður Helgi hafi stofnað félagið ásamt
hafnfirska apótekaranum Almari
Grímssyni og Rúnari Brynjólfssyni.
Konur þeirra voru sömuleiðis skráð­
ar sem stofnendur. Sigurður Helgi
var fyrsti stjórnarformaður félagsins.
Hver hluthafi, meðal annars Sigurður
Helgi, skráði sig fyrir hlutafé upp á 100
þúsund krónur á nafnvirði. Tilgang­
ur félagsins var í stofngögnum þess
sagður vera „heildsala og innflutning­
ur á hjúkrunargögnum, hreinlætis­
vörum, lyfjum og lækningavörum.“
Stöð 2 greindi frá því, fyrst fjöl­
miðla, í þar síðustu viku að Eir væri
tæknilega gjaldþrota og þyrfti að ráð­
ast í fjárhagslega endurskipulagningu
til að bjarga rekstrinum frá þroti og til
að verja hagsmuni eldri borgaranna
sem fjárfest hafa í íbúðum í gegn­
um félagið. Sú vinna stendur nú yfir á
vegum Eirar. Síðan Eirarmálið komst
í hámæli hefur Vilhjálmur Þ. Vil­
hjálmsson, stjórnarformaður Eirar og
tímabundinn arftaki Sigurðar Helga
í starfi meðan eftirmaður hans var
fundinn, stigið til hliðar sem stjórnar­
formaður. Ýmislegt bendir hins vegar
til að fjárhagserfiðleika og óráðsíu
innan Eirar megi rekja mörg ár aftur í
tímann og kemur nafn hlutafélagsins
Ars þá meðal annars upp.
Morgupósturinn segir frá
Dagblaðið Morgunpósturinn greindi
frá því árið 1995, undir fyrirsögninni
„Yfirmennirnir kaupa lyf og hjúkr­
unargögn hjá sjálfum sér“, að Eir hefði
um árabil keypt hjúkrunargögn af Ars
og lyf hjá Almari Grímssyni í Apóteki
Hafnarfjarðar. Meðal þess sem keypt
var af Ars voru sérstakar bleiur fyrir
eldri borgara. Þessi viðskipti við Ars
námu rúmum 11 milljónum króna
árið 1994, að sögn Morgunpóstsins, á
meðan lyfjakostnaður nam 10 millj­
ónum króna.
Í viðtali Morgunpóstsins við Sigurð
Helga sagði hann Ars vera félag sem
ynni að því að ná sem hagstæðustum
samningum um kaup á sjúkragögn­
um fyrir Eir. „Ars er okkar innkaupa­
samband og vinnur fyrir okkur við að
leita eftir sem bestu verði á hjúkrunar­
gögnum.“ Þá sagði Sigurður Helgi að
Ars kæmi honum ekkert við „persónu­
lega“. Sigurður Helgi var hins vegar
einn af stofnendum Ars og var stjórn­
armaður í félaginu allan líftíma þess.
Hagnaður hljóp á milljónum
Hagnaður Ars hljóp yfirleitt á milljón
krónum eða meira á hverju ári þann
tíma sem félagið starfaði. Hagnaður­
inn var til dæmis um 1.600 þúsund
árið 2002. Þessi hagnaður hljómar
kannski ekki hár í dag en til saman­
burðar má nefna að forstjóralaun Sig­
urðar Helga hjá Eir námu 140 þúsund
krónum á mánuði árið 1994. Því var
um að ræða hagnað sem nam marg­
földum forstjóralaunum á þessum
árum. Árið 2002 átti félagið eignir upp
á ríflega fjórar milljónir króna.
Þegar þarna var komið sögu voru
upphaflegir hluthafar Ars hins vegar
ekki í hluthafahópnum nema að litlu
leyti. Almar Grímsson var sá eini af
stofnendum félagsins sem ennþá átti
hlut í því með um 11 prósent hluta­
fjárins. Hjúkrunarheimildið Skjól,
Hrafnista í Hafnarfirði og Reykjavík
og Eir voru komin inn sem hluthaf­
ar. Einkaaðilarnir sem stofnuðu félag­
ið voru því komnir út úr því og í stað­
inn voru stofnanirnar sem þeir stýrðu
komnar inn sem hluthafar þess.
Félaginu slitið
Ars var slitið í árslok 2005, samkvæmt
tilkynningu um félagsslit sem send
var til ársreikningaskrár í desember
það ár. Félagið átti þá eignir upp á ríf­
lega tvær milljónir króna sem greidd­
ar voru út til hluthafa félagsins.
DV hefur heimildir fyrir því að
málefni þessa félags, Ars, séu aðeins
eitt mál af nokkrum sem benda til
aðstöðubrasks, óráðsíu eða slælegs
rekstrar hjá Eir á síðastliðnum tutt­
ugu árum. Þannig mun trygginga­
kostnaður félagsins til dæmis hafa
verið allt of hár, í kringum 50 prósent,
um margra ára skeið vegna þess að
forsvarsmönnum félagsins láðist að
endursemja um þær við Trygginga­
miðstöðina, vinir og vandamenn
forsvarsmanna Eirar hafi verið ráðnir
þangað í vinnu auk þess sem rekstrar­
kostnaður vegna stjórnenda félagsins
hafi farið fram úr hófi. n
seldi eir hjúkrunar-
gögn fyrir milljónir
4 Fréttir 12. nóvember 2012 Mánudagur
Ráðuneytið í sambandi við stúlkurnar
n Tvær táningsstúlkur handteknar með kókaín í Prag
Í
slenska utanríkisráðuneytið hefur
verið í sambandi við íslensku tán­
ingsstúlkurnar tvær sem hand­
teknar voru í Prag í Tékklandi
fyrir helgi. Þær hafa verið úrskurð­
aðar í allt að sjö mánaða gæsluvarð­
hald. Stúlkurnar voru teknar með
átta kíló af kókaíni af tékkneskum
tollvörðum. Efnin voru falin í ferða­
töskum stúlknanna tveggja. Í mynd­
bandi sem birt hefur verið í tékk­
neskum fjölmiðlum sést hvernig
efnunum var komið fyrir í klæðn­
ingu á töskunum.
Ekki er talið að þær hafi sjálfar
skipulagt fíkniefnasmyglið og bein­
ist grunur lögreglunnar að banda­
rískum manni sem staddur var hér
á landi fyrr á árinu. Ökumaður beið
í bifreið fyrir utan flugvöllinn í Prag
þegar flugvél stúlknanna lenti þar.
Stelpurnar voru að koma frá
Sao Paulo í Brasilíu þegar þær
voru gripnar með efnin eftir milli­
lendingu í Þýskalandi. Ríkisút­
varpið greinir frá því að efnin hafi í
raun uppgötvast í Þýskalandi en að
yfir völd hafi hleypt þeim áfram til
Tékklands undir eftirliti. Þá greinir
fréttastofan einnig frá því að stúlk­
urnar eigi báðar sakaferil að baki
hér á Íslandi en ekki kemur fram
hvort þær hafi áður tengst fíkniefna­
málum.
Stúlkurnar eiga yfir höfði sér
þunga fangelsisrefsingu verði þær
fundnar sekar um innflutning fíkni­
efnanna. Einnig má búast við því
að rannsókn málsins taki nokkra
mánuði og að stúlkurnar þurfi að
dúsa í fangelsi í Tékklandi á rann­
sóknartímanum.
„Já, ég
mótmæli“
„Sjómenn fara út í hvaða veður
sem er og berjast við náttúröfl sem
eru óútreiknanleg og okkur óskilj­
anleg! Þeir vinna í bleytu, kulda og
oft og tíðum stórhættu en kvarta
aldrei! Sjómenn eru foreldrar sem
að missa af fyrsta orðinu, fyrsta
skrefinu, fyrsta skóladeginum,
mörgum afmælisdögum og svo
má lengi telja,“ ritar Guðrún Lilja
Hólmfríðardóttir sjómannskona
í aðsendri grein á DV.is. Hún er
ekki sátt við að laun eiginmanns
síns, sem og sjómanna allra, verði
lækkuð. Útgerðarmenn hafa far­
ið fram á allt að fimmtán pró­
senta launalækkun á sjómenn
vegna hækkunar á veiðigjaldi.
Kjaradeila útgerðamanna og sjó­
manna er í hnút því á móti kröfu
útgerðarmanna um launlækk­
un hafa sjómenn krafist launa­
leiðréttingar vegna afnáms sjó­
mannaafsláttar.„Já, ég mótmæli að
leggja líf mannsins míns og allra
annarra sjómanna í hættu fyrir
þau skammarlegu laun sem laun
sjómanna eru að verða,“ skrifar
Guðrún Lilja.
Ætlaði að henda
sér í höfnina
Talsverður erill var hjá lögreglunni
á höfuðborgarsvæðinu aðfaranótt
sunnudags. Tveir ökumenn voru
stöðvaðir grunaðir um ölvun við
akstur og tveir til viðbótar voru
teknir grunaðir um akstur undir
áhrifum fíkniefna. Þeir voru látnir
lausir að lokinni blóð­ og skýrslu­
töku.
Rétt fyrir klukkan þrjú aðfara­
nótt sunnudags var tilkynnt um
mann sem ætlaði að henda sér í
höfnina. Í tilkynningu frá lögreglu
kemur fram að maðurinn hafi
fundist stuttu síðar við Austur­
bakka þar sem hann var kominn
upp að mitti í sjóinn. Lögreglu­
menn björguðu manninum á þurrt
og var hann síðan fluttur á slysa­
deild til skoðunar og aðhlynningar.
Rétt fyrir klukkan fjögur var
ekið á gangandi vegfaranda í
Bankastræti. Maðurinn meiddist
ekki alvarlega en kenndi sér meins
á fæti. Ökumaðurinn var á bak og
burt þegar lögreglu bar að.
Þá var tilkynnt um tvær
líkams árásir, í öðru tilfellinu var
dyravörður í Keiluhöllinni sleginn
í andlitið en meiðsl hans voru
minniháttar. Þá var maður sleginn
á Ingólfstorgi um klukkan hálf sjö
að morgni sunnudags og var hann
fluttur á slysadeild til skoðun­
ar – ekki er vitað um gerandann í
málinu.
Tveir með
fyrsta vinning
Tveir stálheppnir einstaklingar
voru með allar tölur réttar í
lottóinu á laugardag og hlýtur
hvor um sig um 28,5 milljónir
króna. Miðarnir voru seldir á N1
á Ártúnshöfða og á Víkurbraut í
Grindavík. Sjö voru með fjór­
ar tölur réttar auk bónustölu og
fær hver um sig tæpar 180 þús­
und krónur. Enginn var með fimm
tölur réttar í Jókernum.
n Viðskipti upp á milljónir árlega n Sigurður sagðist ekki tengjast félaginu
Ingi Freyr Vilhjálmsson
fréttastjóri skrifar ingi@dv.is
Báðum megin við borðið Séra Sigurður Helgi
Guðmundsson var stofnandi og stjórnarmaður í
einkahlutafélaginu Ars sem seldi Eir hjúkrunargögn
fyrir milljónir króna árlega. Sigurður Helgi var fram-
kvæmdastjóri Eirar í tæp tuttugu ár.
„Ars er okkar inn-
kaupasamband og
vinnur fyrir okkur við að
leita eftir sem bestu verði
á hjúkrunargögnum.
Efnin falin Í myndbandi sem tékkneskir fjölmiðlar hafa birt sést hvernig efnin voru falin í
klæðningu á ferðatöskum stúlknanna.