Dagblaðið Vísir - DV - 04.01.2013, Blaðsíða 8

8 Fréttir 4.–6. janúar 2013 Helgarblað
Metúrkoma í Reykjavík
n Ekki meiri úrkoma á einum sólarhring frá árinu 1931 n Hiti þó ágætur
M
etúrkoma var í Reykjavík í
lok desember þegar sólar­
hringsúrkoma klukkan 9 að
morgni 29. desember mæld­
ist 70,4 millimetrar. Þetta kemur fram
í pistli á vef Veðurstofu Íslands um
tíðarfar í desember 2012. Fyrra metið
hafði staðið alllengi, en það var 56,7
millimetrar og var sett þann 5. mars
árið 1931. Heildarúrkoma í desember
mældist 112,4 millimetrar í Reykja­
vík sem er 43 prósent umfram meðal­
lag. Á Akureyri mældist úrkoman í
mánuðinum 50,8 millimetrar og er
það í rétt tæpu meðallagi, að því er
fram kemur á vef Veðurstofu Íslands,
vedur.is. Úrkoma mældist 35,7 milli­
metrar í Stykkishólmi, aðeins helm­
ingur meðalúrkomu, og á Stórhöfða
í Vestmannaeyjum mældist úrkom­
an 195,4 millimetrar og er það um 36
prósent umfram meðallag.
Óvenjuþurrviðrasamt var inn til
landsins á Vesturlandi og vestan til á
Norðurlandi.
Þó svo að úrkoma hafi verið mikil
í Reykjavík í desember voru sólskins­
stundirnar nokkuð fleiri en áður.
Þær mældust 21,9 að þessu sinni en
það er 9,7 stundum yfir meðallagi.
Ekkert sólskin mældist á Akureyri í
mánuðinum en að sögn Veðurstof­
unnar er það mjög algengt í desem­
ber.
Hiti var vel ofan meðallags í flest­
um landshlutum en þó aðeins í rétt
rúmu meðallagi inn til landsins á
Austurlandi. Meðalhiti í Reykja­
vík var 1,2 stig og er það 1,4 stigum
yfir meðallagi. Á Akureyri mældist
meðal hiti ­1,3 stig og er það 0,6 stig­
um yfir meðaltali.
Snjóþungt var um landið
norðanvert og á Vestfjörðum en
tiltölulega snjólétt syðra. Í Reykja­
vík voru alhvítir dagar 6 og er það
7 dögum færra en var að meðal­
tali í desember á árunum 1971 til
2000. Á Akureyri var alhvítt 28 daga
mánaðarins og er það 6 dögum
fleiri en meðaltal áranna 1971 til
2000. n
Félög Jóns Ásgeirs
með 146 milljarða lán
n Saman voru áhættuskuldbindingar þeirra langt yfir 25% mörkunum
L
andsbanki Íslands lánaði
FL Group og Baugi miklu
meira en bankinn mátti
samkvæmt eigin reglum
um hámarkslánveitingar
til einstakra aðila. Þá skilgreindi
Landsbanki Íslands þessi tvö fé­
lög ekki sem tengda aðila þrátt fyrir
að augljós eignatengsl væru á milli
þeirra. Þetta kemur fram í stefnu
slitastjórnar Landsbanka Íslands
gegn endurskoðendafyrirtækinu
PwC sem þingfest var á síðasta ári.
Bankinn höfðaði skaðabótamál
gegn PwC vegna endurskoðunar
fyrirtækisins á bankanum á árun­
um fyrir hrun og krefur hann um
100 milljarða króna bætur. PwC hef­
ur frest þar til um miðjan mánuðinn
til að skila greinargerð í málinu.
Fengu 146 milljarða lán
Baugur hf. var eignarhaldsfélag sem
var stýrt af Jóni Ásgeiri Jóhannes­
syni og fjölskyldu hans og hélt með­
al annars utan um eignarhald á
smásölukeðjunni Högum. Félagið
var jafnframt stærsti einstaki hlut­
hafi FL Group með um 36,5 pró­
senta eignarhlut. Báðum félögun­
um var því stýrt af sömu aðilunum.
Í stefnunni kemur fram að í mars
árið 2008 hafi heildarlánveitingar til
þessara félaga numið tæplega 146
milljörðum króna eða rúmlega 47
prósentum af eiginfjárgrunni bank­
ans. Samkvæmt reglum Lands­
bankans mátti hins vegar einungis
lána 25 prósent af eiginfjárgrunni
bankans til tengdra aðila en líkt og
áður segir skilgreindi bankinn þessi
félög ekki sem tengd.
Orðrétt segir um þetta í stefnu
slitastjórnar Landsbankans: „Þrátt
fyrir þessi augljósu tengsl á milli
Baugs Group og FL Group voru þau
ekki tengd saman sem stór áhætta
hjá bankanum. Þessar tvær félaga­
samstæður voru meðal stærstu lán­
takenda hjá Landsbanka Íslands.
Saman voru áhættuskuldbindingar
þeirra langt yfir 25% mörkunum.“
Þar sem þessi tvö félög voru ekki
skilgreind sem tengdir aðilar voru
lánveitingarnar til hvors félags um
sig undir 25 prósenta mörkunum.
Einungis stærstu eigendur bank­
ans, Björgólfur Thor Björgólfsson
og Björgólfur Guðmundsson, fengu
hærri lán hjá bankanum Baugur og
tengdir aðilar en lán til þeirra námu
tæplega 68 prósentum af eiginfjár­
grunni bankans í mars 2008.
Lánin ekki færð niður
Í stefnunni er einnig rakið hvernig
lánveitingar til Baugs og tengdra
félaga voru ekki færð niður eft­
ir að harðna tók á dalnum í fjár­
málakerfinu síðla árs 2007 og fram
eftir ári 2008. FL Group tapaði 67
milljörðum króna árið 2007 en samt
voru lán til félagsins ekki færð nið­
ur. Í stefnunni kemur fram að PwC
hefði átt að færa niður lán sem fyrir
lá að hefðu rýrnað á þessum tíma.
Þá er tekið annað dæmi af lán­
veitingum til Baugs og annars félags
því tengdu, BG Holding ehf., en lán
þessara félaga höfðu verið í vanskil­
um hjá Landsbanka Íslands á ár­
inu 2007 og hafði ekki verið greitt af
þeim í langan tíma. Samt voru þessi
lán endurfjármögnuð með nýju láni
upp á 28 milljarða króna í lok des­
ember 2007 og var það lán til fimm
ára.
Stefnan sýnir því ágætlega þann
aðgang sem félög tengd Baugi höfðu
að Landsbankanum og þá sam­
tryggingu sem var á milli íslensku
bankanna á þessum tíma, frá því í
lok árs 2007 og fram eftir ári 2008. n
Ingi Freyr Vilhjálmsson
fréttastjóri skrifar ingi@dv.is
Einn stærsti lántakinn Í stefnu slitastjórnar Landsbankans er rakið hvernig bankinn lánaði félögum tengdum Jóni Ásgeiri Jóhannessyni
nærri 50 prósent af eiginfjárgrunni bankans þegar hámarkið hefði átt að nema 25 prósentum.
Fleiri útköll
á Akureyri
Slökkvilið Akureyrar var kallað út
2.306 sinnum á árinu 2012 en um
er að ræða átta prósenta fjölgun
á milli áranna 2011 og 2012. Á vef
Slökkviliðsins á Akureyri kemur
fram að útköll á sjúkrabílum hafi
verið 1.768 sem er um þrettán
prósenta aukning frá árinu 2011.
Undanfarin ár hafa útköll að jafn­
aði verið á bilinu 1.500 til 1.600
á ári.
Þá var farið 463 sinnum í
sjúkraflug á liðnu ári þar sem
487 sjúklingar voru fluttir á milli
landshluta. Um er að ræða lítils­
háttar fækkun á milli ára, eða
sem nemur ellefu skiptum. Fjöldi
sjúkraflugs helst því nokkuð stöð­
ugur á milli ára en árið 2008 var
farið oftast í sjúkraflug eða 494
sinnum. Sjúkraflutningamenn frá
slökkviliði Akureyrar hafa farið
4.916 sinnum í sjúkraflug frá 1997.
75 sinnum voru dælu­ og björg­
unarbílar liðsins kallaðir út en það
er um 20 prósenta fækkun á milli
ára. Frá árinu 2009 hefur útköllum
á dælu­ og björgunarbifreiðum
liðsins fækkað um 47 prósent.
Dópsalar
gómaðir
Lögreglan á höfuðborgarsvæðinu
lagði hald á MDMA­kristalla,
amfetamín og á annað hundrað
grömm af marijúana við húsleit í
Kópavogi á miðvikudag. Húsleit
var framkvæmd á þremur stöðum
en einnig var leitað að fíkniefnum
í einni bifreið. Auk fíkniefnanna
tók lögreglan kylfu, sem fannst
á einum staðnum, í sína vörslu.
Fimm voru handteknir á vettvangi
en hinir sömu hafa áður komið við
sögu hjá lögreglu vegna sölu fíkni­
efna. Við húsleitina naut lögreglan
aðstoðar sérsveitar ríkislögreglu­
stjóra auk fíkniefnaleitarhunda frá
tollinum.
Fyrrnefndar aðgerðir eru liður
í að hamla gegn sölu og dreifingu
fíkniefna en sem fyrr minnir lög­
reglan á fíkniefnasímann 800­
5005. Í hann má hringja nafnlaust
til að koma á framfæri upplýsing­
um um fíkniefnamál.
Hentar ekki til
endurvinnslu
Starfsmenn Reykjavíkurborgar
hafa eftir verið á ferðinni og
tekið upp flugelda rusl víða um
borgina. Eru íbúar þó hvattir
til að safna því saman og skila
á endurvinnslustöðvar Sorpu.
Reykjavíkurborg minnir þó að
flugeldaleyfar, aðallega pappi
ásamt leir, henti alls ekki til
endurvinnslu. Því eigi það ekki
að fara í endurvinnslutunnur.
Þá minnir Reykjavíkurborg á að
gæta verður að því að skoteld­
ar sem settir eru í tunnur við
heimili fólks séu allir sprungn­
ir þannig að ekki skapist hætta
þegar þeir fara í pressu sorp­
bílanna. Það sem er ósprungið
þarf að fara í spilliefnagáma á
endurvinnslustöðvum Sorpu og
þangað er einnig hægt að skila
flugelda rusli ef sorptunnur eru
yfirfullar.
Úrkomusamt en milt Úrkoma í Reykjavík í desember mældist 112,4 millimetrar. Sólskins-
stundirnar voru þó fleiri en áður og hiti ágætur.