Gerðir kirkjuþings - 1966, Blaðsíða 18

24. gr.
Hlutverk Kristnisjóös skal vera:
1. Að launa aðstoðarþjónustu presta eða kandidata á þeim
stöðum sem þess er sérstök þörf. Biskup gerir ráðstöfun
um þessa þjónustu í samráði við hlutaðeigandi sóknarpresta
og héraðsprófasta. Kandidötum skulu goldin laun skv.
19. flokki kjaradóms.
2. Að launa sterfsmenn, sem ráðnir eru til sérstakra verk-
efna í þágu þjóðkirkjunnar í heild samkvæmt ákvörðun
Kirkjuþings. Slíkir starfsmenn skulu ráðnir af biskupi
með samþykki kirkjuráðs, enda hafi starfið áður verið
auglýst til umsóknar með venjulegum hætti.
3. Styrkja söfnuði, er ráða vilja leika starfsmenn til starfa
á sínum vegum á sviði æskulýðsmála, líknarmála eða að
öðrum mikilvægum verkefnum.
4. Veita styrki fátækum söfnuðum, styðja námsmenn og ýmsa
starfsemi kirkjunnar, svo sem ótgáfu kristilegra rita og
hjálpargagna í safnaðarstarfi og önnur brýn verkefni.
25. gr.
Fastir starfsmenn kirkjunnar, sem ráðnir eru til fullrar
vinnu skv. 23. gr. 1 og 2, skulu njóta réttinda opinberra
starfsmanna. Kandidötum skal reiknað til embættisaldurs sú
sem
þjónusta,þeir kunna að inna af hendi samkv. 23.gr. tölulið
1 og 2.
26. gr.
Kirkjuráð hinnar íslenzku þjóðkirkju hefir á hendi umsjá og
stjórn Kristnisjóðs og ber ábyrgð fyrir Kirkjuþingi á stjórn
hans. Skal kirkjuráð semja starfsáætlun fyrir sjóðinn og
leggja hana, ásamt endurskoðuðum reikningi hans, fyrir hvert
reglulegt Kirkjuþing til fullnaðarákvörðunar og samþykktar.