Gerðir kirkjuþings - 1966, Blaðsíða 24

B. Um Kristnisjóð.
Þá leggur kirkjuráð til, að frumvarpinu um Kristnisjóð verði
skeytt aftan við frumvarp um skipun prestakalla með þessum hætti:
23. gr.
Stofna skal sjóð er nefnist Kristnisjóður.
24. gr.
Stofnfé sjóðsins er:
a. Kirkjujarðasjóður. Skal sá sjóður lagður niður og renna
í Kristnisjóð.
b. Andvirði kirkjujarða, annarra en prestssetursjarða, sem
seldar verða eftir gildistöku laga þessara.
25. gr.
Tekjur Kristnisjóðs skulu vera:
a. Vextir af stofnfó Kristnisjóðs.
b. Árlegt framlag úr ríkissjóði er samsvari opinberum kostnaði
af þeim prestaköllum, sem lögð eru niður samkvæmt lögum
þessum og við síðari breytingar á prestakallaskipun landsins.
Skal miða við full prestslaun, eins og þau eru á hverjum tíma
svo og við áætlaðan opinberan kostnað af prestssetri.
c. Önnur framlög, sem ákveðin kunna að verða með lögum.
d. Frjáls framlög safnaða, einstaklinga og fyrirtækja.
26. gr.
Hlutverk Kristnisjóðs skal vera:
1. Að launa aðstoðarþjónustu presta eða kandidata í víðlendum
og fjölmennum prestaköllum. Skulu kandidatar í guðfræði vera aðstoð-
armenn í slíkum prestaköllum allt að einu ári, áður en þeir hljóta
prestsvígslu. Biskup gerir ráðstöfun um þessa þjónustu í samráði við
hlutaðeigandi sóknarpresta og hóraðsprófasta. Kandidötum skulu goidin
laun samkvæmt 19. flokki kjaradóms.
2. Að ^aunastarfsmenn, sem ráðnir eru til sérstakra verkefna í
þágu þjóðkirkjunnar í heild samkvæmt ákvörðun Kirkjuþings. Slíkir
starfsmenn skulu ráðnir af biskupi með samþykki kirkjuráðs.