STARA - 01.09.2015, Blaðsíða 25

S
T
A
R
A

n
o
.4
2
.T
B
L
2
0
15
25
Frá samsýningunni Höfuðverk eftir samnefndan sýningarhóp
Félagið rekur sýningarsal í Listagilinu,
slagæð listasenu Akureyrar. Salurinn á sér
mikla sögu, þar var áður til húsa listrýmið
Kompan og síðar Gallerí Box.
Starfsemi félagsins snýst að miklu leyti um
sýningarhald í salnum en félagið er einnig
málsvari listamanna á svæðinu, fundar
reglulega með Akureyrarstofu og vinnur að
innlendu sem erlendu samstarfi auk þess að
vera tengiliður félagsmanna í SÍM. Tilgang-
ur félagsins er einnig að efla umræðu um
myndlist og auka þekkingu og fræðslu
um myndlist.
Nýleg sýningarnefnd mun stýra næsta
sýningarári til skiptis við sýningar meðlima
félagsins. Áhersla verður lögð á rýmisinn-
setningar og umbreytingar á því. Við
teljum að það sé mikilvægt að efla enn
frekar samstarf og samskipti við listafólk
af öllum toga, hvar sem er á landinu. Hér á
svæðinu erum við heppin að vera í nálægð
við Verksmiðjuna á Hjalteyri, Listhúsið á
Ólafsfirði og Safnasafnið á Svalbarðsströnd.
Mikilvægt er að efla samstarf og samskipti
við þessa öflugu sýningastaði sem hafa
verið leiðandi í samstarfi við erlenda sem
og innlenda listamenn.
Stjórn félagsins hittist í hverjum mánuði
og ræðir þau verkefni sem eru framundan
ásamt því að taka á hinum ýmsu málum
sem varða hið fjölbreytta menningarlíf í
Listagilinu. Félagafundir eru einnig haldnir
mánaðarlega þar sem stjórn býður upp á
umræður varðandi störf stjórnarinnar, fær
ábendingar um það sem betur má fara og
fleira. Mikilvægt er að allir hafi rödd og að
félagsmenn hafi gott og auðvelt aðgengi að
stjórn.
Eitt af markmiðum nýrrar stjórnar er að
bæta sýnileika félagsins og starfsemi þess
útávið, halda úti öflugri heimasíðu ásamt
betri viðveru á samfélagsmiðlum.
„Tilgangur félagsins er einnig að ef la
umræðu um myndlist og auka þekkingu
og fræðslu um myndlist.“