Són - 01.01.2013, Page 136

134 bjArki kArlSSon og kriStján eiríkSSon
er eingöngu til í handritum eða í fágætum bókum. Stefnt er að því að
safna smám saman öllum kveðskap frá upphafi Íslandsbyggðar til 1800
og kosta kapps um að afla ætíð sem áreiðanlegastra texta. Með þessu er
ekki eingöngu horft til rannsókna á ljóðagerð heldur einnig til annarra
þátta, svo sem sagnfræði, þjóðhátta og tónlistar.
Önnur söfn eru ekki bundin af þessari stefnu. Á vegum Héraðs skjala-
safns Skag firðinga hafa til dæmis verið skráðar yfir 17.000 vísur víðs
vegar að af landinu. Þetta er mikilvægt starf, enda hætt við að hluti vísn-
anna hefði að öðrum kosti glatast. Eðli málsins samkvæmt hafa villur
slæðst með í svo stórtækri söfnun en notendur safnins vita af þessu.
Önnur héraðsskjalasöfn slógust mun síðar í hópinn. Kvæðasöfn þeirra í
Braganetinu eru enn sem komið er fremur smá að vöxtum.
Söfn, sem eru í vinnslu, geta verið lokuð almenningi meðan verið
er að byggja þau upp en endanlegt markmið er alltaf að opna þau til
birtingar. Þegar þetta er ritað eru dægurlagatextasafnið, þulusafnið og
norska safnið varin með lykilorði. Þegar þulusafnið verður opnað kemur
í ljós enn ein áherslan í ritstjórnarstefnu því að þar er ekki valinn einn
samræmdur lestexti fyrir hverja þulu heldur skráðar mismunandi, en
skyldar, uppskriftir og hljóðritanir beint eftir heimild. Ítarleg grein er
gerð fyrir þessum heimildum í safninu, svo sem hverjir skrifuðu handritin,
hverjir tóku upp hljóðritin, hverjir heimildarmenn voru o.s.frv.
Skjala- og handritasöfn, sem eru ekki aðilar að Braganetinu núna, eru
velkomin til samstarfs og hafa nokkur þeirra þegar sýnt áhuga. Sama á
við um aðra aðila sem fást við kvæða- og vísnasöfnun.
Nýjungar í Braganetinu
Leitarkerfi Braganetsins er orðið mun fullkomnara en var. Notandinn
slær inn leitarstreng1 og er þá leitað að samsvörun hans í öllum söfnunum
í senn, hvort hann kemur fyrir í ljóðum, lausavísum, skýringum og
neðanmálsgreinum, lýsingum bragar hátta, æviágripum höfunda eða
heimilda skrá. Hægt er að takmarka leitina við einstök söfn, ein staka
höf unda eða eitthvert tiltekið tímabil en unnið er að því að merkja
allan kveð skap, sem unnt er að aldurs greina, með viðmiðunarártali sem
hleypur á 25 árum.
1  Ólíkt aðferðum helstu leitarvéla er kannað hvort leitarstrengurinn kemur óbreyttur fyrir
í texta, óháð orðaskilum, meintum samheitum og beygingum. Þannig skilar leitar-
strengurinn nýta textum sem innihalda orðin nýta, ónýta, snýta og nýtar. Séu slegin inn
fleiri en eitt orð er litið á þau öll – og bilin á milli þeirra – sem eina heild.