Bændablaðið - 16.04.2014, Page 7

7Bændablaðið | Miðvikudagur 16. apríl 2014
mars síðastliðinn hélt
Karlakórinn Hreimur sinn
árlega Vorfagnað undir
yfirskriftinni „Kvöldið
er fagurt“. Mér var falið að hafa
stjórn nokkra á samkomunni. Auk
viðamikils söngs kórsins, voru og
til skrauts hagyrðingarnir Björn
Ingólfsson, fyrrum skólastjóri á
Grenivík, Friðrik Steingrímsson,
fyrrum baðvörður í Mývatnssveit
og meðlimur í Hreim, og Hjálmar
Freysteinsson, læknir á Akureyri.
Milli söngatriða fengu þeir að
lauma inn vísum. Upp kom hin
áleitna spurning hvort setja ætti
kórmeðlimum einhver aldursmörk.
Um það orti Björn Ingólfsson
svo:
Að þeir komist upp á svið
og að þeir sjái á blaðið
síðan er aðal atriðið
að þeir geti staðið.
Friðrik Steingrímsson taldi
aldursmörk mættu vera ögn rýmri:
Neðri mörkin miðast við
að mútustand sé búið,
efri mörkin andlátið;
ekki er það nú snúið.
Og Hjálmar læknir vill engar
skorður settar:
Misjafnt ellin með okkur fór
merktir af hennar kífi.
Samt geta allir sungið í kór
séu þeir enn á lífi.
Hagyrðingunum fannst
veislustjórinn ekki beint í samræmi
við yfirskrift samkomunnar þ.e.a.s.
„að kvöldið væri fagurt“. Friðrik
skólabróðir minn orti því:
Greyið Árni Geirhjörtur
við galla á að stríða,
eins og þessar eyrkörtur
sem ekkert manninn prýða.
Hjálmar var ögn háttprúðari, eða
þannig:
Þeir flíka vilja fegurðinni
en fyndið sýnast kann,
að hafa ráðið hér sem kynni
harðfisksölumann.
Nú hef ég kórinn heyrt og séð;
hrifinn varð ég enn á ný.
Árni syngur ekki með!
Ósköp varð ég feginn því.
Hjálmari þótti hins vegar fyrrum
sveitungi, Friðrik Steingrímsson,
falla vel að fegurð kvöldsins:
Textinn skýr og takturinn fastur
tónverkin þeir endurskapa.
Friðrik er langtum fallegastur,
það fer‘onum svo vel að gapa.
Þrátt fyrir að eiga að helga sig
söngnum, þá var Friðrik vokandi
yfir hverju því sem aflaga fór
við veislustjórn. Mér hafði svo
sem ekki verið búin nein aðstaða
á sviðinu, og var fullkomlega á
hrakhólum með pappíra mína.
Oftar en ekki voru gullkorn mín
á gólfinu. Þá orti Friðrik:
Heyra mátti háan skell
hreyfðist við það rykið,
er veislustjóra vitið féll
sem var þó ekki mikið.
Ort var um nokkuð mikil
tilþrif söngstjórans Steinþórs
Þráinssonar. Björn orti um þann
mikla atgang:
Stórræðum miklum stendur í
Steinþór, og alveg sverja má
að limaburðurinn líkist því
að langi hann mest að berja þá.
Umsjón:
Árni Geirhjörtur Jónsson
kotabyggd1@gmail.com
Líf og starf
MÆLT AF
MUNNI FRAM
Í
Keppt um Gullklippurnar í 101
Það var rífandi stemning á Kex-hostel í Reykjavík
þegar rúningskeppnin um Gullklippurnar fór
fram á dögunum í samstarfi Landssamtaka
sauðfjárbænda, Bændablaðsins og Kex-hostel.
Einvala lið rúningsmanna var mætt í höfuðstaðinn
en alls sýndu sex þátttakendur listir sínar. Eftir harða
keppni stóð Julio Cesar Gutierrez, Hávarðsstöðum,
uppi sem sigurvegari og hlaut hinar eftirsóttu
Gullklippur. Fjöldi fólks fylgdist með viðburðinum,
sem var haldinn í tengslum við aðalfund og árshátíð
Landssamtaka sauðfjárbænda.
Rúningsmenn tóku á honum stóra sínum í miðborg Reykjavíkur:
Bjarni Bjarnason á Hraðastöðum og Þórarinn Ingi Pétursson, formaður LS.
Það var Bjarni sem lagði til sauðfé í keppnina um Gullklippurnar.
Julio Cesar Gutierrez, Hávarðsstöðum, kom, sá og sigraði og mundar hér
Gullklippurnar. Við hlið hans er ung frænka, Alba Ísey Manzi. Myndir / TB
Handhafar hrútaverðlauna ásamt ráðunautum. Frá vinstri: Eyþór Einars-
son, Þór Jósteinsson og Sigríður K. Sverrisdóttir frá Skriðu, Sigurður
Sigurjónsson frá Ytri-Skógum og Eyjólfur Ingvi Bjarnason.
Ófáar sjálfsmyndir voru teknar við réttina. Varaborgarfulltrúinn Kristín Soffía
Jónsdóttir sýnir ánni árangurinn, sem vafalaust hefur kitlað hégómagirndina.
Baldur Stefánsson í Klifshaga sýndi
fagmannleg handtök.
Kristín Þórhallsdóttir dýralæknir
fylgdist með því að allt færi vel fram.
Guðrún Dís Emilsdóttir dag-
skrárgerðarmaður og Jón Eyjólfs-
son á Kópareykjum lýstu keppni.
Heiða Guðný Ásgeirsdóttir, bóndi
á Ljótarstöðum, keppti um Gull-
klippurnar og fékk að auki það verk
að snoða þennan unga mann.
Portið á Kex-hostel hentaði einkar vel til keppnishalds. Þarna var áður
Kexverksmiðjan Frón en nú er þar rekið vinsælt gisti- og veitingahús.
Harpa Birgisdóttir, Kornsá, og Sig-
ríður Þorvaldsdóttir frá Hjarðarholti
voru tímaverðir.
Vinnumennirnir Aðalsteinn Orri Ara-
son úr Varmahlíð og Bjarni Rúnars-
son frá Reykjum.