Bændablaðið - 16.04.2014, Page 31

Árlega gefur LbhÍ út ritið Nytja-
plöntur á Íslandi. Í þessu riti eru
listuð yrki ýmissa nytjaplantna
sem mælt er með til ræktunar hér
á landi. Þarna eru plöntur sem
ætlaðar eru til landbúnaðar, land-
græðslu, garðræktar, í grasflatir og
fyrir íþróttavelli. Við val á listann er
fyrst og fremst stuðst við innlendar
tilraunir en tilraunaniðurstöður frá
nágrannalöndunum hafðar til hlið-
sjónar. Einkum eru niðurstöður frá
norðursvæðum Skandinavíu mikil-
vægar og einnig Vestur-Noregi. Það
er mikilvægt að styðjast við þennan
lista þegar teknar eru ákvarðanir um
það hverju eigi að sá. Það getur skipt
sköpum fyrir árangurinn að rétt yrki
séu notuð. Á meðfylgjandi mynd má
sjá hvítsmára.
Í haust hefst kennsla í lífrænni
ræktun í Garðyrkjuskólanum
Garðyrkjuskólinn fékk styrk frá
Mennta- og menningarmálaráðu-
neytinu árið 2012 til að þróa nám í líf-
rænni ræktun matjurta. Skólinn fékk
VOR, Verndun og ræktun, félag fram-
leiðenda í lífrænum búskap, til liðs við
sig auk Ólafs Dýrmundssonar ráðu-
nauts. „Þessi vinna gekk ákaflega vel
og þegar verkefninu lauk var komin
námskrá fyrir þessa námsbraut. Í
ljósi þess hve umræða um lífrænt
ræktaðar afurðir hefur verið hávær í
samfélaginu og eftirspurn eftir lífrænt
ræktuðum matjurtum mikil ákvað
skólinn að drífa í að bjóða upp á þessa
námsbraut nú í haust. Nú þegar hefur
skólinn sent út stuttan kynningar-
texta á helstu netmiðla
og satt best að segja hafa
viðbrögðin komið okkur
skemmtilega á óvart,
fólk virðist mun áhuga-
samara um þetta nám en
okkur óraði fyrir,“ sagði
Guðríður Helgadóttir,
forstöðumaður starfs-
menntanáms LbhÍ.
Guðríður sagði lífræna
ræktun frábrugðna hefðbundnum
ræktunaraðferðum að því leyti að ekki
er notaður tilbúinn áburður í lífrænu
ræktuninni heldur þurfa áburðarefni
að vera náttúruleg og lífræn. „Auk þess
má ekki nota hefðbundin plöntuvarn-
arefni gegn meindýrum,
sjúkdómum og illgresi
heldur er lögð áhersla á að
ná jafnvægi í ræktuninni
með réttri ræktunartækni.
Lífræn ræktun snýst í
grunninn um það að
tryggja frjósemi jarðvegs
og að ganga þannig um
jarðveginn að hann haldi
frjósemi sinni sem lengst.
Vissulega eru þetta líka sjónarmið sem
bændur í hefðbundinni ræktun hafa að
leiðarljósi en þeir geta nýtt sér tilbúinn
áburð og plöntuvarnarefni til að tryggja
heilbrigði ræktunarplantnanna“ sagði
Guðríður.
Sá sem lýkur námi í lífrænni ræktun
matjurta getur farið af stað í eigin mat-
vælaframleiðslu og framleitt lífrænar
afurðir. Það er ljóst að framboð af líf-
rænt ræktuðum afurðum er mun minna
en eftirspurnin. Þess vegna má líta á
það sem markaðstækifæri fyrir ungt
og drífandi fólk að fara af stað með líf-
rænan búskap, ekki síst vegna þess að
neytendur virðast enn sem komið er,
tilbúnir að greiða hærra verð fyrir líf-
rænt ræktaðar afurðir en þær sem fram-
leiddar eru á hefðbundinn hátt. Eins er
mögulegt að þeir framleiðendur sem nú
stunda lífrænan búskap hafi þörf fyrir
að fá ungt og vel menntað fólk til starfa
í garðyrkjustöðvar sínar.
Silja Yraola Eyþórsdóttir og Anna Kristín Guðmundsdóttir, nemendur á fyrsta ári í umhverfisskipulagi. Umhverfisskipulag er BS-nám í landslagsarkitektúr
og skipulagsfræðum. Með því að halda áfram í námi til meistaragráðu geta nemendur öðlast starfsréttindi sem landslagsarkitektar eða skipulagsfræðingar.
Fólk sem hlotið hefur þessa gráðu vinnur að mótun umhverfis í þéttbýli og dreifbýli. Myndin var tekin á vinnulofti Umhverfisskipulags á Hvanneyri.
Hlustaðu á
viðtöl við
nemendur á
YouTube!
Á síðu LbhÍ á YouTube er talsvert af
viðtölum við núverandi og fyrrverandi
nemendum LbhÍ.
“Þetta er góð leið til
að segja tilvonandi
nemendum frá
náminu við LbhÍ,”
sagði Áskell Þóris-
son, sem stýrir út-
gáfu- og kynningar
málum við skólann. Á heimasíðu skól-
ans eru flýtihnappar yfir á YouTube.
Apríl 2014 Útgefandi: Landbúnaðarháskóli Íslands www.lbhi.is
LbhI blaðið
Umsóknarfrestur
um nám við LbhÍ
er til 5. júní
Umsóknarfrestur um nám í allar
deildir og brautir Landbúnaðarhá-
skóla Íslands er til og með 5. júní.
Sótt er um á nám á rafrænu formi
á heimasíðu skólans www.lbhi.is. Á
myndinni má sjá Aðalstein OrraAra-
son sem er á öðru ári í búfræði.
Háskólanámið og
búfræðin á Hvanneyri
en garðyrkjubrautir
á Reykjum
Aðsetur háskólanámsins og náms í
búfræði er á Hvanneyri í Borgarfirði.
Borgarnes er í 14 km fjarlægð og frá
Hvanneyri til Reykjavíkur eru um
80 km. Í nágrenni Hvanneyrar eru
fallegar göngu- og reiðleiðir og mikil
náttúrufegurð.
Aðsetur starfsmenntanáms í garð-
yrkjutengdum greinum er að Reykjum
í útjaðri Hveragerðis.
Meðfylgjandi mynd er hluti af líkani
sem nemendur á umhverfisskipulags-
braut LbhÍ gerðu.
Apríl 2014 - Útgefandi: Landbúnaðarháskóli Íslands - www.lbhi.is