Bændablaðið - 16.04.2014, Qupperneq 36

36 Bændablaðið | Miðvikudagur 16. apríl 2014
Umhverfis- og auðlindaráðherra
hefur ákveðið að veita 6 milljónir
til verndaraðgerða og viðhalds
á gönguleiðum á Þórsmörk og
Goðalandi í sumar. Þessi svæði
eru í umsjá Skógræktar ríkisins.
Mikið verk er að byggja upp og
halda við þeim 90 kílómetrum af
gönguleiðum sem liggja um þessi
svæði.
Landvarsla efld
á nokkrum svæðum
Einnig voru veittar rúmar 14
milljónir króna til uppbyggingar og
landvörslu á friðlýstum svæðum og
mikilvægum ferðamannastöðum í
umsjá Umhverfisstofnunar. Verður
fjármagnið nýtt til verkefna sem
koma eiga til framkvæmda í vor og
sumar í Mývatnssveit, Þórsmörk,
Friðlandi að Fjallabaki, til
gönguleiðarinnar „Laugavegarins“
og við Gullfoss. Jafnframt verður
landvarsla og umsjón efld í vor og
sumar í Mývatnssveit, Þórsmörk,
Friðlandi að Fjallabaki og í
Borgarfirði.
Fjármunirnir í forgangsverkefni
nýtast til að lagfæra og koma
í veg fyrir frekari spjöll vegna
ágangs ferðamanna. Stofnanirnar
vinna að þessum verkefnum
með ýmsum aðilum. Þetta eru
viðbótarframkvæmdir á nokkrum
mikilvægum svæðum þar sem
mikið álag er á náttúruna og
verndaraðgerðir mikilvægar.
Gönguleiðir samtals um 90 km
Framlagið sem Skógrækt ríkisins
fær til verkefna á Þórsmörk verður
nýtt til að greiða fæðiskostnað, fyrir
efni, verkstjórn og annan kostnað
við framkvæmdir sem unnar verða
af sjálfboðaliðum á Merkursvæðinu.
Munu hóparnir vinna áfram að
uppbyggingu og lagfæringu
gönguleiða á Þórsmerkursvæðinu í
framhaldi af því mikla og góða starfi
sem starfsfólk Skógræktar ríkisins
og sjálfboðaliðar hafa unnið þar á
síðustu árum.
Gönguleiðirnar eru samtals um 90
km að lengd og mikið verk óunnið í
viðhaldi þeirra.
Ýmsir hafa styrkt verkefni
þessi undanfarin ár svo sem
Framkvæmdasjóður ferðamanna-
staða, Pokasjóður, Ferðamálastofa,
Umhverfissjóður Landsbankans o.fl.
Leitað hefur verið eftir styrkjum frá
fleirum svo hægt verði að gera enn
betur.
Ferðaþjónustan á svæðinu, sem
er undir hatti Vina Þórsmerkur
hefur stutt við verkefnið. Nú
er unnið að gerð deiliskipulags
fyrir Þórsmerkursvæðið og verða
framkvæmdir unnar í samræmi við
það. /MÞÞ
Aukið fé til gönguleiða á Þórsmerkursvæðinu í sumar:
Sex milljónir til verndar og viðhalds
Framlagið sem Skógrækt ríkisins fær til verkefna í Þórsmörk verður nýtt til
að greiða fæðiskostnað, fyrir efni, verkstjórn og annan kostnað við fram-
kvæmdir sem unnar verða af sjálfboðaliðum á Merkursvæðinu.
Lagðar verða 6 milljónir króna í gönguleiðir á Þórsmörk og Goðalandi í
sumar. Mikið verk er að byggja upp og halda við þeim 90 kílómetrum af
gönguleiðum sem liggja um þessi svæði.
Sigurður Skúlason skógarvörður á Norðurlandi kvaddur:
27 farsæl ár í Vaglaskógi
Sigurður Skúlason, sem gegnt hefur
stöðu skógarvarðar Skógræktar
ríkisins á Norðurlandi, lét af
störfum um nýliðin mánaðamót,
en hann hefur verið skógarvörður
með aðsetur í Vaglaskógi í 27 ár. Við
starfi hans tekur Rúnar Ísleifsson
skógfræðingur.
Starfsfólk Skógræktarinnar og
Norðurlandsskóga heiðruðu Sigurð
á síðasta vinnudegi hans og þakkaði
Jón Loftsson skógræktarstjóri honum
vel unnin störf. Sagði hann meðal
annars að ekki væri hægt að hugsa
sér að nokkur maður hefði gegnt starfi
skógarvarðar á Norðurlandi betur en
Sigurður. Þetta kemur fram á vef
Skógræktar ríkisins.
Fékk forláta kóreulífvið að gjöf
Þröstur Eysteinsson, sviðstjóri
þjóðskóganna, tók undir þetta í ávarpi
og færði þeim hjónunum Sigurði og
Margréti Guðmundsdóttur forláta
kóreulífvið, Thuja koraiensis, sem
hann hafði ræktað af fræi af tré á
Hallormsstað.
Kóreulífviður er hægvaxta og
verður tíu metra hátt tré eftir á að
giska 500 ár og 12 metrar eftir 1.000
ár. Þar er því sáð til framtíðar eins
og Sigurður Skúlason hefur gert með
störfum sínum á Vöglum og Margrét
sömuleiðis. Hún er hins vegar ekki
hætt störfum fyrir Skógræktina en
heldur áfram að vinna gjaldkera- og
skrifstofustörf í Kópavogi þar sem
þau hjónin búa nú.
Annar lítill kóreulífviður var
afhentur hjónunum Rúnari Ísleifssyni
og Valgerði Jónsdóttur sem nú flytja
í skógarvarðarbústaðinn á Vöglum.
Rúnar tók við skógarvarðarstarfinu
í byrjun apríl en Valgerður er
framkvæmdastjóri Norðurlandsskóga.
Hún hefur reyndar líka tekið við
rótgrónu embætti í Vaglaskógi, að sjá
um fræbanka Skógræktar ríkisins og
uppfæra frælistann.
Þröstur Eysteinsson, sviðsstjóri þjóðskóganna, færði Sigurði og Margréti
konu hans forláta kóreulífvið að gjöf fyrir vel unnin störf.
Sigurður Skúlason þakkar fyrir sig. Rúnar Ísleifsson og Jón Loftsson hlusta.
Nýr skógarvörður, Rúnar Ísleifsson, skoðar óværu á lerki ásamt Guðrúnu
Jónsdóttur, starfsmanni á Vöglum.
Hallgrímur Indriðason hjá Skógrækt ríkisins slær á létta strengi, en sitjandi
eru Agnes Þórunn Guðbergsdóttir, formaður Skógræktarfélags S-Þingeyinga,
og Sigurður Skúlason, fyrrverandi skógarvörður.
Bændablaðið – Smáauglýsingar 56-30-300
Dreift í 31 þúsund eintökum á 387 dreifingarstaði og 4.000 býli á Íslandi