Skírnir - 01.04.1992, Blaðsíða 184

178
SIGURÐUR LÍNDAL
SKÍRNIR
þannig til nútíðar og fortíðar - hann réttir lögin áþekkt því sem
gert var í lögréttu þegar skorið var úr lögmálsþrætu. Þrátt fyrir
þetta er lagarétting dómara nútímans til eftirbreytni í framtíðinni
og kallast fordæmi. Dómarar „setja“ hér lög með áþekkum hætti
og menn gerðu þegar þeir réttu lög á þjóðveldisöld. Hið síðar-
nefnda - að setja almenna reglu - er hlutverk löggjafans. Það á sér
hliðstæðu í því þegar nýmæli voru gerð í lögréttu. Og löggjafinn
horfir þá aðallega til nútíðar og framtíðar þótt hann segi ekki
skilið við fortíðina. Milli þessara skauta - hefðar og nýskipunar -
hefur rétturinn lengst af þróazt og svo er að sjá sem þjóðveldis-
menn hafi gert sér glögga grein fyrir því þegar þeir greindu svo
skarplega milli þess að rétta lög og gera nýmæli sem raun ber
vitni.
Sigurður Líndal