Feykir - 16.04.1986, Blaðsíða 4

4 FEYKIR 8/1986
Sauðárkrókur:
SAUEWRKROKUR 1-1000
DEIUSKIPULAG G/MLA BCJARINS
SKÝRINGARUPPDRÁTTUR Tlll/GA 3
SKÍRNGW
ca»**ORT sjA HH>nu«cRÁn
•.*“ •* * i
/RNI RA3ÍWSS0N /rmtekt faI Kntmi •.í 'aawmT* g 955121 .]

- TT/
Eins og fram hefur komið í Feyki hefur nú á undanförnum árum staðið yfir
vinna við nýtt deiliskipulag fyrir gamla bæjarhlutann á Sauðárkróki. En
deiliskipulag er nánari útfærsla á aðalskipulagi, þar sem m.a. eru tíunduð
þéttleiki byggðar, húsgerð, lóðir, götubreiddir leikvellir o.fl.
Bæjarstjórn Sauðárkróks hefur nú samþykkt að óska eftir því við
Skipulagsstjórn ríkisins að kynna tillögu að deiliskipulagi fyrir bæjarbúum,
þannig að þeim gefist kostur á að koma með sínar athugasemdir ef einhverjar
eru.
Af þessu tilefni snéri tíðindamaður Feykis sér til þeirra Árna Ragnarssonar
arkitekts, sem unnið hefur deiliskipulagstillöguna í nánu samráði við
bæjaryfirvöld og Jóns Arnar Berndsen byggingarfulltrúa bæjarins.
Árni var inntur eftir því
um hvað skipulag sem þetta
snérist almennt, og hver
væru helstu einkenni þessa
deiliskipulags:
„Vinnan við þetta skipulag
hefur nú staðið yfiröðru hverju í
um hálfan annan áratug. Það er
yfirleitt mjög flókið og vanda-
samt að vinna skipulag fyrir
gamla bæjarhluta af ýmsum
ástæðum og niðurstaðan oftast
einhverskonar málamiðlun. Þetta
snertir mjög marga hagsmuna-
aðila, einkum þó þá er þar búa
fyrir, og það er ávallt erfitt og
nánast ógerningur að skaða ekki
hagsmuni einhvers. Þetta er
e.t.v. skýringin á því hve iangan
tíma þetta verkefni hefur tekið.
Svona skipulag er eitt af þeim
áhöldum sem bæjaryfirvöld
hafa yfir að ráða til að sporna
gegn hnignun gamalla bæjarhluta,
sem á sér mjög víða stað.
Spurningin er þá sú hvort þessi
tillaga gagnast í þeirri viðleitni
bæjaryfirvalda að glæða þennan
bæjarhluta nýju lífi.
Viðleitni bæjaryfirvalda
að glæða þennan bæjarhluta
nýju lífi
Segja má að skipulagið snúi
aðallega að þrem aðilum; I
fyrsta lagi bæjaryfirvöldum
sjálfum, íbúunum í gamla
bænum og loks þeim sem þar
eiga eða reka fyrirtæki. Að
bæjaryfirvöldum snýr gerð og
frágangur gatnakerfis, gangstétta
og opinna svæða og að gera lóðir
byggingarhæfar. Þá snýr fram-
kvæmdin, stýringin að bæjar-
yfirvöldum og hún er hvað
mikilvægasti þáttur skipulagsins.
Þessi stýring á við þegar
einstaklingar og fyrirtæki vilja
byggja eða breyta. I skipulagi er
reynt að samræma fyrirætlanir
hinna mörgu þannig að útkoman
verði góð. Þannig er í tillögunni
gert ráð fyrir hvar og hversu
mikið má byggja á einstökum
lóðum. Hins vegar er ekki sagt
„svona mikið á að byggja” né
„þú verður að rífa litla húsið þitt
og byggja þriggja hæða skrif-
stofuhús”. Um er að ræða
heimildir til þess að byggja og þá
jafnan hámarksheimildir. Tíma-
áætlun er ekki inni í myndinni
þannig að einstakar ráðstafanir
Tímaáætlun er ekki inni
í myndinni
tillögunnar kunna að koma
seint til framkvæmda og að
þessu leyti þarf atburðarásin að
ráða sér nokkuð sjálf. Þess
vegna er stýringar- og sam-
ræmingarhlutverk bæjaryfirvalda
jafnvel ennþá mikilvægara en
ella. Skipulagið er því eins og öll
önnur verkfæri; hversu vel þau
duga ræðst af því hversu vel
þeim er beitt. Skipulagstillagan
á að vera svo sveigjanleg að
einstaklingar og fyrirtæki hafi
möguleika til þess að koma sér
fyrir á ýmsan hátt en þetta gerir
aftur kröfur um vandaða
stýringu bæjaryfirvalda.
í megindráttum gengur til-
lagan út á að fjölga íbúðum í
gamla bænum, bæta íbúðarskil-
yrði og skilyrði fyrir verslanir og
aðra þjónustustarfsemi. Sam-
kvæmt tillögunni verður heimilt
að breyta byggðinni allmikið
austanvert við Aðalgötuna og
ný íbúðabyggð verður aðallega í
kringum gamla bæinn. Hins
vegar er gert ráð fyrir því, að
hverfið milli Kristjánsklaufarog
Kirkjuklaufar, vestan við Aðal-
götu verði nokkurs konar
vendunarsvæði, þar sem ríkjandi
húsgerð fær að haldast.
Skipulagið gerir ennfremur
ráð fyrir því að til komi nýjar
götur, nýjar tengingar gatna eða
þær lagðar af. Þetta miðast allt
að því að friða húsagötur fyrir
umferð milli bæjarhluta. í þessu
tilviki verður það óhjákvæmilegt
að rífa nokkur hús, þegar þar að
kemur. Þetta er hins vegar eins
og áður hefur komið fram ekki
tímasett.
Aðalumferðaræðin milli bæjar-
hluta verður eftir Strandveginum
Aðalgatan verður gerð að
vistgötu
sem færist austur um rúma 30 m.
Aðalgatan verður hins vegar
gerð að vistgötu þar sem
gangandi vegfarendur hafa
allan forgang. Þar verður t.d.
hámarkshraði vélknúinna farar-
tækja einungis 15 km á klst. og
ýmsar aðgerðir gerðar til að svo
megi verða.
í dag búa hér um 370 manns,
en á sínum tíma bjuggu hér um
900 manns, og urðu menn þá að
sætta sig við að búa mjög
þröngt, jafnvel allt að 20 manns
á um 90 m2. Þessir íbúar búa nú í
um 166 íbúðum en skv.
skipulaginu er gert ráð fyrir því
að hér geti bæst við 116 nýjar
íbúðir og að heildaríbúatalan
geti orðið á bilinu 580-650
manns. Hvort þetta verður
reyndin getur tíminn einn leitt í
ljós.
Þá er reiknað með að hingað
flytjist inn yngra fólk og því er
gert ráð fyrir alls sex litlum
leikvöllum, en nú er hér aðeins
einn”.
Jón Örn Berndsen og Árni Ragnarsson fyrir utan
Safnaðarheimilið.
„Farið mjög mildum höndum
um gamla bæinn”
í framhaldi afþessu snéri
Feykir sér til byggingafull-
trúa Sauðárkróksbæjar Jóns
Arnars Berndsen og bað
hann um að útlista það
hvernig framhaldinu verði
háttað og hvert menn geti
snúið sér með athugasemdir:
„Nú er skipulagsstjórn ríkis-
ins búin að samþykkja að
auglýsa þetta deiliskipulag.
Framhaldið verður síðan það, að
tillagan ásamt greinargerð mun
hanga uppi á bæjarskrifstofunni
næstu 6 vikur og geta bæjarbúar
þar kynnt sér hana á opnunar-
tíma. Þá mun ég útskýra einstök
atriði sé þess óskað á mínum
viðtalstímum. Síðan er ætlunin
að halda almennan borgarafund
um tillöguna. Hafi menn
athugasemdir fram að færa eða
telji á sér brotið á einhvern hátt
geta þeir skilað inn skriflegum
athugasemdum. Þegar þessum
tilskilda tíma er lokið verður
fjallað um hana á ný i
bæjarstjórn þar sem tekin
verður afstaða til athugasemda
ef þær hafa borist. Öll gögn
verða síðan send Skipulags-
stjórn ríkisins til endanlegrar
staðfestingar. Við skulum hins
vegar muna það að hér er ekki
um eitt endanlegt plagg að ræða,
skipulag, bæði aðalskipulag og
deiliskipulag eru í sífelldri
endurskoðun.
Þá vil ég minna á að
deiliskipulag sem þetta er
stjórntæki fyrir bæjaryfirvöld og
jafnframt viss málamiðlun.
Vandamálin við að skipuleggja
nýtt hverfi og gamalt eru mjög
ólík. í megin atriðum held ég að
þetta skipulag hafi tekist mjög
vel. Það hefur verið farið mjög
mildum höndum um gamla
bæinn og mitt mat er það að
markmiðin, sem menn settu sér í
upphafi hafi náðst fullkomlega”.
Við þökkum þeim félögum
spjallið og þá er bara um að gera
fyrir bæjarbúa að líta við á
bæjarskrifstofunum og kynna
sér af eigin raun umrætt
deiliskipulag.
(Jgj)