Ritröð Guðfræðistofnunar - 01.01.2008, Qupperneq 67

Þarna kemur vel fram að í eldri þýðingunum var munur á þjónustumanni
og þjóni sem yngri þýðingarnar skila með þjóni og þræli. Að baki liggja tvö
grísk orð. Að baki orðunum þjónustumaður og þjónn í 26. versi er gríska
orðið díakon en að baki þjónn og þræll í 27. versi er doulos.
11.5 Athugasemdir Jóns G. Friðjónssonar
Sá sem ötulastur hefur verið að kasta rýrð á nýja biblíuþýðingu er Jón
G. Friðjónsson prófessor. Hann las eins og fram hefur komið fjögur af
fimm fyrstu heftunum, sem út komu á árunum 1993-1997, og gerði
ýmsar athugasemdir. Haustið 2000 sendi hann nefndinni athugasemdir
sem byggðust á útkomnum heftum. Eg hvatti Jón til að lesa fleiri hefti en
hann taldi sig ekki hafa tíma til þess sakir annarra verkefna. Jóni var síðan
boðið að koma á fund þýðingarnefndar 25. október 2004 og sat biskupinn
einnig þann fund ásamt framkvæmdastjóra Hins íslenska biblíufélags. Þar
lagði hann fram minnisatriði sem nefndin fór rækilega yfir. Eftir að bókin
kom út hefur hann bæði í fyrirlestrum og í dagblöðum gagnrýnt þýðinguna
harðlega og einnig notað til þess pistil sinn í Morgunblaðinu. Illt er að sitja
undir því, eftir tveggja áratuga starf, að í nýju þýðingunni sé „mikið um
geðþóttabreytingar, breytingar út í loftið“ {24stundir 30. janúar 2008) eða
„Einnig virðast margar breytingar á eldri texta hafa verið gerðar eingöngu
af geðþótta“ {Morgunblaðið 31. janúar 2008).
Ymsar athugasemdir komu fram hjá Jóni G. Friðjónssyni í málstofu
Guðfræðistofnunar 22. október 2007. Hann hélt einnig erindi á málþingi
í Skálholti sem haldið var 16. og 17. nóvember og síðast talaði hann hjá
Félagi íslenskra fræða 31. janúar 2008. Ekki er rúm hér til að fara ítarlega
í hverja athugasemd, sem fram kom á þessum fundum, en ég vel hér úr
nokkrar. Oðrum verða gerð skil í tímaritinu Glímunni síðar á þessu ári.
Dagsetningar aftan við dæmin vísa til úthendna sem dreift var á fyrirlestr-
unum. Aður en ég kem að dæmunum minni ég á erindisbréfið sem birt
var í 3. kafla og túlkun þess sem ég fór yfir í 5. kafla. Erindisbréfið þarf að
skoða sem heild en ekki tína út úr því það sem hentar eins og gert var á
öllum þremur úthendunum. Þar var því sleppt að taka skyldi tillit til breiðs
65