Dagblaðið Vísir - DV - 14.11.2014, Side 4

4 Fréttir Helgarblað 14.–17. nóvember 2014
Vakta hús eftir
hefndaraðgerð
Sérsveitarmenn vakta hús full­
trúa sýslumannsins á Akureyri
eftir að bensínsprengju var kastað
í mannlausan bíl um fimmleytið
aðfaranótt miðvikudags.
Það er Vikudagur sem greinir
frá þessu en þar kemur fram að
lögreglan á höfuðborgarsvæðinu
hafi tekið yfir rannsókn málsins
þar sem lögreglan á Akureyri telst
vanhæf vegna tengsla við fórnar­
lambið.
Segir Vikudagur atvikið hafa
átt sér stað við heimili mannsins
í Grundargerði í Brekkuhverfi og
telur lögreglan að um hefndarað­
gerð sé að ræða gegn fulltrúa
sýslumannsins.
Vikudagur hefur eftir ná­
grönnum fulltrúans að þeir séu
óttaslegnir og hafi sumir þeirra
ákveðið að vopnast af ótta við
frekari ódæðisverk í hverfinu.
Tveir eru í haldi lögreglunnar
grunaðir um verknaðinn.
S
einkunin á ráðningu þjóð­
leikhússtjóra getur haft áhrif
á komandi leikár samkvæmt
heimildum DV. Nú er valið
einkum talið standa á milli þeirra
Ragnheiðar Skúladóttur og Ara
Matthíassonar, framkvæmdastjóra
Þjóðleikhússins, en sá síðarnefndi
er með fortíð úr flokksstarfi Vinstri
grænna. Sögusagnir eru uppi um
að hugsanlega verði einhver ann­
ar skipaður í starfið en annað hvort
þeirra ­ einhver sem ekki sótti um –
en það mun vera úr lausu lofti gripið.
Um þetta leyti eru stjórnendur
Þjóðleikhússins yfirleitt búnir að
leggja niður fyrir sig hvaða leikverk
verði sýnd á komandi leikári, búið
að ráða leikara í verkin, búið að
ráða leikstjóra til að leikstýra jóla­
leikriti næsta árs og svo framvegis.
Undirbúningur næsta leikárs getur
hins vegar tafist vegna dráttarins á
skipun í starf þjóðleikhússtjóra. Ef
Ari verður ráðinn þarf að ráða nýjan
framkvæmdastjóra og nýr þjóðleik­
hússtjóri á að taka við starfinu þann
1. janúar næstkomandi. Erfitt get­
ur verið fyrir stjórnendur Þjóðleik­
hússins að skipuleggja næsta leikár
ef ekki liggur fyrir hverjir stýra leik­
húsinu. Þetta á bæði við skipulag
rekstrarins og eins skipulag á fag­
legu, listrænu starfi leikhússins
sjálfs.
Staðan var auglýst þann 1. júní
síðastliðinn og rann umsóknar­
fresturinn út þann 1. september.
Tæpur mánuður er síðan umsækj­
endur fóru síðast í viðtal út af starf­
inu fyrir tæpum mánuði. Engar
reglur eða lög ná hins vegar utan
um hvenær menntamálaráðherra
þarf að tilkynna um nýjan þjóðleik­
hússtjóra. n
ingi@dv.is
Seinkunin gæti haft áhrif
Drátturinn á skipun þjóðleikhússtjóra
Beðið eftir Illuga Beðið er eftir því að
Illugi Gunnarsson skipi í starf þjóðleikhús-
stjóra en umsóknarfresturinn rann út þann
1. september. Mynd SIgtryggur ArI
Tugmilljóna kostnaður
vegna fasteignagjalda
n Hærri fasteignagjöld koma niður á Íbúðalánasjóði n Á 529 eignir í Reykjanesbæ
Í
búðalánasjóður átti 816 fasteign­
ir á Suðurnesjum í september
á þessu ári en þar af voru 439 í
sölu, 339 í leigu, 37 auðar og ein
í vinnslu.
Þetta kemur fram í mánaðar­
skýrslu Íbúðalánasjóðs. Ef sú skýrsla
er borin saman við mánaðarskýrsl­
una í september árið 2013 kem­
ur í ljós að fjöldi eigna Íbúðalána­
sjóðs hefur lítið sem ekkert breyst
á þessu svæði. Á sama tíma í fyrra
átti Íbúðalánasjóður 811 fasteign­
ir og því hefur eignum í eigu sjóðs­
ins á Suðurnesjum aðeins fækkað
um fimm íbúðir á heilu ári. Þegar
mest lét átti sjóðurinn 881 íbúð á
Suðurnesjum en það var í desem­
ber í fyrra.
Samkvæmt nýjustu upplýsingum
frá Íbúðalánasjóði fyrir nóvember­
mánuð kemur í ljós að Íbúðalána­
sjóður hefur losað sig við 11 fast­
eignir á einum mánuði.
66 milljónir í fasteignagjöld
DV sendi fyrirspurn á Íbúðalána­
sjóð og spurði hvaða upphæð
Íbúðalánasjóður greiddi í fasteigna­
gjöld fyrir eignir í Reykjanesbæ á ár­
inu 2013 og hvað sjóðurinn teldi að
hann myndi greiða á yfirstandandi
ári.
„Fyrir álögð fasteignagjöld vegna
ársins 2014 og þær eignir sem
Íbúðalánasjóður átti í Reykjanesbæ
á árinu greiddi sjóðurinn 66.261.046
krónur. Í upphafi árs 2014 átti sjóð­
urinn 641 eign í Reykjanesbæ en
þann 1. nóv. síðastliðinn voru þær
592 og hefur þeim fækkað. Í ljósi
þess að Reykjanesbær hefur boðað
hækkun álagðra gjalda má búast við
að greiðslur Íbúðalánasjóðs vegna
fasteignagjalda hækki nokkuð,“ seg­
ir í svari sjóðsins við fyrirspurn DV.
Það er því ljóst að hækkun fast­
eignagjalda í Reykjanesbæ kemur
til með að hafa áhrif á fleiri en bara
íbúa svæðisins. Kostnaður Íbúða­
lánasjóðs eykst til muna en þó má
búast við því að hækkunin birtist
í hærri fasteigna­ og leiguverði á
svæðinu en sá markaður hefur verið
ansi kaldur frá hruni.
Flestar eignir í reykjanesbæ
Ef heildarfjölda eigna er skipt upp
eftir svæðum þá á sjóðurinn fæstar
fasteignir í Grindavíkurbæ eða 29. Í
sveitarfélaginu Garði á Íbúðalána­
sjóður 58 fasteignir, í Sandgerði 92
fasteignir og 34 eignir í Vatnsleysu­
strandarhreppi. Sjóðurinn á lang­
flestar fasteignir í Reykjanesbæ ef
litið er til Suðurnesja en þar á sjóð­
urinn 592 fasteignir.
Þessi mikli fjöldi eigna Íbúða­
lánasjóðs á Suðurnesjum hefur haft
mikil áhrif á leigumarkaðinn, þá
sérstaklega í stærsta sveitarfélaginu
Reykjanesbæ. Við lauslega könnun
blaðamanns fundust aðeins tvær
íbúðir til leigu í bæjarfélaginu.
Suðurnesjafréttir DV fjölluðu um
leigumarkaðinn á Suðurnesjum fyr­
ir tæpu ári eða 22. nóvember 2013.
Þá var í raun sama staða og er í dag;
engar íbúðir á leigumarkaði.
Leigumarkaður í lamasessi
Leigumarkaðurinn á Suðurnesjum
hefur verið í algjörum lamasessi frá
árinu 2010 eða frá því mikil fjölg­
un varð í nauðungarsölum á þessu
svæði. Leigumiðlarar hafa ekki haft
neinar eignir á skrá hjá sér og slegist
er um hvern einasta auglýstan fer­
metra.
Samkvæmt heimildum DV eru
tugir umsækjenda um hverja aug­
lýsta fasteign og þær íbúðir sem
Íbúðalánasjóður hefur fært til leigu
hafa rokið út eins og heitar lummur.
Stór hópur fólks getur samt sem
áður ekki sótt um að leigja íbúð hjá
Íbúðalánasjóði þar sem reglur hans
kveða á um að viðkomandi þurfi að
vera skuldlaus gagnvart sjóðnum.
Þannig gæti einstæð móðir sem er
nýbúin að missa íbúðina í nauð­
ungarsölu ekki sótt um íbúð til leigu
hjá Íbúðalánasjóði. n
Atli Már gylfason
atli@dv.is
Skipting eigna Íbúðalánasjóðs á
Suðurnesjum eftir bæjarfélögum
Miðað við nóvember 2014
n Reykjanesbær: 592
n Sandgerði: 92
n Garður: 58
n Vatnsleysustrandarhreppur: 34
n Grindavíkurbær: 29
Staða eigna
Íbúðalánasjóðs
á Suðurnesjum
Miðað við mánaðarskýrslu
sjóðsins frá því í september 2014
n Í sölu: 439
n Í leigu: 339
n Auðar: 37
n Í vinnslu: 1
tómt fjölbýli í reykjanesbæ Á sama tíma og
leigumarkaðurinn er í lamasessi þá standa hundruð
íbúða í bæjarfélaginu tómar.
„… má búast við
að greiðslur
Íbúðalánasjóðs vegna
fasteignagjalda hækki
nokkuð.
Vilja Fiski-
stofu áfram
Bæjarstjórn Hafnarfjarðar hefur
lagt fram ítarleg greinargerð um
stöðugildafjölda hjá ríkisstofn­
unum á höfuðborgarsvæðinu
2007–2013. Þar kemur fram að
stöðugildum á vegum ríkisins á
höfuðborgarsvæðinu hefur fækk­
að um 464 á árunum frá 2007 til
2013. Þar af hefur stöðugildum í
Hafnarfirði fækkað um 128 eða 28
prósent af þeirri fækkun sem orðið
hefur á höfuðborgarsvæðinu.
Haraldur L. Haraldsson bæjar­
stjóri telur að í ljósi þessara gagna
hljóti sjávarútvegsráðherra að
skoða það alvarlega að draga
ákvörðun sína um flutning á Fiski­
stofu til baka. Bæjarstjórnin hefur
ítrekað áskorun sína á Sigurð Inga
Jóhannesson, sjávarútvegs­ og
landbúnaðarráðherra, að draga
ákvörðun um flutning Fiskistofu
til Akureyrar til baka þar sem mál­
efnaleg rök fyrir flutningnum hafi
ekki komið fram. Þar að auki sýni
tölurnar að stöðugildum á höf­
uðborgarsvæðinu og í Hafnarfirði
hefur fækkað.
Blekhylki.is
Við seljum
ódýra
tónera og
blekhylki
Fjarðargötu 11 og Smáralind • S: 517-0150