Bændablaðið - 24.09.2015, Síða 38

38 Bændablaðið | Fimmtudagur 24. september 2015
Frá haustinu 2013 hefur RML
starfrækt fundaröð fyrir sauðfjár-
bændur sem hefur gengið undir
nafninu Sauðfjárskólinn.
Í nokkur ár þar á undan höfðu
nokkur búnaðarsambönd starfrækt
sambærilega fundaröð og hefur
Sauðfjárskólinn nú verið í boði
fyrir sauðfjárbændur í öllum lands-
hlutum. Þátttaka hefur verið góð og
eru t.d. um 90 bú á Vesturlandi og
Vestfjörðum sem eru að ljúka sínum
fundum nú í nóvember.
Á fundunum er fjallað um ýmsar
hliðar sauðfjárbúskapar og reynt að
fara vel yfir og ræða það sem mestu
máli skiptir til að ná góðum árangri
í þessari búgrein. Sauðfjárskólinn
stendur í u.þ.b. eitt framleiðsluár,
haldnir eru sjö fundir á þeim tíma
sem standa alla jafna frá kl. 13–17.
Fundirnir eru haldnir á virkum
dögum. Leiðbeinendur verða fyrst
og fremst starfsmenn RML á sviði
sauðfjárræktar, starfsmenn RML á
sviði jarðræktar, bútækni og rekstr-
ar koma inn sem leiðbeinendur á
staka fundi og dýralæknir verður
aðalleiðbeinandi á einum fundi.
Umsjónarmaður með þessu verk-
efni, Sauðfjárskólanum, er Árni B.
Bragason, ab@rml.is.
Næsta fundaröð í
Sauðfjárskólanum
Starf Sauðfjárskólans hefur verið
héraðabundið til þessa en þar sem nú
er búið að starfrækja hann einu sinni
í öllum landshlutum er ætlunin að
bjóða bændum hvar sem þeir búa á
landinu að skrá sig í næstu fundaröð.
Sauðfjárskólinn sem nú er langt
kominn kostaði 60.000 krónur á bú
en fyrirsjáanlegt er að hækka þarf
þátttökugjaldið eitthvað. Gjaldið
þarf að greiða fyrir 20. desember
2015. Aðeins er hægt að kaupa
allan pakkann en ekki einstaka
fundi. Þeir bændur sem greiða
búnaðargjald geta sótt um styrk í
Starfsmenntasjóð bænda en hver
bóndi hefur getað fengið að hámarki
um 33.000 krónur í styrk vegna
endurmenntunar árlega. Sjóðurinn
greiðir út styrkina að námi loknu
þannig að í þessu tilfelli yrði hugs-
anlegur styrkur ekki greiddur fyrr
en eftir rúmt ár.
Frá hverju búi geta komið á
fundina þeir aðilar sem standa að
búrekstrinum (allt að þrír) þannig að
t.d. hjón geta komið bæði eða skipst
á að mæta ef það hentar.
Árið 2013 gaf bókaútgáf-
an Uppheimar, í samstarfi við
Landbúnaðarháskóla Íslands, út
veglega 300 bls. kennslubók um
sauðfjárrækt. Reiknað er með að
þátttakendur í Sauðfjárskólanum
hafi þessa bók til aflestrar á meðan
á námi stendur. Bókina er m.a. hægt
að kaupa hjá Landbúnaðarháskóla
Íslands og verður bókin boðin til
sölu á fyrsta fundi Sauðfjárskólans
á hverjum stað gegn staðgreiðslu.
Hér á eftir fer örstutt lýsing á
áætlaðri dagskrá fundanna með
fyrirvara um breytingar.
1. fundur, miður nóvember 2015
• Fóðrun og umönnun áa til frjó-
semi og afurða.
• Haustmeðferð og fóðuráætlun
- Farið yfir niðurstöður tilrauna
og almennar ráðleggingar.
• Nokkur atriði um sauðfjár-
sæðingar, tilgangur og leiðir til
að ná góðri fangprósentu.
• Frágangur á haustbók í fjárvís.is
og skipulag á komandi fengitíð.
2. fundur, miður janúar 2016
• Fóðrun og markmið með fóður-
öflun og haustbeit.
• Kynning á skýrsluhaldi í sauð-
fjárrækt og uppbyggingu þess.
• Fjárvís, uppgjör síðasta árs.
• Uppgjörsskýrslur, stöðumat og
markmiðasetning.
• Skráning fangs, fósturtalninga
o.fl.
3. fundur, miður febrúar 2016
• Fóðurkostnaður, fóðuröflun og
fóðurgæði, greining á kostnað-
arþáttum. Sniðið að sauðfjár-
búum.
• Undirbúningur vorsins, áburðar-
dreifing, sáningar í tún og græn-
fóður.
• Skipulagning vor og haustbeitar.
• Sumarbeitin afréttir/heimalönd
– rætt um nokkur umhugsunar-
atriði.
4. fundur, miður mars 2016
• Húsvist sauðfjár, vinnuhag-
ræðing á vetri, fóðrunaraðferðir.
• Byggingarreglugerð, gólfgerð-
ir og einangrunarefni (kostir
og gallar), helstu húsgerð-
ir, gjafagrindur, gjafavagnar,
brynningar.
• Vinnuhagræðing við gjafir,
umhirðu og meðhöndlun áa á
vetri.
• Undirbúningur sauðburðar,
flokkun áa, bólusetning og lyfja-
gjöf. Vinnuskipulag á sauðburði.
5. fundur, fyrri hluti í apríl 2016
• Sauðburður, fæðingarhjálp,
sjúkdómavarnir, undirvenjur,
vinnulag, beitarskipulag.
• Helstu sjúkdómar á sauðburði
og meðhöndlun þeirra. Fjárvís.
is, burðarskráning og aðrar vor-
skráningar.
6. fundur, seint í ágúst 2016
• Hauststörfin, flokkun lamba og
beitarskipulag og vinnulag við
fjárrag haustsins.
• Hagkvæmni haustbötunar, mat
á væntanlegu verðmæti afurða
og val á sláturtíma.
• Fjárvís.is, nýting hans til undir-
búnings hauststarfa og líflamba-
vals.
• Þuklun ásetningslamba – verk-
leg kennsla
7. fundur – í lok nóvember 2016
• Rýnt í ræktun og rekstur. Helstu
áhrifaþættir og helstu leiðir til
að bæta afrakstur búsins?
• Þátttakendur fá leiðbeiningar
um hvernig þeir geta skoðað
ýmsar tölur framleiðsluársins
sem hér er að ljúka og metið
árangurinn.
Hafir þú/þið áhuga á að taka þátt í
„Sauðfjárskólanum“ skaltu endilega
skrá þig/ykkur fyrir 25. október 2015.
Senda skal skráningu í tölvupósti á
netfangið rml@rml.is eða hringja í
síma 516-5000. Í skráningunni þarf
að koma skýrt fram nafn bæjar og
nöfn, kennitölur, símanúmer og net-
föng þátttakenda frá búinu.
Haft verður samband við alla sem
skrá sig fyrstu dagana í nóvember
en að sjálfsögðu þarf einhverja lág-
marksþátttöku til þess að grundvöll-
ur sé fyrir því að fara að stað með
fundaröð t.d. í landsfjórðungi. Það
gæti því verið upplagt að ræða þetta
við aðra sauðfjárbændur í héraðinu
og safna liði.
Ráðgjafarmiðstöð landbúnaðarins
Sauðfjárskóli RML:
Fræðslufundaröð fyrir sauðfjárbændur
Árni Brynjar Bragason
Ráðunautur í sauðfjár -
rækt hjá RML
ab@rml.is
Kleppsförin
Í síðasta Bændablaði var
umfjöllun um Vinnufatabúðina
sem er 75 ára um þessar mund-
ir. Þar var m.a. fjallað um
Daníel Daníelsson, tengdaföður
Þórarins Kjartanssonar, sem
stofnaði Vinnufatabúðina árið
1940. Birt var vísubrot sem blað-
inu barst frá núverandi eigend-
um þar sem minnst er á Daníel.
Blaðinu hefur borist fjöldi
ábendinga um að þetta vísubrot
sé ekki alls kostar rétt með farið.
Daníel Daníelsson var ljósmyndari
og síðar dyravörður hjá stjórn-
arráðinu.
Nafn hans bar á góma nokkrum
sinnum í heilum bálki sem birtist
í Speglinum sáluga þann 12. maí
árið 1930 og fjallaði um Jónas frá
Hriflu og bar heitið Kleppsförin.
Jónas var dóms- og kirkjumála-
ráðherra á árunum 1927–1931 og
aftur 1931–1932. Snerist málið í
Speglinum um að hann vildi láta
reka yfirlækninn á Kleppsspítala.
Við leyfum okkur að birta þennan
ljóðabálk að ósk lesenda, eins og
hann birtist í Speglinum á sínum
tíma og var endurbirt þar í sept-
ember 1970 og er svohljóðandi:
Kleppsförin
Jónas vaknar af blíðum blundi,
brjálaður virtist ekki par;
í bælinu lengur ekki undi
ók sjer og fór í brækurnar.
í landhelgisbílinn brátt var náð
brunað svo upp í stjórnarráð.
Daníel, sem þar dyrnar passar
dyrnar opnaði fljótt og vel.
Jónasar gjörðust glyrnur hvassar
hann gaut þeim skáhalt á Daníel:
„Til setu boðið ei sýnist oss
sæk, Daníel, vort besta hross".
„Inn að Kleppi er óravegur,
andskotastu því fljótt af stað;
ríddu eins hart og hrossið dregur,
- Helga rjettirðu þetta blað.
Flýttu þjer nú og farðu vel".
- Þá fruktaði' og spýtti Daníel.
Óþverra fyltist loftið ljótum,
- leðjurigning og malarjel.
Veifandi' í bláinn báðum fótum
bykkjuna þandi Daníel.
Drótt öll á Kleppi dauðhrædd beið.
- Daníel inn í húsið reið.
Helgi greip blaðið báðum mundum,
blekugur varð um hendurnar,
undirskriftirnar eru stundum
ekki meira' en svo þornaðar.
Við Doktora Jónas dundar vart
og Daníel getur riðið hart.
Doktorinn varð sem dreyri' í framan,
Dungal var þar og studdi hann.
Nú sá hann eftir öllu saman
að 'ann heimsótti ráðherrann.
Húsi og stöðu flæmdur frá.
- Hann flutti með eina lyfjaskrá.
Daníel svarsins drjúgur bíður,
Daníel tók í húfuna,
Daníel út um dyrnar ríður,
Daníel sló í merina.
- Daníel tyggur drjúgum skro,
Daníel spýtir á við tvo.
Lyfja-fargansins fræga miðann
flutti Helgi úr brúkunum.
Nú fá menn trauðla að tala við hann
þó tíkall hafi í lúkunum.
- Hreldan og þjáðan huga ber,
og Hriflu-rjettlætið móti sjer.
Að þessu skaltu önd mín hyggja
yfirvöldunum geðjast þú,
á hnjánum báðum er best að liggja
og biðja um náð í sannri trú.
- Hver veit nær sorgar hefjast jel?
Hver veit nær söðlar Daníel.
Undir þetta ritar „Z“.
Bændablaðið
Smáauglýsingar 56-30-300
Næsta blað kemur út
8. október 2015