Morgunblaðið - 27.08.2015, Síða 37

FRÉTTIR 37Innlent
MORGUNBLAÐIÐ FIMMTUDAGUR 27. ÁGÚST 2015
Ársreikningaskrá RSK
Ársreikningaskrá RSK
skorar á þau félög sem ekki
hafa skilað ársreikningi
sínum fyrir árið 2014 að
gera það nú þegar.
Frestur til að skila
ársreikningi 2014
rennur út 31. ágúst
442 1000
Þjónustuver 9:30-15:30rsk@rsk.is
Skil á ársreikningi 2014
Skorað er á stjórnir félaga að senda nú þegar
til ársreikningaskrár RSK, í rafrænu formi,
ársreikning félagsins og samstæðureikning,
ef það á við, fyrir árið 2014. Eigi félag eftir
að skila eldri ársreikningum er skorað á það
að skila þeim líka.
Breytingar á skilaskyldu
Athygli er vakin á því að nú þurfa
samlagsfélög þar sem ábyrgðaraðili er ehf.,
hf., slhf. eða svf. að skila inn ársreikningi til
ársreikningaskrár til opinberrar birtingar.
Viðurlög
Félög sem ekki skila ársreikningi kunna
að sæta sektarmeðferð.
Ert þú í skilum?
Unnt er að sjá hvort félag hafi skilað ársreikningi
á heimasíðu ríkisskattstjóra.
Athugaðu hvort þitt félag stendur í skilum og
bættu strax úr ef svo er ekki.
https://www.rsk.is/fyrirtaekjaskra/leit
Nánari upplýsingar áwww.rsk.is
víðast innan klausturjarðanna og
ekki endilega gengið út frá því að
klaustrin hafi staðið þar sem
kirkjur standa enn,“ sagir Stein-
unn.
Vísbendingar finnast
„Það gerðist svo í sumar að við
finnum fyrstu vísbendingarnar í
þessa veru,“ bætir hún við. „Áður
var raunar vitað að tvær kirkjur
voru á Skriðuklaustri á klaustur-
tíma – klausturkirkja og heima-
kirkja – og væntanlega einnig á
Reynistað og í Kirkjubæ. Þá er
vitað með nokkurri vissu að
Keldnaklaustur var byggt í sér
byggingu með kirkju. Vísbend-
ingar um þetta fundum við síðan á
Munkaþverá og Þykkvabæjar-
klaustri. Á Munkaþverá tókst okk-
ur að staðsetja klausturrústirnar
þar sem talið var að þær hefðu
staðið, þ.e. við núverandi kirkju og
bæjarstæði. Hins vegar fundum
við grafir frá 12. öld á öðrum stað
innan jarðarinnar, en það bendir
til þess að kirkja eða í það
minnsta kirkjugarður hafi ekki
verið endurnýttur við byggingu
klaustursins þar. Á Þykkvabæjar-
klaustri fundum við rúst, bygg-
ingar undir svonefndum Fornu-
fjósum, en hún er stærri að
umfangi en aðrar byggingar sem
þekktar eru frá miðöldum á Ís-
landi. Formið bendir einnig til
þess að þetta séu rústir klausturs-
ins þar. Við könnuna á aldri
rústarinnar kom svo í ljós að hún
er frá klausturtíma á Þykkva-
bæjarklaustri. Rústin liggur hulin
undir tveggja metra þykku lagi af
sandi, gjósku og fokmold.“
Merk uppgötvun á Þingeyrum
Merkasta uppgötvun sumarsins
var að sögn Steinunnar án efa
gerð á Þingeyrum. „Svo virðist
sem okkur hafi tekist að staðsetja
rústir klaustursins þar, en það var
rekið lengst allra klaustra á Ís-
landi. Það hlýtur að teljast til
stórtíðinda.“
Hún segir að þegar staðsetning
könnunarskurðarins á staðnum
var ákvörðuð hafi verið tekið mið
af jarðsjármælingum sem unnar
voru af Fornleifastofnun Íslands
og Háskólanum í Vín. „Þær sýndu
rúst kirkjubyggingar og rústa í
vinkil norðan og vestan við hana,
nokkru norðan við núverandi
bæjarstæði á Þingeyrum. Kirkjan
virtist stærri og með öðru lagi en
þær kirkjur sem vitað er að voru
reistar á jörðinni eftir að klaustur-
haldi lauk á Þingeyrum. Og þegar
við kíktum undir svörðinn kom í
ljós að þessi kirkja er frá klaust-
urtíma og um enga aðra kirkju er
um að ræða en klausturkirkjuna
sjálfa.“
Aldrei skýrari vísbending
Steinunn segir að þetta sé
reyndar á þeim stað sem talið var
að klaustrið hafi staðið en vís-
bendingar um það hafi aldrei verið
skýrari en nú. „Nema að svo virð-
ist sem klaustrið hafi staðið norð-
an við kirkjuna en ekki sunnan við
hana, eins og algengast var,“ segir
hún. „Aðeins frekari uppgröftur
getur skorið úr um þessi atriði en
svo virðist sem kirkjurústin sé
nokkuð heilleg – heillegri en búast
mátti við en hún er á um 1,50 m
dýpi. Skammt frá kirkjurústinni
sýndu jarðsjármælingarnar einnig
hugsanlega rúst annarrar kirkju
innan dómhrings sem þarna er, en
fróðlegt væri að kanna hvort tvær
kirkjur hafi einnig staðið á Þing-
eyrum þegar klaustrið var stofnað,
klausturkirkja og heimakirkja,“
segir Steinunn.
Haldið áfram næsta sumar
Steinunn og samstarfsfólk henn-
ar munu halda leitinni að klaustr-
unum áfram næsta sumar. Hún
segir að Helgafell sé enn ráðgáta.
Þar hafi verið stórt klaustur sem
var rekið í nokkur hundruð ár, en
hópnum hafi ekki tekist að finna
rústir þess, þrátt fyrir mikla leit.
„Eitt vitum við þó, að það stóð
ekki austan og norðan við núver-
andi kirkju – eins og venjulega er
talið. Það hefur leit okkar sýnt,“
segir Steinunn.
Rannsókn Grafið í svokallað Fornufjós, þar sem Steinunn telur mjög líklegt að Þykkvabæjarklaustur hafi staðið á miðöldum. Gamla kirkjan í baksýn.