Morgunblaðið - 27.08.2015, Síða 72

72
MORGUNBLAÐIÐ FIMMTUDAGUR 27. ÁGÚST 2015
HAUSTferðir 2015
Ásgeir Ingvarsson
ai@mbl.is
Dagarnir eru teknir að styttast og
handan við hornið er haustið og
veturinn. Myrkrið og kuldinn tekur
yfir, dagblöðin fyllast af röfli og tuði
um stýrivexti og stjórnmál, og æv-
intýri sumarsins víkja fyrir hinu
reglubundna brauðstriti frá níu til
fimm.
En það eru aðrir valkostir í stöð-
unni. Hinu megin á hnettinum er
enginn kuldi, myrkur og slydda. Þar
má skipta út brauðstritinu fyrir mak-
indalegar bátsferðir í góðu yfirlæti,
eða hjólreiðatúr meðfram hrís-
grjónaökrunum. Austur í Víetnam
hafa menn aldrei heyrt um Sjálf-
stæðisflokk eða Samfylkingu.
Fyrir fólk sem ræður við Esjuna
Helgi Benediktsson stýrir tveimur
ferðum til Víetnam í október og nóv-
ember, en það er íslenska ferðaskrif-
stofan Óríental sem skipuleggur
ferðina. Helgi er reynslumikill leið-
sögumaður og heimshornaflakkari,
og var mjög stórhuga á sínum yngri
árum þegar hann sigraðist á hverjum
krefjandi fjallstindinum á fætur öðr-
um. Verða einmitt í október liðin
slétt þrjátíu ár síðan Helgi komst á
tind fjallsins Díran í Himalaja-
fjallgarðinum, og sló þá nýtt hæð-
armet íslensks fjallaklifursfólks.
Nær árlega leiðir Helgi ferðir á
spennandi slóðir og hefur t.d. farið
með íslenska hópa upp í fjöllin í Perú
og upp á tind Kilimanjaro.
Ferðin til Víetnam er útivistarferð
en Helgi tekur þó fram að átökin
verði ekkert í líkingu við prílið í
Himalajafjöllum. „Við hjólum á flat-
lendi í suðurhluta Víetnam og göng-
um eftir nokkuð þægilegum leiðum í
mishæðóttu landslagi í Norður--
Víetnam. Er þetta ferð sem fólk ætti
að ráða vel við ef það er vant al-
mennri útivist, er í ágætu ástandi
líkamlega og ætti t.d. ekki í miklum
erfiðleikum með að ganga á Esjuna.
Við höldum síðan góðan fund með
hópnum með ágætum fyrirvara, för-
um yfir hvernig best er að vera út-
búinn og hverju ferðalangarnir ættu
að huga sérstaklega að.“
Siglt um Mekong
Brottför í fyrri ferðina er 28. októ-
ber og varir hún í sautján daga.
Hefst seinni ferðin 12. nóvember og
er lokið 28. nóvember. Er flogið með
Icelandair til Kaupmannahafnar og
þaðan áleiðis til Bangkok með Thai
Airways. Loks er flogið síðasta spöl-
inn frá Bangkok til Saígon, eða Ho
Chi Minh-borgar eins og heimamenn
kalla stórborgina í suðurhluta Víet-
nam.
„Við komuna þangað er hópnum
ekið beint að árósum Mekong, þar
sem við hefjum siglingu um fljótin.
Siglt er á trébáti þar sem allir hafa
sína huggulegu káetu með einka-
snyrtingu og matur og drykkur er
framreiddur um borð,“ útskýrir
Helgi. „Á siglingunni sjáum við þorp
og fljótandi markaði, og komumst í
snertingu við mannlífið og náttúruna
við fljótið.“
Næsti dagur blandar saman sigl-
ingu og reiðhjólaferðum eftir kyrr-
látum sveitavegum. Á þriðja degi í
Víetnam er haldið áfram að hjóla og
skoðar hópurinn meðal annars Cu
Chi-neðanjarðargöngin sem Víet-
kong-liðar grófu þegar Víetnam-
stríðið geisaði, og Bandaríkjaher
tókst ekki að eyðileggja þrátt fyrir
ítrekaðar tilraunir.
Saígon og Hanoí
Fjórði dagurinn er helgaður Saí-
gon, og frönsku menningaráhrifun-
um gerð góð skil með heimsókn í
gamla pósthúsið, óperuhúsið og ráð-
húsið. Hér gefst tækifæri til að skoða
merkilega markaði, listasöfn og gall-
erí, og hafa það huggulegt eftir hjól-
reiðatúrana.
„Við fljúgum svo næsta dag norður
til Hanoí og skoðum þar meðal ann-
ars bókmenntahofið sem var fyrsti
háskóli Víetnam, byggður árið 1070,“
segir Helgi. „Sjötta daginn ökum við
til Halong-flóa og siglum um þetta
einstaka svæði í þrjá daga og tvær
nætur með viðkomu á sólbaðs-
ströndum og veiðimannaþorpum.“
Aftur er farið til Hanoí og nætur-
lest tekin þaðan til bæjarins Sapa.
Þar taka við gönguferðir um holt og
hæðir norðurhlutans þar sem hópur-
inn heimsækir afskekkta þjóðflokka
og fær meira að segja að verja einni
nótt í heimagistingu við ekta víet-
namskar aðstæður. „Við vegum svo
upp á móti því með því að dvelja
næstu nótt á glæsihóteli í Sapa þar
sem hugsað er fyrir öllum þæg-
indum.“
Síðasti leggur ferðarinnar er frá
Sapa, til Hanoí og áfram til hita-
beltiseyjunnar Phu Quoc í suðri, þar
sem stoppað er í tvo daga áður en
haldið er aftur heim til Íslands. „Phu
Quoc er staður þar sem hægt er að
slappa rækilega af á hvítum strönd-
unum undir blaktandi laufum pálma-
trjánna.“
Merkileg þjóð
Helgi segir margt heilla við Víet-
nam og á ferðalaginu muni hópurinn
ekki bara upplifa fallega náttúru og
einstaka menningu, heldur líka kom-
ast í tæri við merkilega þjóð. „Víet-
nam er fjölbreytt land þar sem býr
harðduglegt og stolt fólk sem á sér
merkilega sögu. Matarmenning þess
er þekkt um allan heim en þegar
komið er á staðinn koma líka í ljós
skemmtileg frönsk einkenni frá ný-
lendutímanum, og t.d. hægt að fá
víetnömsk vín með matnum gerð eft-
ir frönskum hefðum,“ segir hann.
„Margir hafa áhuga á að heimsækja
þetta land, og er ferðaþjónustan að
byggjast þar hratt upp, en enn sem
komið er ekki svo mikið álag af ferða-
mönnum að það geti truflað upplif-
unina eins og á sumum öðrum stöð-
um í þessum heimshluta.“
Í náinni snertingu við náttúru og mannlíf
Helgi Benedikts-
son fjallgöngu-
garpur er leiðsögu-
maður í langri og
fjölbreyttri ferð
um Víetnam
Morgunblaðið/Árni Sæberg
Upplifun Helgi segir að hópurinn muni sigla eftir Mekong-ánni á notalegum trébát þar sem hver hefur sína káetu
og snyrtingu og verður vel gert við ferðalangana í mat og drykk. Farið er vítt og breitt um Víetnam.
Ljósmynd/TMAX - Fotolia
Klassík Mannlífið á markaði. Víetnamar bera enn sína hefðbundnu hatta.
Ljósmynd/photlook - Fotolia
Landslag Halong-flói þykir mörgum með fegurstu stöðum veraldar.
Ljósmynd/Gina Smith - Fotolia
Hefðir Kona selur ávexti úr bát sínum í Halong-flóa. Samfélagið heldur enn
sérkennum sínum og á mörgum stöðum eru ferðamenn sjaldséðir.
Eikjuvogur 29 - 104 Rvk. S:694-7911
www.facebook.com/spennandi
Opið: Mán. - fim: 12 - 18 - fös: 12-16.
Mama B - Haust 2015