Hagskýrslur um húsnæðismál - 01.01.1957, Page 7

Formáli
Preface.
Við aðalmanntölin 1910, 1920, 1930, 1940 og 1950 var, auk upplýsinga um
fólkið sjálft, safnað vitneskju um húsnæði þess. Niðurstöður þeirrar skýrslu-
söfnunar fyrir 1910 voru birtar í Landshagsskýrslum 1912, og fyrir 1920 í
hagskýrsluheftinu um manntalið það ár. Hins vegar voru niðurstöður húsnæðis-
upplýsinga 1930 og 1940 ekki birtar á prenti á sínum tíma, aðallega vegna örð-
ugleika á prentun hagskýrslna. í Húsnæðisskýrslum 1950, er Hagstofan lætur
nú frá sér fara, er birtur útdráttur úr húsnæðisskýrslum 1940, og í inngangi
þessa heftis eru til samanburðar við tölur 1950 gefnar upp samsvarandi tölur
úr húsnæðisskýrslum hvers áratugs aftur til 1910, eftir því sem föng eru á.
Bætir það talsvert úr vöntun prentaðra heimilda um þróun húsnæðismála hér
á landi síðustu áratugi.
Húsnæðisupplýsingar manntalsins 1. desember 1950 voru, ásamt öðrum
manntalsupplýsingum, teknar á vélspjöld haustið 1952, en því miður hefur
dregizt að vinna spjöldin og ganga frá handriti húsnæðisskýrslna 1950. Ollu
því aðallega miklar annir við stofnsetningu Þjóðskrárinnar og ofhleðsla
skýrsluvéla í því sambandi.
Þorsteinn Þorsteinsson, fyrrverandi hagstofustjóri, var enn við Hagstofuna,
er manntalið 1950 var tekið, og sá hann því um framkvæmd þess, þ. á. m. um
öflun húsnæðisupplýsinganna. Hann lét af forstöðu Hagstofunnar í árslok 1950,
en tók eftir ósk hennar að sér úrvinnslu manntalsins og samningu væntanlegra
hagskýrslna með niðurstöðum þess. Samkvæmt því skipulagði hann á sínum
tíma töku manntalsupplýsinga 1950 á vélspjöld, og hann hefur síðan unnið að
þessum málum með aðstoð sérfræðings Hagstofunnar í skýrsluvélastörfum.
Er þetta mikið verk, þó að sjálf úrvinnslan sé nú að mestu framkvæmd í vélum.
Þorsteinn Þorsteinsson hefur séð algerlega um tilhögun Húsnæðisskýrslna
1950 og samið yfirlitið framan við töfludeild þeirra, en flestar töflurnar í
henni voru gerðar á Hagstofunni undir umsjón hans.
Hagstofa íslands, í júní 1956.
Klemens Tryggvason.