Tímarit hjúkrunarfræðinga - 01.04.2012, Blaðsíða 20
Tímarit hjúkrunarfræðinga – 2. tbl. 88. árg. 201216
Herdís Gunnarsdóttir, herdisgu@landspitali.is
ÍMYND OG ÁHRIF HJÚKRUNARFRÆÐINGA
Haustið 2011 hófst umfangsmikið verkefni hjá Félagi íslenskra hjúkrunarfræðinga
(FÍH) að frumkvæði formanns FÍH, Elsu B. Friðfinnsdóttur. Verkefnið lýtur að
skipulagi, ímynd, áhrifum og kjaramálum okkar. Meginmarkmið þess er að halda
í heiðri tilgangi félagsins og skila okkur félagsmönnum enn öflugra og þróttmeira
félagi sem annast hagsmuni hjúkrunarfræðinga enn betur en áður.
Í lögum FÍH er kveðið á um að tilgangur
félagsins sé að vera málsvari hjúkrunar
og hjúkrunarfræðinga, standa vörð um
ímynd og sjálfstæði fagsins ásamt því
að efla stéttarvitund og gæta hagsmuna
félagsmanna. Þá skal félagið stuðla að
þróun hjúkrunar sem fræðigreinar og taka
þátt í alþjóðlegu starfi sem er stéttinni til
hagsbóta. Einnig skal FÍH semja um
kaup og kjör ásamt því að taka þátt í
stefnumótun um heilbrigðismál.
Grundvallarstarfsemi FÍH er því að vera í
senn fag- og kjarafélag hjúkrunarfræðinga
sem hefur það að markmiði að ná sem
mestum árangri innan þess ramma
sem lögin segja til um. Góður árangur
næst með góðu skipulagi, samvinnu
og samstöðu félagsmanna í lifandi
félagi. Stéttarfélög þurfa því að vera
vakandi fyrir hagsmunum félagsmanna
hverju sinni og bregðast við breytingum
í umhverfinu. Félag, þar sem forysta
þess og félagsmenn halda vöku sinni í
síbreytilegu umhverfi, er ekki staðnað
félag heldur lifandi og þróttmikið félag
sem blæs til sóknar.
Með þetta að leiðarljósi skipaði formaður
FÍH stýrinefnd úr hópi stjórnarmanna
FÍH og fékk nefndin það hlutverk að
undirbúa, skipuleggja og hrinda verkefni
í framkvæmd um skipulag félagsins og
ímynd, áhrif og kjör hjúkrunarfræðinga.
Stýrihópinn skipa Herdís Gunnarsdóttir,
sem jafnframt veitir hópnum forystu,
Elsa B. Friðfinnsdóttir, Gunnar Helgason,
Ragnheiður Gunnarsdóttir og Þórunn
Sævarsdóttir. Ráðgjafi hópsins er
Þórður Víkingur Friðgeirsson, lektor hjá
Háskólanum í Reykjavík.
Skipulag verkefnisins byggist á því
að innihald þess snertir beint þarfir
og hugsjónir hjúkrunarfræðinga sem
verkefnið er unnið fyrir. Til að móta
grundvöll verkefnisins vandlega voru hátt
í þrjátíu félagsmenn valdir til að taka
þátt í lokaðri forkönnun í október 2011.
Spurt var um átta flokka sem varða
hagsmuni stéttarinnar, svo sem kjaramál,
menntun, áhrif, starfsánægju, stéttar-
vitund, samskipti við lækna, framtíðar-
sýn, tækifæri og ógnir. Alls bárust um
200 svör frá þátttakendum og voru
þau flokkuð og síðan send aftur út til
forgangsröðunar með svokallaðri Delfí-
aðferð. Að lokinni forgangsröðun atriða
í sérhverjum framangreindum flokki stóð
eftir sameiginleg niðurstaða, 15 grund-
vallarspurningar sem hópurinn áleit
mikilvægastar fyrir hagsmuni stéttarinnar
í dag.
Til að ganga úr skugga um hvort
samhljómur væri á milli hinnar sameigin-
l egu niðurstöðu frá for könnun inni og vilja
félagsmanna sjálfra var gerð viðhorfs-
könnun í febrúar 2012. Könnunin var
þannig úr garði gerð að grund vallar-
spurningarnar 15 voru settar fram sem
fullyrðingar. Þátttakendur voru beðnir