Tímarit hjúkrunarfræðinga - 01.04.2012, Blaðsíða 52
Tímarit hjúkrunarfræðinga – 2. tbl. 88. árg. 201248
reynir að taka ekki nema nokkur viðtöl á
laugardögum og hámark sjö á hverjum
virkum degi. „Eftir það er ég orðin óhæfur
meðferðaraðili. Ég get tekið þrjú viðtöl í
einu en ekki meira. Þá þarf ég aðeins að
pústa. Þegar meðferðaraðili er kominn
með fleiri en sjö viðtöl á dag þá held ég
að hann sé bara að þurrausa sjálfan sig.
Þá þarf hann aðeins að kúpla sig út. Fólk
á að fá eins mikið út úr meðferðinni og
hægt er. Ég verð að geta hlustað á fólk,
það er svo margt sem ég þarf að fylgjast
með og taka eftir og ég þarf því að hafa
athyglina algjörlega í lagi.“
Það liðu þó nokkur ár áður en Dóra Dröfn
þurfti að huga að því að yfirbóka ekki.
„Ég byrjaði á að dreifa nafnspjöldum og
hringja í hjúkrunarfræðinga og geðlækna
sem ég þekkti, svona til að láta vita að
ég væri að hefja stofurekstur. Þegar ég
vann í heilsugæslunni vísuðu læknar þar
á mig en þá var ég í svo litlu starfshlutfalli
hér á stofunni. Svo þegar ég ákvað
að auka við mig ákvað ég einnig að
auglýsa.“ Hún lagði höfuðið í bleytu
og komst að þeirri niðurstöðu að best
væri að auglýsa í Fréttablaðinu því það
sé frítt og fer á hvert heimili. „Bæði
geðlæknar og hjúkrunarfélagið höfðu þá
sagt mér að ég mætti auglýsa mig sem
hjúkrunarfræðingur. Það mega læknar
ekki nema í upphafi rekstrar,“ segir Dóra
Dröfn. Viðtökurnar við auglýsingunum
hafa verið góðar.
Það er ýmislegt sem þarf að huga að
til þess að hefja stofurekstur. „Þetta er
ekkert smámál. Þegar ég opnaði stofuna
vildi ég hafa þetta eins fullkomið og
hægt er. Þetta á að vera mitt lifibrauð,
við þetta vil ég starfa. Þannig að ég
vil hafa alla hluti á hreinu. Ég talaði
við landlæknisembættið og ráðfærði
mig við geðlækni, lögfræðing og
hjúkrunarfélagið. Svo hafði ég samband
við nokkra geðhjúkrunarfræðinga, sem
reka stofu, til að fá ráð. Síðan þurfti
ég að kaupa húsgögn, tölvu, prentara,
nafnspjöld, reikninga og allt slíkt. Ég
kaupi líka þjónustu bókhaldara hér í
húsinu. Þannig að þetta hefur verið mikill
stofnkostnaður og tekur tíma að hrinda í
framkvæmd.“
Einnig þurfti Dóra Dröfn að ákveða hvernig
hún ætti að verðleggja þjónustuna. Ekki
er til verðskrá eins og fyrir göngudeild
eða heilsu gæslu og sjúkra tryggingar
niðurgreiða ekki gjaldið. „Ég ákvað að
fara eins langt niður og ég gat til þess að
getað rekið stofuna. Sumir meðferðar-
aðilar taka fimmtán þúsund krónur fyrir
tímann en það eru fáir sem hafa efni á
því. En sum stéttarfélög niðurgreiða hins
vegar. Allir fá kvittun og geta farið í sitt
stéttarfélag. Fólk er líka mjög ánægt að
það skuli ekki vera dýrara því fólk munar
um hverja krónu.“
Sjálfstæð vinna
Það hentar ekki öllum að standa í
atvinnurekstri en það veitir mikið frjálsræði.
Dóra Dröfn hvetur hjúkrunarfræðinga með
sérmenntun að íhuga að vinna sjálfstætt
ef þeir hafi áhuga á því. Henni finnst
hún hafa nægan grunn til þess. „Það
er allt hægt og bara að láta draumana
rætast. Ég er til dæmis með diplómanám
í hugrænni atferlismeðferð, hef langa
reynslu í geðhjúkrun og hef tekið fjölmörg
námskeið um geðhjúkrun. Þannig að það
er bara að láta til skarar skríða.“
Á vef tímaritsins er nú að finna nýja
útgáfu af leiðbeiningum til höfunda
ritrýndra greina. Gerðar hafa verið
ýmsar smá breytingar til þess að laga
leiðbeiningarnar að nýjustu útgáfu APA
Manual (birtingar hand bók Bandaríska
sálfræðinga félagsins). Leið beiningar
tíma ritsins um heimilda skráningu
byggjast á APAkerfinu.
Meginbreytingin er hins vegar að
hámarkslengd greinar hefur verið stytt.
Áður var mælst til þess að greinar
væru ekki lengri en 3.500 orð. Nú er það hámarksorðafjöldinn
fyrir flestar greinar. Greinar án tafla og mynda mega vera 5.000
orð eins og áður. Margir vilja skrifa í Tímarit hjúkrunarfræðinga
og er þessi breyting gerð til þess að fá pláss fyrir fleiri greinar
í hverju tölublaði.
Lesendur eru samt sem áður hvattir til þess að
senda inn handrit að fræðigreinum. Það er kappsmál
fyrir Tímarit hjúkrunarfræðinga að birta vel unnar
fræðigreinar sem hafa vísindalegt gildi fyrir hjúkrun.
Allar fræðigreinar, sem birtast í blaðinu, eru ritrýndar.
Til hafa verið ýmis hjálpargögn fyrir ritrýna en þau hafa
nú verið sett saman og skrifaðar nýjar leiðbeiningar um
ritrýni. Markmiðið er að samræma og bæta rýnina og
létta undir með þeim sem taka að sér að ritrýna.
Leiðbeiningum til höfunda fræðslugreina hefur ekki verið
breytt að sinni. Þó hefur vefsíðan um fræðslugreinar
breyst talsvert. Bætt hefur við leiðbeiningum um
frágang texta og einnig hafa verið settar inn nokkrir
pistlar um greinaskrif. Allir sem vilja skrifa greinar
í tímaritið eru hvattir til þess að kynna sér þessar
leiðbeiningar.
Leiðbeiningar til höfunda uppfærðar