Morgunblaðið - 19.09.2015, Qupperneq 49

TÓNLIST
Arnar Eggert Thoroddsen
arnareggert@arnareggert.is
Jaðarbundið R og B? Já það er til.
Frank Ocean, Miguel og The
Weeknd eru fín samtímadæmi um
þennan tiltölulega nýja geira eða
eigum við kannski frekar að segja
nýjar áherslur? Tónlist þessara
manna hljómar eins og Michael
Jackson hafi kíkt við í hljóðveri Joy
Division manna; hljómurinn er
dökkur, innhverfur og skuggum
bundinn, oft fremur berstrípaður.
Yfir flýtur svo söngur/tal lista-
mannanna og í stað glaðværra
rímna um kellingar og peninga
engjast menn um í eigin tilfinn-
ingaróti, skjóta út harmrænum og á
stundum afstrakt setningum ekki
ólíkum þeim sem Ian Curtis við-
hafði í árdaga.
Þríleikur
Kanye West setti um margt
tóninn hvað þessa þróun varðar
með magnaðri – og já, uppskrúf-
aðri verður að viðurkennast – plötu
sinni 808s & Heartbreak sem út
kom fyrir sjö árum síðan. Arfleifð
Skuggalegur The Weeknd semur drungalega tónlist fyrir drungalega veröld.
og aðferðafræði hennar birtist m.a.
í tónlist Kendrick Lamar, Earl
Sweatshirt og jafnvel Majical Clo-
udz (dáldið langsótt, ég veit. En...).
Sweatshirt, yfirlýstur Joy Division
aðdáandi, gaf í ár út plötuna I Don’t
Like Shit, I Don’t Go Outside en tit-
illinn lýsir þessari bylgju allri mjög
skemmtilega.
The Weeknd er listamannsnafn
tuttugu og fimm ára gamals To-
ronto-búa, Abel Tesfaye, en hann
vakti fyrst athygli fyrir þrjár
„blandspólur“ sem hann gaf út árið
2011, House of Balloons, Thursday
og Echoes of Silence. Þeim var
safnað saman á plötuna Trilogy
sem kom út haustið 2012 á vegum
Universal Republic (sama merki og
gefur Of Monsters And Men út) og
fór platan í fjórða sæti Billboard-
listans. Þrátt fyrir myrkt og óað-
gengilegt yfirborðið nýtur þessi
tónlist glettilegra vinsælda og hittir
unga, hugsandi stórborgarfólkið
beint í hjartastað.
Af hverju?
Kiss Land var svo fyrsta eig-
inlega hljóðversplata The Weeknd
en hún kom út í hitteðfyrra. Sú
plata fór beint í annað sæti Billbo-
ardlistans og Drake, granni hans
frá Toronto gestasöng. Beauty
Behind the Madness fór hins vegar
... ó já ... beint í fyrsta sætið og lögin
„Earned It“, „The Hills“ og sér-
staklega „Can’t Feel My Face“ hafa
notið mikilla vinsælda. Öll lögin
voru í þremur efstu sætum R og B
Billboardlistans á tímabili en það er
í fyrsta skipti sem slíkt hefur hent.
Af hverju þessar vinsældir,
kann einhver að spyrja? Við erum
vön því að grípandi, glaðvær popp-
lög eða stuðvænir rokkarar nái eyr-
um fjöldans en nú er það drungaleg
þunglyndistónlist. Ekki að slíkt sé
nýmæli í sögunni, um miðjan ní-
unda áratuginn nutu alvarlegir
popparar eins og Peter Gabriel, U2
og Sting mikilla vinsælda sem og
baritónbundnar söngkonur á borð
við Suzanne Vega og Tracy Chap-
man (og í dag, Lana Del Ray).
Engin svör
The Weeknd hefur reyndar
verið að dansa við poppdjöfulinn í
fölu mánaskini að undanförnu.
Hann átti lag í 50 Shades of Grey,
Max Martin semur með honum
„Can’t Feel My Face“ og svo var
hann gestur hjá Ariana Grande á
dögunum. Þannig að hann er ekki
alveg að koma inn á vinsælda-
listana eins og skrattinn úr sauð-
arleggnum. Og hjálparkokkarnir
eru allir „réttir“. Guðfaðirinn Ka-
nye er á plötunni, sálarsystirinn
Lana Del Rey og sjálfur Ed Sheer-
an er þarna líka, sem er nokk ótrú-
legt. En þó að þessar meg-
instraumsfígúrur séu að sverma í
kringum okkar mann er tónlistin
jafn laus í skorðum og fyrr.
Ég sé núna að mér er ekki að
takast að svara spurningunni um
þessar ægivinsældir. Ég læt hana
því lafa. Firrt tónlist fyrir firrtan
heim. Einhver?
» Af hverju þessarvinsældir, kann ein-
hver að spyrja? Við er-
um vön því að grípandi,
glaðvær popplög eða
stuðvænir rokkarar nái
eyrum fjöldans en nú er
það drungaleg þung-
lyndistónlist.
Fegurðin ein
 Tónlistarmaðurinn The Weeknd
gefur út Beauty Behind The Madness
 Spúlað allhressilega úr sálarkytrunni
MENNING 49
MORGUNBLAÐIÐ LAUGARDAGUR 19. SEPTEMBER 2015
Haraldur Ingi Haraldsson mynd-
listarmaður opnar í dag, laug-
ardag, klukkan 14 vinnustofusýn-
ingu í Sýningarsal Myndlista-
félagsins í Listagilinu á Akureyri
undir nafninu Codhead Xl.
Á sýningunni má sjá málverk
frá síðustu árum unnin með
blandaðri tækni á pappír. Cod-
head er heimur þar sem jakka-
fataklætt fólk með bindi og þorsk-
haus sinnir margvíslegum
viðfangsefnum í umhverfi sem
skilgreinir heiminn. Í tilkynningu
frá listamanninum segir að Cod-
head sé samstofna orðinu God-
head og á einhvern hátt nánast
sama orðið. Þorskdómur og guð-
dómur.
„Ég hef fengist við Codhead
síðan 2000 og þetta er pólitísk list
og fjallar að hluta til um heim-
speki rándýrsins,“ segir Haraldur.
Pólitík Hluti eins verkanna á sýningunni.
Codhead Haraldar
Inga á Akureyri
Efnt verður til málþings, um geð-
kvilla og aðra andlega sjúkdóma, í
Þjóðleikhúsinu að lokinni sýningu á
leikritinu 4.48 Psychosis eftir breska
leikskáldið Söruh Kane á morgun,
sunnudag. Leikritið er nú sýnt í Kúl-
unni í Þjóðleikhúsinu þar sem leik-
konan Edda Björg Eyjólfsdóttir fer
ein með textann. „Markmiðið með
málþinginu er að opna umræðuna
um andlega sjúkdóma og skoða það í
samhengi þessa merkilega leik-
húsverks en höfundurinn, Sarah
Kane, svipti sig lífi árið 1999 eftir að
hafa klárað að skrifa leikritið sem
margir kalla hennar hinstu kveðju til
leikhússins,“ segir m.a. í tilkynn-
ingu. Þátttakendur, auk Eddu
Bjargar, eru Héðinn Unnsteinsson,
höfundur bókarinnar Vertu úlfur,
Margrét Manda Jónsdóttir, hjúkr-
unarfræðingur, Anna Sigríður Páls-
dóttir prestur og María Einisdóttir,
framkvæmdastjóri geðsviðs Land-
spítalans. Símon Birgisson, drama-
túrg í Þjóðleikhúsinu, mun stjórna
umræðum með listrænum stjórn-
endum sýningarinnar og áhorf-
endum. Málþingið hefst kl. 19.45, að
lokinni sýningu á 4.48 Psychosis sem
sýnd er kl.18, og verður haldið í
Þjóðleikhúskjallaranum. Málþingið
er öllum opið.
Edda Björg hefur fengið mikið
hrós fyrir leik sinn í verkinu. „Það er
langt síðan ég hef orðið vitni að jafn
ótvíræðum leiksigri og þessum,“
skrifaði rýnir Morgunblaðsins.
Geðveikin í leikhúsinu
Átök Edda Björg Eyjólfsdóttir í
uppfærslunni á 4.48 Psychosis.
Um helgina lýkur í Listasafni Reykjavíkur, Hafnarhúsi,
sýningunni Áfangar með verkum hins heimskunna
bandaríska myndlistarmanns Richard Serra. Á sýning-
unni eru teikningar og grafísk verk sem Serra gerði í
tengslum við umhverfislistaverkið Áfanga sem hann
gerði í Viðey árið 1990. Að auki eru sýnd myndbands-
verk af uppsetningu verksins og viðtal við listamanninn.
Áfangar er umhverfislistaverk úr stuðlabergi sem
leggur undir sig alla Vestureyju Viðeyjar og setur sterk-
an svip á ásýnd hennar og umhverfi. Á sýningunni í
Hafnarhúsi eru 19 teikningar sem Serra gerði af Áföng-
um árið 1990 með olíukrít á pappír og gaf Listasafni Íslands. Auk þeirra
eru 30 grafísk verk, ætingar og þrykk, frá 1991 sem eru í eigu Landsbank-
ans. Myndlistarrýnir Morgunblaðsins segir Áfanga í Viðey „bjóða upp á
reynslu þar sem tvinnast saman list og náttúra. Kraftmiklar ætingar Serra
í Hafnarhúsinu túlka sterkar kenndir í þá veru.“
Sýningunni með verkum Serra að ljúka
Richard Serra
Tónlistarkennarinn og tónskáldið Charles Ross verður
heiðraður á tónleikum á Skriðuklaustri í dag, laugar-
dag, en hann varð fimmtugur fyrr á árinu. Kammerhóp-
urinn Stelkur kemur fram á tónleikunum og flytur vel
valin verk eftir Charles.
Tónleikarnir hefjast kl. 16, segir í tilkynningu, í kjöl-
far Melaréttar, og er aðgangur ókeypis. Gestir eru sagð-
ir geta notið í leiðinni innsetningar í gallerí Klaustri sem
kallast dogger og byggist á doktorsverkefni Charles í
tónsmíðum.
Tónleikarnir eru liður í dagskrá sem Tónlistarmiðstöð
Austurlands, Gunnarsstofnun og fleiri aðilar standa að í tilefni 50 ára af-
mælis Charles Ross sem hefur auðgað austfirskt tónlistarlíf í tæp 30 ár.
Dagskráin nýtur styrks frá Uppbyggingarsjóði Austurlands. Henni lýkur
um miðjan október með tónleikum í Eskifjarðarkirkju með annarri efnis-
skrá.
Charles Ross heiðraður á Skriðuklaustri
Charles Ross
EVEREST 3D 2,5,8,10:30
MAZE RUNNER 6,9
NO ESCAPE 8, 10:15
ABSOLUTELY ANYTHING 4, 6
FRUMMAÐURINN 2
SKÓSVEINARNIR 4
INSIDE OUT 1:45
LAUGARÁSBÍÓ Sýningartímar
Miðasala og nánari upplýsingar
TILBOÐ KL 2
TILBOÐ KL 2
TILBOÐ KL 1:45
FRÁBÆRA, ÓVIÐJAFNANLEGA
söngkonan og
skemmtikrafturinn
L E O N C I E
vill skemmta um allt land,
í alls kyns mannfögnuðum
og skemmtunum með alla
sína helstu bestu smelli.
(Aðeins á opinberum
stöðum, eins og félags-
heimilum, hótelum,
klúbbum o.sv.).
Sími 854 6797
leonciemusic@gmail.com
www.youtube.com/icyspicyleoncie
Facebook/leoncie.india