Skólavarðan - 01.08.2004, Blaðsíða 10
10
Um 60 km suður af höfuðborginni
Havana er Raul Diaz Argüelles Garcia
framhaldsskólinn. Hann tilheyrir
Havana héraði (La Habana) sem getur
státað af 50 sambærilegum framhalds-
skólum. Undirritaður fór í heimsókn
í skólann þann 17. júní síðastliðinn í
fylgd fulltrúa frá vinafélagi Kúbu og
Norðurlanda og íslenskum ferðafélög-
um. Verður nú gerð grein fyrir því sem
fyrir augu bar, ásamt því að varpa ljósi
á kennsluhætti og framhaldsmenntun
á Kúbu.
Rúman klukkutíma tekur að keyra frá
miðborg Havana til Raul Diaz framhalds-
skólans. Á leiðinni tóku ungt par og eldri
hjón sér far með okkur, en algengt er á
Kúbu að farartæki séu samnýtt á þennan
hátt. Má í raun segja að það sé borgaraleg
skylda að leyfa samborgurum sínum að
fljóta með, þ.e. ef þeir eru á sömu leið og
maður sjálfur. Slíkt hefur færst í vöxt eftir
að skórinn fór að kreppa með hruni Sovét-
ríkjanna, en þá hætti ódýr olía að streyma
til Kúbu. Nú er þess vegna mikill olíuskort-
ur og ekki bætir viðskiptabann Banda-
ríkjanna úr skák í þeim efnum. Í tíð Bush
stjórnarinnar hefur verið hert enn frekar
á viðskiptabanninu og mega t.a.m. Kúb-
anir búsettir í Bandaríkjunum ekki lengur
senda peninga heim til Kúbu, en peninga-
sendingar sem þessar mynda stærri hluta
af gjaldeyristekjum landsins en ferða-
mannaiðnaðurinn.
Che Guevara hannaði framhaldsskóla-
kerfið
Þegar við komum á leiðarenda tók
skólastjórinn á móti okkur og fylgdum við
honum inn á skrifstofu hans þar sem við
vorum leiddir í allan sannleik um starfsemi
skólans og sögu. Hann sagði okkur að Raul
Diaz framhaldsskólinn væri svokallaður
preuniversitario sem þýða mætti sem for-
háskóli og samsvarar fyrstu tveimur árum í
framhaldsskóla á Íslandi.
Á Kúbu eru tvær tegundir af for-háskól-
um, hér eftir nefndir framhaldsskólar: Ann-
ars vegar Institutos Preuniversitarios en el
Campo (IPUEC), eða framhaldsskóli úti á
landi, og hins vegar Institutos Preuniversit-
FRAMHALDSSKÓLAR Á KÚBU
SKÓLAVARÐAN 6.TBL. 4. ÁRG. 2004
CUBA
Havana
Nám og jarðyrkja í anda Pestalozzis
Jón Ingvar Kjaran