Skólavarðan - 01.08.2004, Blaðsíða 20

20
SUMARNÁMSKEIÐ NLS
SKÓLAVARÐAN 6.TBL. 4. ÁRG. 2004
Norrænu kennarasamtökin stóðu fyrir
námskeiði fyrir 140 félaga sína dag-
ana 29. júní til 3. júlí sl. Það var haldið
í Röros í Noregi sem er gamall kopar-
námubær frá árinu 1646 og friðaður af
UNESCO. Frá Kennarasambandi Íslands
fóru tólf manns, deilt eftir félagatali
hvers félags eins og frá hinum Norður-
löndunum.
Yfirskrift og þema námskeiðsins var
um faglega siðvitund og lýðræðisþróun.
Jafnt í faglegum fyrirlestrum og verklegri
úrvinnslu þátttakenda var lýðræði efst á
baugi.
Fyrsta daginn var rætt um siðfræði í
félagslegri samvinnu, hvaða gildi væru
mikilvæg, og var vitnað í heimspekinga
nútímans og allt aftur til Aristótelesar sem
lagði hamingju og dyggð til grundvall-
ar fagvitund. Uppalendur ættu að koma
auga á það sem ekki getur verið öðruvísi
og finna ávallt hinn gullna meðalveg til
lausna. Sjálfsþekking er nauðsynleg til
þess að hægt sé að hjálpa öðrum að finna
sjálfan sig ásamt yfirsýn og að hafa ávallt
sannleikann að leiðarljósi. Gagnkvæmt
traust þarf að ríkja og útsjónarsemi til
að meta aðstæður. Að sjá aðra sem mikil-
væga samferðarmenn til að auðga fagvit-
und og þátttaka allra er jafngild, burtséð
frá aldri, kyni, stöðu eða öðru. Samvinna
sé án þvingana og ganga skal í málin hér
og nú. Uppeldi er blanda af mati og fram-
kvæmd og virði gildir meir en verknaður.
Fyrst er umhugsun og mat, síðan kemur
verknaður. Virðing verður að vera fyrir
öllum einstaklingum og áríðandi að forð-
ast mismunun. Hjálpin kemur með auð-
mýkt en ekki með því að ríkja yfir. Hvað
treystir eða særir? Hvaða umhverfisáhrif
eru sterk?
Grundvallargildi í kennslu og uppeldi
eru menntun, nytsemi, frjáls leikur, inn-
lifun og ábyrgð. Réttur allra er lýðræði,
andrými, álit, frelsi, virðing, vernd, skjól
og jafnrétti. Gildi sem keppt er að eru ár-
angur og samverkan. Dulin gildi eru að fá
skólaárið til að ganga.
Það er hlutverk stéttarfélagsins og á
ábyrgð þess að:
• Koma af stað umræðum um grund-
vallargildi.
• Gera félagana meðvitaða um grund-
vallargildi.
• Verja grundvallargildin fyrir samfélag-
inu og öllum samstarfsfélögum.
Síðari hluta dagsins fór fram úrvinnsla
þátttakenda á mjög lýðræðislegan hátt
sem var í stórum dráttum eftirfarandi:
• Þátttakendur sem þess óskuðu lögðu
fram hugmynd um málefni sem þeir vildu
vinna nánar með.
• Skráðu hana inn á tíma- og staðart-
öflu.
• Aðrir þátttakendur merktu sig inn í
umræðuhópa sem þeir vildu helst vera í.
• Sá sem lagði fram spurninguna leiddi
samtalið í 25 mín. og eftir uppskiptingu í
samræðuhópum með nýjum viðmælend-
um aftur í 25 mín.
• Einn úr hópnum var valinn sem skrá-
setjari.
• Allir segja sína meiningu um spurning-
una í upphafi leiks.
• Umræður.
Annað umræðuefni var „skóli fyrir
alla“. Í Skandinavíu eiga menn lengri sögu
innflytjenda en á Íslandi og mörkuðust
fyrirlestrar af reynslu í samskiptum manna
frá ólíkum menningarheimum og mis-
munandi í útliti. Fjallað var um virðingu
fyrir margbreytileikanum og hvað það
þýðir frá ólíkum sjónarhornum. Geta má
þess að einn fyrirlesarinn, Loveleen Rihel
Brenna indverskættuð, en fædd og uppal-
in í Noregi og menntuð sem uppeldis- og
sálfræðingur, ræddi efnið út frá eigin upp-
eldi og samskiptum við fjölskyldu annars
vegar og út á við hins vegar. Efni hennar
vakti mikla athygli og verður ekki nánar
lýst hér. En Loveleen kemur til Íslands 14.
september nk. og verður þá með fyrirlest-
ur á vegum Skólamálaráðs KÍ, nánar aug-
lýst er nær dregur.
Framlag tónlistarkennarans Per Oddvar
Hildre sem leiddi alla þátttakendur nám-
skeiðsins saman í söng og leik undir djass-
aðri stjórn var frábært sameiningartákn.
Með gleði sinni og músíkalskri snilli tókst
Per Oddvar að senda okkur heim með
tóna og texta rígfesta í hugann svo minn-
ingin um sumarnámskeiðið í Röros vekur
upp gleði og samkennd. Íbúar Röros veittu
einnig innsýn í rótgróinn menningarheim
staðarins og buðu upp á þjóðlega tón-
leika, söng og margskonar hljóðfæraleik.
Helga Magnúsdóttir
Meira efni frá námskeiðinu er væntanlegt
og verður birt á www.ki.is og í næstu
Skólavörðu.
Sumarnámskeið NLS í Noregi 29. júní til 3. júlí 2004
Fagleg siðvitund og lýðræðisþróun
Sjálfsþekking er nauðsynleg til þess að hægt sé að hjálpa
öðrum að f inna sjálfan sig ásamt yf irsýn og að hafa ávallt
sannleikann að leiðarljósi. Gagnkvæmt traust þarf að ríkja
og útsjónarsemi til að meta aðstæður.
Ljósmyndir: Björk Helle Lassen