Skólavarðan - 01.08.2004, Síða 15
15
Evrópu, hafa verið einstaklega duglegir
að fylgjast með nýjum útgáfum svo að
nú eru áberandi upprunalegar útgáfur
af barokkverkum í Suzuki-litteratúrnum.
Þær eru aðlagaðar að Suzuki-aðferðinni
og þetta finnst mér mjög skemmtilegt.
Það er reyndar ekki búið að samræma
þetta alls staðar. Suzuki lést í hárri elli
1999 en á meðan hann lifði þorði eigin-
lega enginn að hrófla við efninu hans.
Eftir að hann féll frá fór fólk smám saman
að nota aðrar útgáfur, upprunaleg boga-
strok og fingrasetningar. Fleiri og fleiri
leyfa sér þetta núorðið. Með því að fara á
námskeið og fylgjast með kennurum fær
maður nýjar hugmyndir sem maður miðl-
ar til nemenda sinna og annarra kennara.
Mér finnst við Íslendingar vera mjög fram-
arlega og opnir fyrir nýjungum. Við erum
alltaf tilbúin að taka á móti nýjum straum-
um og prófa. Svo getum við lært svo mikið
hvert af öðru og ekki bara Suzuki-kennur-
um. Það er mikilvægt að fylgjast vel með
því sem er að gerast hjá hefðbundnum
kennurum líka því alls staðar eru fínir og
færir kennarar. Ég hvet nemendur mína
til að prófa það sem þá langar til að prófa
því það er eina leiðin til að komast að því
hvort það virkar.“
Of lítið fé til tónlistarskóla
Enginn mótmælir því að mikilvægt sé
að halda uppi öflugri tónlistarmenntun og
þá vaknar sú spurning hvort nægu fé sé
varið til tónlistarskólanna á Íslandi?
„Fjárveitingum til tónlistarnáms er vel
varið en það fer of lítið fé til tónlistarskól-
anna, í það minnsta hér í Reykjavík. Þótt
heildarupphæðin sem fór í þennan mála-
flokk í fyrra hafi hljóðað upp á hundruð
milljóna króna þá er hún einfaldlega of
lág því langir biðlistar eru eftir skólavist
í flestum tónlistarskólum. Nú vitum við
ekki hver niðurstaðan verður í ár, mér
skilst að óvíst sé hvort úthluta eigi nema
90% af þeirri upphæð sem var úthlutað í
fyrra. Hvað á að verða um 10% nemend-
anna?" spyr Lilja og bætir við: „Því miður
er það svo að þegar Reykjavíkurborg veit-
ir nýjum skólum styrk þá er klipið af þeim
sem fyrir eru. Og annað vandamál er að
Reykjavíkurborg tók þá einhliða ákvörðun
að borga ekki með nemendum úr öðrum
sveitarfélögum. Það hefur orðið til þess að
nemendur utan af landi sem eru í fram-
haldsnámi hafa í sumum tilfellum þurft að
hætta námi.“
Skóli án landamæra
Suzuki-tónlistarskólinn Allegro hefur
mikla sérstöðu og er ekki bundinn við eitt
sveitarfélag þótt hann starfi inn marka
Reykjavíkurborgar. Nemendurnir koma
hins vegar frá mörgum öðrum sveitarfélög-
um, þar má nefna Hafnarfjörð, Kópavog,
Garðabæ, Hveragerði, Seltjarnarnes og
Borgarbyggð. Lilja segir að dæmi séu um
foreldra sem keyra tugi, jafnvel hundruð
kílómetra til að sækja tíma. Hvernig koma
þessi sveitarfélög á móts við sitt fólk?
„Sum þeirra bjóða ekki upp á Suzuki-
kennslu vegna þess að þau hafa ekki
Suzuki-kennara innan sinna vébanda,
en svo eru kannski margir foreldrar og
börn á þessum stöðum sem vilja komast í
Suzuki-nám og leita til okkar. Þess vegna
er mjög mikilvægt að sveitarfélögin séu
opin og jákvæð gagnvart þessari aðferð.
Hún skilar góðum árangri, ekki bara í
meiri hæfni til að spila heldur eru sam-
skipti við foreldrana mikilvæg. Flest sveit-
arfélög leysa þetta farsællega með því að
greiða kostnaðinn með nemendum, sem
koma til okkar, eins og þau myndu gera
ef þeir væru í tónlistarskóla heima hjá sér.
En til eru dæmi um sveitarfélög sem telja
þetta óþarfa og neita að borga með nem-
endum.“
Sjálfstæði skóla eins og þíns hlýtur að
vera afar mikilvægt þar sem hann er ekki
hluti af því hefðbundna kerfi tónlistar-
skóla sem sveitarfélögin reka.
„Það er rétt að við erum ekki hluti af
kerfinu en þó vil ég undirstrika að við
erum hluti af tónlistarlífinu á Íslandi. Við
erum í raun og veru eins og hver annar
tónlistarskóli, við byrjum bara öðru vísi.
Við erum með yngri hljóðfæranemendur
en aðrir og þáttur foreldra í náminu er
meiri.“
gg
SKÓLAVARÐAN 6.TBL. 4. ÁRG. 2004
Suzuki-æfingabúðir
Undanfarin fjórtán sumar hefur Lilja og
hópur fiðlukennara haldið sumarnám-
skeið í Skálholti.
Því miður er það svo að þegar Reykja-
víkurborg veitir nýjum skólum styrk þá
er klipið af þeim sem fyrir eru.
SUZUKI-NÁM
Ljósmynd: Kristinn Örn Kristinsson
Ljósmynd: Kristinn Örn Kristinsson