Skólavarðan - 01.02.2005, Blaðsíða 5

5
GESTUR SKÓLAVÖRÐUNNAR
SKÓLAVARÐAN 1.TBL. 5. ÁRG. 2005
Skólavarðan knúði dyra hjá Þorgerði
Katrínu Gunnarsdóttur menntamála-
ráðherra til að leita svara við spurning-
um sem vakna við lestur skýrslunnar
Breytt námsskipan til stúdentsprófs -
aukin samfella í skólastarfi. Skýrslan er
afrakstur vinnu verkefnisstjórnar ráðu-
neytisins og þriggja starfshópa, en í
þeim hafa fulltrúar FF átt sæti.
Ákveðið í ríkisstjórn að stytta
námstíma til stúdentsprófs
Ráðherra staðfesti að sú ákvörðun hefði
verið tekin í ríkisstjórn að stytta námstíma
til stúdentsprófs úr fjórum árum í þrjú og
vinna áfram á grundvelli skýrslunnar.
„Það kemur fram í skýrslunni að þetta
er ekki ný hugmynd. Hún hefur verið í
deiglunni í rúman áratug,“ sagði Þorgerð-
ur Katrín sem er í miðju kafi við að heim-
sækja framhaldsskóla landsins til að kynna
framkvæmd styttingarinnar. Hún hafði
heimsótt um þriðjung þeirra þegar viðtalið
fór fram og sagðist ætla að fara í þá alla
28, á næstunni. Hún sagði að spennandi
tímar væru framundan og lagði áherslu á
að sér þætti gott að koma á fund kennara
og að margar þarfar ábendingar hefðu
þegar komið frá þeim.
„Allir sem kallaðir hafa verið til þess-
ara verkefna hafa verið boðnir og búnir
að taka þátt og leggja sitt af mörkum til
að þessi breyting verði sem best úr garði
gerð,“ sagði Þorgerður Katrín. „Og þrátt
fyrir tafir er stefnt að því að endurskoðun
aðalnámskráa ljúki á þessu ári. Verkefnis-
stjórar hafa verið skipaðir og eru um það
bil að hefja störf.“
Víða í skýrslunni er sagt frá breyting-
um sem augljóslega kosta mikið fé, eins
og endurmenntun kennara og námsefnis-
gerð. Að sögn ráðherra er gert ráð fyrir
fjármagni í allt þetta ferli.
Tímabært að endurskoða námskrár
-Sú ákvörðun að stytta námstíma til stúd-
entsprófs er umdeild innan skólasamfé-
lagsins. Viðhorfskönnun á vegum FF segir
að tveir af hverjum þrem kennurum í fram-
haldsskólum séu mótfallnir styttingunni.
Hver eru helstu rökin fyrir því að fara út í
þessa stóru breytingu á skólakerfinu?
„Miðað við þau skref sem við höfum
stigið í skólakerfinu á undanförnum árum
er þetta eðlilegt framhald. Það er búið
að lengja skólaárið á báðum skólastigum
og þar með hefur myndast svigrúm til að
þétta námið, einkum á mótum grunn- og
framhaldsskóla, og minnka endurtekn-
ingar.
Allar þjóðirnar í ESB útskrifa sína stúd-
enta átján eða nítján ára og við berum okk-
ur saman við þær. Það er bara eðlilegt. En
sumt hentar íslenskum veruleika og annað
ekki. Samanburðurinn við aðrar þjóðir er
ekki ástæða þessara breytinga en hann er
vísbending.
Síðustu námskrár voru gerðar 1999 og
þótt við hefðum ekki farið út í styttinguna
er engu að síður kominn tími til að endur-
skoða þær. Ég vil undirstrika að við erum
ekki að gjörbylta kerfinu, frekar að byggja
á því sem fyrir er. Um leið og við endur-
skoðum námskrárnar notum við tækifær-
ið til að huga að öðrum þáttum. Ég met
Skólakerf ið á að vera í
sífelldri endurskoðun
l f i í
íf ll i
Viðtal við Þorgerði Katrínu Gunnarsdóttur menntamála-
ráðherra um styttingu námstíma til stúdentsprófs