Skólavarðan - 01.02.2005, Blaðsíða 6

6
SKÓLAVARÐAN 1.TBL. 5. ÁRG. 2005
það svo að með styttingunni nýtum við
tíma nemenda betur.“
Ekki verið að rýra gildi
stúdentsprófs heldur styrkja það
-Kennarar óttast að náminu hraki frá því
sem nú er. Hvernig er hægt að tryggja að
gæði stúdentsprófs verði jafn mikil eða
meiri um leið og einingum til þess er fækk-
að?
„Ég lít svo á að tækifæri gefist í námskrár-
vinnunni til að huga að nýbreytni og þétta
námið. Ég er sannfærð um að þetta er
rétta leiðin og við erum ekki að rýra gildi
stúdentsprófsins með þessu, þvert á móti
erum við að styrkja það.“
-Hvers vegna eru þessar breytingar gerðar
svona hratt
„Hver lítur sínum augum á tímann. Ég
var undrandi á því að þetta gæti ekki gerst
hraðar en þetta góða og vana fagfólk, sem
vann að gerð skýrslunnar, benti á að þetta
þyrfti að fá langan tíma og mikilvægt væri
að vanda mjög vel til verksins. Við teljum
að við séum að því og að tímaramminn sé
mjög rúmur. En ég tek það skýrt fram að
ekki er verið að þrýsta þessum breytingum
í gegn.“
Starfshópur um framtíðarskipan
kennaramenntunar
-Úr því að færa á námsefni milli skólastiga
hefði þá ekki þurft að byrja á því að auka
fagmenntun kennara í efstu bekkjum
grunnskólans?
„Ég held að mikilvægt sé að við höld-
um áfram með verkefnið á grundvelli
skýrslunnar en það verður lögð áhersla á
endurmenntun kennara í efstu bekkjum
grunnskólans strax. Fjármagn hefur verið
sett í sjóð til endurmenntunar þeirra sem
munu kenna í 9. og 10. bekk 2006- 2007.
Þannig verður tryggt að nemendur fái þá
kennslu sem þeir þurfa til að standast kröf-
ur sem gerðar eru til þeirra í framhaldsskól-
unum samkvæmt nýja fyrirkomulaginu.
Umræða um endurbætur á kennara-
menntuninni er þegar farin af stað og þar
kemur fleira en eitt til. Ég vil til dæmis
nefna PISA-könnunina en hún er ekki það
eina.
Mér þykir ánægjulegt að geta þess að
ég hef átt mjög góðan fund með Eiríki
Jónssyni formanni KÍ þar sem ákveðið var
að skipa hóp um framtíð kennaramenntun-
ar í landinu. Sigurjón Mýrdal mun veita
hópnum forstöðu en að honum koma auk
ráðuneytisins Kennarasambandið, sveitar-
félögin og Kennaraháskóli Íslands. Mér
finnst mjög mikilvægt að vel takist til í
þessu máli og það gleður mig að allir sem
að því koma hafa mjög mikinn metnað til
að gera eins vel og hægt er.
Ég held að skipan þessa hóps sé góðs
viti í ljósi þess sem gerðist á síðastliðnu
hausti. Nú tökum við höndum saman um
að bæta kennarastarfið og um leið skóla-
starf í landinu.“
Erfiðu vandamálin ekki skilin út undan
-Skýrslan fjallar um stúdentspróf af bók-
námsbrautum en skautað er yfir stærstu
vandamálin í íslenskum framhaldsskól-
um. Þar má til dæmis nefna: Brottfall,
almennu brautina, menntastefnu um fjar-
nám og dreifkennslu, fjölgun skilgreindra
námsleiða í framhaldsskólum og nemend-
ur sem ekki eiga íslensku að móðurmáli.
Hvað stendur til að gera í þessum málum?
„Ég er einfaldlega ekki sammála því að
skautað sé yfir þau. Við erum að leysa þau
á öðrum vettvangi í kerfinu.
Í sambandi við brottfallið vil ég nefna
að það hefur minnkað mikið og er núna
10-12% í hefðbundnum dagskóla. Það
sem hækkar þetta frávik er brottfall í fjar-
námi og kvöldskólum. Þar erum við að
berjast við mun meira brottfall og það er
erfitt viðfangs. Fólk sem komið er af skóla-
aldri sækir mjög stíft á þessar námsleiðir
og nemendum fjölgar mjög mikið. Þetta
leiðir af sér aðrar spurningar og önnur
viðfangsefni. Þarna eru vaxtaverkir sem
takast þarf á við. Auk þess er álitið að stytt-
ingin geti orðið til þess að minnka brott-
fallið enn frekar.
Þú nefndir almennu brautina. Okkur
hér í ráðuneytinu þykir gott að fá að koma
því á framfæri að það er stefna okkar að
efla almennu brautirnar og leitast við að
fá fleiri skóla til að taka þær upp. Það er
verið að vinna í málum almennu braut-
anna og við viljum undirstrika mikilvægi
þeirra því þær hafa gefist mjög vel. Það
er komið að því að endurskipuleggja þær
í ljósi reynslunnar og þær gagnlegu ábend-
ingar sem ég hef fengið frá kennurum í
heimsóknum mínum eru ómetanlegar í þá
vinnu.
Að efla fjarnám og dreifkennslu verður
viðvarandi verkefni. Ég held að við stönd-
um okkur þokkalega, reyndar mjög vel á
þessu sviði, miðað við þá miklu fjölgun
nemenda sem er í fjarnámi. Mikilvægi fjar-
náms er af tvennum toga, annars vegar er
það öflugt menntunartæki og hins vegar
til að efla byggðir í landinu. Fjölbrauta-
skóli Snæfellinga er gott dæmi um þetta
síðarnefnda.“
-Nemendur úr starfsnámi með viðbót-
arnám til stúdentsprófs komu að lokuð-
um dyrum í Háskóla Íslands í haust. Hvað
stendur til að gera til að styrkja stöðu
þessa prófs?
„Það er lykilatriði að auka áhuga á
starfs- og iðnnámi, reyna að breyta hug-
arfarinu til þess og fjölga nemendum sem
velja þær leiðir. Þetta stúdentspróf er ein
leiðin til að ná því markmiði. Ég er hins veg-
ar afar ósátt við hvernig háskólarnir tóku
á þessu máli. Það er alveg skýrt í mínum
huga að þetta stúdentspróf á að vera jafn-
gilt öðrum stúdentsprófum. Það er óviðun-
andi að nemendur af starfsmenntabraut-
um standi frammi fyrir öðrum veruleika
en þeir sem taka stúdentspróf af bóknáms-
brautum. En ég vil benda á að nemendurn-
ir sem gengu á veggi í haust hafa allir feng-
ið úrlausn sinna mála og komist í það nám
sem þeir óskuðu eftir.“
Þorgerður Katrín var að fara til Ísafjarð-
ar á fund kennara þegar við kvöddumst
en lokaorð hennar voru: „Það er skylda
hvers menntamálaráðherra að vera með
skólakerfið í sífelldri endurskoðun. En það
á ekki að breyta einungis til að breyta. Það
verður að gera að vandlega yfirveguðu
ráði. Ef ég tæki ekki þetta skref núna væri
ég ekki að fylgja þeirri skoðun eftir.“
Guðlaug Guðmundsdóttir
Ég er sannfærð um að þetta er rétta leiðin. Við
erum ekki að rýra gildi stúdentsprófsins, þvert á
móti erum við að styrkja það.
GESTUR SKÓLAVÖRÐUNNAR