Skólavarðan - 01.02.2005, Qupperneq 12

12
LÍFEYRISSJÓÐUR
SKÓLAVARÐAN 1.TBL. 5. ÁRG. 2005
Í nýjum kjarasamningi grunnskólakenn-
ara er viðbót við lífeyrisréttindi í LSR,
þ.e. kjarasamningsbundið mótframlag
launagreiðanda í séreignarsjóð. Þessar
breytingar gefa grunnskólakennurum
tækifæri til að yfirfara lífeyrismál sín
og verða sér meðvitaðri um lífeyrisrétt-
indi. LSR er lífeyrissjóður kennara og
þeim er velkomið að hafa samband við
starfsfólk sjóðsins til að afla sér upplýs-
inga um lífeyrisréttindi sín.
Markmið LSR er að efla almenna kynningu
á lífeyrisréttindum og hafa verið haldnir
fundir í mörgum grunnskólum undanfarið
þar sem nýfengin séreignarréttindi hafa
verið kynnt. Ráðgjöfin sem LSR veitir er
byggð á markmiðum LSR um að kynna
sjóðfélögum réttindi sín með faglegum
hætti. Kennarar hafa skyldubundna aðild
að A-eða B-deild LSR en val á séreignar-
sjóði er frjálst.
Séreignarsjóðir starfa í miklu samkeppn-
isumhverfi en allir lúta sömu lögum og
reglum (lög nr. 129/1997 og reglugerð nr.
698/1998). Réttindi eiga því að vera eins
milli sjóða. Það er þó margt sem getur ver-
ið ólíkt, s.s. hvernig ávöxtun er háttað, hve
mikill fjölbreytileiki er við val á fjárfesting-
arstefnu, hvernig gjöldum og þóknunum
er háttað auk þess hvernig almenn þjón-
usta er.
Áhersla hefur verið lögð á það við kenn-
ara að þeir kynni sér vel hina mismunandi
sjóði og þá þjónustu sem hver sjóður veitir
og taki í framhaldinu meðvitaða ákvörð-
un um val á þeim séreignarsjóði sem þeir
treysta best fyrir séreignarsparnaði sínum.
Helstu spurningar sem vert er að spyrja þeg-
ar kennarar kynna sér þessi mál eru: Hver
er fjárfestingarstefnan? Hver hefur ávöxt-
un verið m.t.t. mismunandi fjárfesting-
arstefna? Hver er rekstrarkostnaður og
er hann sýnilegur? Hver eru önnur gjöld?
Tekur sjóðurinn sérstakan umsýsluþóknun
fyrir þjónustu sína? Séreign LSR býður upp
á fjárfestingarleiðir við hæfi, rekstrarkostn-
aður er sýnilegur í daglegri ávöxtun, ekki
er um að ræða önnur gjöld eða þóknanir.
Nánari upplýsingar um mismunandi
fjárfestingarstefnu við hæfi er hægt að fá
hjá ráðgjafa Séreignar LSR. Mikilvægt er
fyrir alla sjóðfélaga að hafa undirstöðuat-
riði lífeyrisréttinda á hreinu, hvort sem um
ræðir réttindi í A- eða B-deildum LSR eða
Séreign LSR.
Höfundur er Ágústa H. Gísladóttir
deildarstjóri Séreignar LSR.
- rétt val á séreignarsjóði
séreignarréttindi grunnskólakennara
Aukin