Skólavarðan - 01.02.2005, Síða 21

21
SKÓLAVARÐAN 1.TBL. 5. ÁRG. 2005
Kjarna, Þverholti 2, 270 Mosfellsbæ, Sími: 5868180
www.lesblind.com, Tölvuskeyti: lesblind@lesblind.is
Umboðsaðili Davis® kerfisins á Íslandi
Námskeið í
Davis námstækni
Vilt þú sem kennari:
• Ná betur til nemenda þinna
óháð námsstíl þeirra?
• Hafa betri stjórn í skóla-
stofunni?
• Efla almennan námsárangur?
• Fyrirbyggja námsörðugleika,
td. vegna lesblindu?
Fyrir kennara 5-9 ára barna
Skráning í síma 586 8180 eða lesblind@lesblind.is
Námskeiðið verður í júní og fer fram á ensku
Hvernig Davis-kerfið
virkjar hæfileikana
sem búa að baki
námsörðuleikum
• Lesblinda
• Skrifblinda
• Reikniblinda
• Verkstol
• Ofvirkni (ADHD)
• Athyglisbrestur (ADD)
Guðmundur: Ég tel brýnt að kennar-
ar hefji strax umræður um þetta mál og
það þarf að marka þær óháð því hvaða af-
stöðu við tökum til skýrslunnar og reyna
að stýra þeim frá tæknilegu atriðunum að
innihaldinu.
Aldís: Ég er sammála Guðmundi en tek
það fram að þessar breytingar geta aldrei
orðið farsælar nema að þær séu unnar í
góðri sátt og samstarfi við kennara. Það
eru þeir sem framkvæma breytingarnar.
Ég vil í rauninni hvetja ráðamenn til að
þröngva ekki breytingum upp á kennara
nema samstarfsvilji þeirra sé tryggður.
Atli: Ég held ekki að það sé neitt eitt
sem kennarastéttin sem heild eigi að gera
í tilefni af þessari skýrslu og fyrirhuguð-
um breytingum. En ég reikna með að þeir
sem kenna stærðfræði, íslensku, ensku
og dönsku í efstu bekkjum grunnskóla og
fyrstu önnunum í framhaldsskóla þurfi að
ræða saman. Þeir þurfa að auka samstarf
og samráð.
Hjördís: Ég tek undir þetta og vil bæta
við að umræður fari einnig fram innan fag-
félaga, einkum þar sem starfa bæði grunn-
og framhaldsskólakennarar. Kennarar
þurfa að fjalla um skýrsluna og skila áliti
til menntamálaráðuneytisins. Þar verða jú
allar endanlegar ákvarðanir teknar.
Mér finnst líka mikilvægt að framhalds-
skólakennarar athugi hvort þeir finni ekki
sitthvað jákvætt í þessari skýrslu burtséð
frá því hvort af styttingunni verður eða
ekki. Ég vil benda á þætti eins og að efla
námsefnisgerð, endurmenntun, nýjar
leiðir til námsmats og nýjar kennsluað-
ferðir, breyttar faglegar áherslur. Ég vil
líka nefna möguleikann á að nemendur í
grunnskólum geti flýtt sér o. fl. Mér finnst
þetta vera jákvæðir þættir sem mikilvægt
er að kennarar myndi sér skoðun á.
Egill: Við kennarar verðum líka að átta
okkur á því að við erum að fjalla um nem-
endur en ekki okkur sjálfa. Hvað er farsæl-
ast fyrir þá? Þar sem ég kem úr iðngeiran-
um finnst mér vanta miklu meiri umræður
um það hvernig eigi að samþætta iðnnám-
ið og þessar breytingar ef af þeim verður.
Af umræðunum sem hér eru birtar sést
glöggt að það er mikil gróska í íslenskum
framhaldsskólum. Þeir eru afar ólíkir og
nemendurnir eru einnig ólíkir og hafa
margvísleg markmið. Kennurum er mikið
niðri fyrir þegar þessar fyrirhuguðu breyt-
ingar eru ræddar en augljóslega þurfa
fleiri að tjá sig um þetta mál en framhalds-
skólakennarar. Hvað segja grunn- og leik-
skólakennarar? Skólavarðan mun leita eft-
ir svörum þeirra á næstunni.
Guðlaug Guðmundsdóttir
Þetta með verknámsbrautirnar er eldgamalt vandamál hjá
okkur Íslendingum. Það er ekkert menntun nema prests-
menntun og kannski lögfræði en almenn verkkunnátta er
afskaplega lítils metin. -Guðmundur.
VIÐ HRINGBORÐIÐ