Skólavarðan - 01.04.2005, Page 10

10
SKÓLAVARÐAN 3.TBL. 5. ÁRG. 2005
þau ekki einungis að berjast fyrir sig og
sína hagsmuni heldur eru þau að breyta
ákveðnum strúktúr. Þetta átti líka við um
tónlistarskólakennara og framhaldsskóla-
kennara á sínum tíma.
Annað mikilvægt atriði er rétt að nefna
sem hreinan ávinning en það er mót-
framlag frá vinnuveitendum í séreignar-
lífeyrissjóð félagsmanna. Þessi ávinningur
flæddi síðan yfir til annarra félaga sem
semja við sveitarfélögin.
Það má heldur ekki gleyma hinni
ótrúlegu samstöðu sem myndaðist í verk-
fallinu. Annað eins er fáheyrt í íslenskri
verkalýðsbaráttu. Hún skilaði mjög miklu.
Endalok verkfallsins urðu hins vegar
mjög sorgleg. Það kom ekki á óvart að
ríkisstjórnin skyldi grípa inn í. Við vorum
búin að bjóða upp á að störf kennara og
stjórnenda í grunnskólum yrðu mátuð við
sambærileg störf í þjóðfélaginu með ein-
hvers konar gerðardómi en það hvarflaði
aldrei að okkur að gerðardómurinn ætti
að starfa á forsendum þeirra samninga
sem ASÍ-félögin höfðu gert. Það varð mat
samninganefndar og lögmanna okkar að
forðast gerðardóminn og reyna að ná
samningum. Samningurinn sem náðist er
tvöfalt betri en það sem var í boði fyrir
verkfall.“
Hvað líður kæru til alþjóða vinnumála-
stofnunar á lagasetningu á kennaraverk-
fallið?
„Lögmaður okkar telur lagalegar for-
sendur til að kæra en hann tók skýrt fram
að það yrði þungt í vöfum og kostnaðar-
samt. Það kemur í hlut nýkjörinnar stjórnar
KÍ að ákveða framhald málsins.“
Sveigjanleiki og frávik
frá miðlægum samningi
Breytingar á rekstrarformi skóla virðist
kalla á nýja gerð kjarasamninga. Eru mið-
lægir kjarasamningar búnir að syngja sitt
síðasta?
„Nei, það held ég ekki. Ég tel ekki ólík-
legt að sveitarfélög muni kljúfa sig út úr
launanefnd sveitarfélaga og semja beint
við sitt fólk. Það er erfitt fyrir sveitarstjórn í
stóru sveitarfélagi, sem ber ábyrgð á skóla-
málum gagnvart umbjóðendum heima í
héraði, að hafa í raun ekkert um samninga
að segja. Jafnvel þótt sveitarstjórn vilji
leysa kjaradeilu getur hún það ekki vegna
þess að hún er búin að framselja vald sitt
til þriðja aðila sem er launanefnd sveitar-
félaga.
Ég sé fyrir mér að í framtíðinni verði
samið beint við stóru sveitarfélögin og að
þau minni gangi hugsanlega sameinuð
til samninga. Það mætti hugsa sér að
samningsaðilar yrðu þá samninganefnd
viðkomandi sveitarfélags annars vegar og
hins vegar heimamenn og fulltrúar stéttar-
félagsins. Samningurinn yrði þá gerður
í nafni KÍ með aðkomu kjörinna fulltrúa
viðkomandi félags.
Ég vil að það komi skýrt fram að þegar
grunnskólinn var fluttur yfir til sveitar-
félaganna var lögð áhersla á að gera einn
miðlægan samning til þess að tryggja að
áunnin réttindi og kjör flyttust óbreytt
yfir frá ríki til sveitarfélaga. En það er
ekkert lengur í stefnuskrá KÍ um að nauð-
synlegt sé að semja við eina launanefnd.
Við treystum okkur vel til að semja við
sveitarfélögin hvert fyrir sig. Hvað varðar
svokallaða tilraunasamninga, sem hingað
til hafa verið gerðir, þá hafa komið fram
í þeim verulegir annmarkar sem fyrst og
fremst felast í því að kennsluskylduhug-
takið er afnumið og þar með er hægt að
láta menn kenna eins mikið og þurfa þykir
án þess að greiða yfirvinnu fyrir það.
Það sem líka spillir fyrir núna er að í tón-
listarskólasamningunum 2001 var samið
um ákveðið frjálsræði í kennsluskyldu.
Reykjavíkurborg hefur haft forgöngu
um að túlka það ákvæði á þann hátt að
kennurum er misboðið og vikuleg kennslu-
skylda þeirra hefur verið aukin verulega.
Þetta mál var sent til dómstóla en vísað
frá vegna formgalla þannig að óvíst er
hvernig það þróast. Þessi framganga
Reykjavíkurborgar, sem er árás á kjör fólks,
spillir verulega fyrir því að samningar náist
um tilraunir af þessu tagi, sérstaklega ef
ofuráhersla er lögð á að afnema kennslu-
skylduhugtakið. Menn verða að hafa það
öryggisnet sem hún er. Það er tvennt öðru
fremur sem kjarasamningar byggjast á,
annars vegar launataflan og hins vegar
kennsluskyldan. Síðan geta menn samið
um sveigjanleika og frávik frá miðlægum
samningi. Ég er hlynntur slíkum hug-
myndum.“
Samþykkt að styðja
kennarasamtök í Palestínu
Nýliðið þing Kennarasambands Íslands
heimilaði stjórn KÍ að styðja endurstofnun
kennarasambands í Palestínu. Áætlað er
að styrkurinn nemi allt að 1.500 evrum á
mánuði kjörtímabilið 2005 til 2008. Stjórn-
inni er falið að móta stefnu í sambæri-
legum málum fyrir 4. þing KÍ árið 2008.
Eiríkur var spurður hvers vegna íslenskir
KYNNING FORYSTUMANNA