Skólavarðan - 01.12.2006, Síða 4

4
LEIÐARIEFNISYFIRLIT
SKÓLAVARÐAN 8.TBL. 6. ÁRG. 2006
Ritstjóri: Kristín Elfa Guðnadóttir kristin@ki.is
Ábyrgðarmaður: Helgi E. Helgason helgi@ki.is
Umsjónarmaður félagatals: Sigríður Sveinsdóttir
sigridur@ki.is / sími 595 1115
Hönnun: Zetor ehf.
Ljósmyndir: Jón Svavarsson, nema annars sé getið
Forsíðumynd: Tveir Himba strákar í tjaldskóla í Entanga í Namibíu.
Þróunarsamvinnustofnun Íslands, öðru nafni Iceida, kom skólunum á
fót og rekur þá í samstarfi við heimamenn. Haukur Már Haraldsson tók
myndina.
Auglýsingar: Stella Kristinsdóttir
stella@ki.is / sími 595 1142 eða 867-8959
Prentun: Svansprent
Skólavarðan, s. 595 1118 (Kristín) og 595 1119 (Helgi).
Laufásvegi 81, 101 Reykjavík
Ekki ég, ekki ég
Hver er rasisti? Enginn, ef marka má nýlega umræðu í tilefni af
frjálsu flæði vinnuafls milli landa. „Ekki ég, ekki ég,“ sést á hverri
bloggsíðunni á fætur annarri. Gott ef rétt væri. Kynþættir eru
menningarsmíð, allt eins er hægt að tala um að mannkynið skiptist
í mjóa og feita eins og svarta og hvíta ef við notum líffræði sem
útgangspunkt. Í menningunni lifir hins vegar trúin á að húðlitur
hafi eitthvað að segja um manngildi góðu lífi. Mannfræðingar
hafa bent á að ný orð eru farin að leysa orðið „rasismi“ af hólmi
í almennri umræðu. Þar sem ekki þykir par fínt að vera rasisti
eða láta bendla sig við hann á nokkurn hátt verður rasisminn að
neðanjarðarfyrirbæri. Talað er um málefni innflytjenda og nýbúa
með hugtökum á borð við „þjóðernishópar“ og „menning“ en
oft eru undirliggjandi skilaboð rasísk. Sagnfræðingurinn George
M. Fredrickson spáir því að nýr rasismi sé í þann mund að sigra
heiminn: Trúarbrögð. Þau eru mannkynsflokkun sem við erum
þegar byrjuð að aðhyllast og eigum eftir að ástunda í æ meiri
mæli. Rasisminn er seigt kvikindi sem aðlagar sig breyttum að-
stæðum með því að skipta um ham. En hann er alltaf vondur
og skaðar fólk, hverju nafni sem hann nefnist. Innst inni viljum
við líklega öll lifa í sátt og samlyndi hvert við annað. Þó ekki
væri nema til að forðast stríð. Eins og segir á vefsíðu nokkurri
með meðfylgjandi myndum af ólíku fólki héðan og þaðan úr
heiminum: „These guys, they’re your neighbours. They’re not
going away. They’re not leaving. You have to get along.“ Leiðin
til að lifa saman hefst á því að tala saman. Í blaðinu að þessu
sinni er myndaumfjöllun frá skólum í Namibíu og Mósambík
en einn félagsmanna KÍ sótti þessi lönd heim nýverið á vegum
Þróunarsamvinnustofnunar Íslands. Ég ætla ekki að fjölyrða um
þessa grein, myndirnar tala sínu máli, en þakka höfundi hér með
fyrir að ljá okkur þær til birtingar. Íslenskir grunnskólakennarar
eru farnir að velta því fyrir sér að hætta kennslu vegna óánægju
með vanefndir í samningamálum. Ég ætla rétt að vona að við
séum ekki að sigla inn í tíma kennaraskorts í grunnskólum en
verði það raunin er hætt við að litlar kröfur verði hægt að
gera til innihaldsríks skólastarfs. Með því fyrsta sem fyki út um
gluggann væri trúlega fjölmenningarkennsla. Hún er ung og
enn á hálfgerðum brauðfótum og fólk mistrúað á gildi hennar.
Kennarar í leik- og grunnskólum eru einhverjir bestu talsmenn
þess að „you have to get along“. Margir aðrir bara hreinlega
skilja þetta ekki. En þetta er óþarfa dökk mynd sem hér er dregin
upp sem möguleiki. Við erum ekkert að missa kennarana. Er það
nokkuð? Ég vil líka nota tækifærið og minna á aðra auðlind
sem á það sammerkt með kennurum á öllum skólastigum að
vera sí og æ vanmetin af þeim sem ráða peningunum. Það er
Alþjóðahúsið. Reykjavíkurborg ákvað síðla í október að skerða fé
til rekstrar þess um rúman þriðjung og ríkið borgar ekki krónu.
Kíkið á vef Alþjóðahúss, það gæti komið ykkur á óvart hversu
víðtæk þjónustan er sem það veitir. www.ahus.is/althjodahus/
Kristín Elfa Guðnadóttir
Yfirvinna tónlistarskólakennara 7
Ingibjörg Úlfarsdóttir launafulltrúi skrifar um kjaramál.
Með S-ið í Strong 8
Ágústa Elín Ingþórsdóttir í viðtali um náms- og starfsráðgjöf, stöðu hennar
og þróun, en Félag náms- og starfsráðgjafa fagnar 25 ára afmæli um þessar
mundir.
Tomatis aðferðin 12
Síðastliðið ár hefur lítil íslensk stúlka sýnt miklar framfarir í námi með hjálp
heyrnarþjálfunaraðferðar sem enn er að mestu óþekkt hérlendis.
Skólar í tjöldum og yfirgefinni herstöð 16
Haukur Már Haraldsson framhaldsskólakennari og stjórnarmaður í
Þróunarsamvinnustofnun Íslands sótti Namibíu og Mósambík heim nýverið.

Skólavefir styrkja skólasamfélagið 20
Margrét Björk Jóhannesdóttir leikskólakennari gerði vefsetur fyrir
leikskóla í B.Ed. verkefni sínu og segir ekki vafa á því að góðir vefir styrki
foreldrasamstarf og skólasamfélagið í heild.
Fjárans fjármálin! 22
Ragnhildur Björg Guðjónsdóttir og Þuríður Hjartardóttir hafa samið og
gefið út námsefni fyrir framhaldsskóla í fjármála- og neytendafræðslu.
Námsefnið er gefið út á minnislykli sem eykur mjög notagildi þess.
Kennarinn klæðist Bónusbuxum og Birkenstock 24
Tískulöggugrín um kennara. Skiptir máli að vera vel klæddur?
Fjölmenning – námstefna SÍ 26
Filip Paelman hélt mjög áhugavert erindi um fjölmenningarnám og
–kennslu á námstefnu Skólastjórafélagsins í október.
Ráðherra þarf að segja hug sinn 28
Á fulltrúafundi FF 10. nóvember sl. kom fram að lítið hefur enn komið
út úr vinnunni við 10 punkta samkomulagið í formi stefnumörkunar
og ákvarðana menntamálayfirvalda um það í hvaða breytingar og
umbótaverkefni verði ráðist, hvernig verði unnið að þeim í skólum og
hvernig umbótastarfið verði fjármagnað.
Formannspistill 3
Guðmundur Guðlaugsson formaður FS skrifar niður þanka sína í góðæri
og fjallar meðal annars um verk- og starfsmenntun og reiknilíkan
framhaldsskóla sem hann segir beitt sem skömmtunarverkfæri án samráðs
við kennara.
Gestaskrif 5
Soffía Auður Birgisdóttir skrifar um hvað það felur í sér að flytjast úr borg
í bæ, ekki síst fyrir börnin sem þurfa að kveðja vinina og aðlagast nýjum
skóla. Reykjavíkurdaman Soffía sér ýmsa kosti við dreifbýlið og er hrifin af
Höfn í Hornafirði.
Skóladagar 7
Smiðshöggið 29
„Aftur í kennslu og ný grunnskólalög“ nefnist pistill Guðrúnar Ebbu
Ólafsdóttur sem er kennari í Laugalækjarskóla ásamt því að stýra nefnd um
endurskoðun grunnskólalaga.
FASTIR LIÐIR