Skólavarðan - 01.09.2001, Side 17

Ólafur Jón Arinbjarnarson skóla-
meistari við Fjölbrautaskólann á
Suðurnesjum:
,,Búið er að tilnefna í samstarfsnefndina og
öllum ljóst að mörgu þarf að huga að.
Ekki hefur verið haldinn formlegur fundur
en aðilar hafa notað tímann til að viða að
sér þekkingu á því hvernig best er að
standa að gerð samningsins. Óljós fjárhags-
staða skólanna vegna kjarasamningsins í
vetur gerir þeim nokkuð
erfitt fyrir þegar kemur að
því að meta hvað er til
skiptanna. Þó að nefndar
hafi verið tölur í þessu
sambandi er ekki hægt að
horfa fram hjá því að þegar
upp er staðið er það heildarstaða skólanna
sem ræður því hvað verður í pottinum. Í
haust verður unnið að því að móta kerfið
þannig að þegar fjárveitingar liggja fyrir
verði hægt að fara að vinna eftir því með
stuttum fyrirvara.“
Magnús Þorkelsson aðstoðarskóla-
meistari við Flensborgarskólann í
Hafnarfirði:
,,Við erum fyrst og fremst að reyna að átta
okkur á því hvernig við ætlum að fara að án
þess að allt fari í bál og brand. Það er alveg
nýtt kerfi hjá kennurum að stjórnendur
skólans geti raðað mönnum með sambæri-
leg próf í mismunandi launaflokka. Við
erum að setja samráðsnefndina af stað og
hún er farin að velta fyrir sér hvernig eigi
að taka á málinu, skólameistari er þessa
dagana að ræða við kennara og síðar annað
starfsfólk skólans. Við erum þegar búin að
ráða í nokkur störf verkefnisstjóra og fetum
okkur þannig af stað. Við ætlum að gefa
okkur að minnsta kosti þetta skólaár til að
koma þessu í framkvæmd, við ætlum ekkert
að draga lappirnar en heldur ekki að ganga
þannig frá að við sitjum uppi með einhvern
óskapnað sem við losnum ekki við.
Ef við skiljum inntak stofnanasamningsins
rétt þá er visst ferli í gangi og við ætlum að
láta það byggjast upp hægt og rólega. Stóru
spurningunni er náttúrlega ósvarað en hún
er um peningamálin, hvenær þeir koma og
hver upphæðin verður. Það virðist vera
djúpt á aurunum eins og alltaf hefur verið
eftir kjarasamninga. Skól-
arnir sitja líka uppi með
mislangan skuldahala sem
er verið að veifa framan í
þá. Samningurinn kostaði
peninga í upphafi en erfið-
lega gengur að kreista þá út
enda eru menn ekki sammála um hvernig
eigi að reikna kostnaðinn. Ég á eftir að sjá
að það flæði inn fjármagn í þetta verkefni en
vonandi komumst við eitthvað áleiðis.“
Hjalti Jón Sveinsson skólameistari
Verkmenntaskólans á Akureyri:
,,Við settum á laggirnar óformlega sam-
starfsnefnd fljótlega eftir að nýr kjara-
samningur lá fyrir, við vildum vera búin
að leggja línurnar þegar fjármunir til frek-
ari framkvæmdar samningsins lægju fyrir.
Það er mikil vinna framundan og við ætl-
um að gefa okkur tíma í hana enda mikil-
vægt að þetta sé gert í sátt
og samlyndi. Hér á Akur-
eyri höfum við verið með
ákveðið fyrirkomulag í
gangi, eins og kennslu-
stjóra sem gegna meðal
annars ýmsum þeim störf-
um sem verkefnisstjórum er ætlað að
sinna samkvæmt nýjum kjarasamningi. Þá
höfum við verið að ráða í slíkar stöður,
sumar voru til áður en hétu bara öðrum
nöfnum og aðrar eru nýjar. Kjarasamning-
ur gaf vissa grunnhækkun sem flestir voru
ánægðir með og menn eru orðnir svolítið
pirraðir á að ekki sé búið að persónuraða.
Við höfum engu að síður endurraðað
stjórnendum og nokkrum kennurum sem
var sannanlega grunnraðað of lágt. Allt
kemur þetta til með að velta á peningun-
um en þeir eru ekki ennþá í hendi. Við
höfum fengið þau svör að svigrúm sé ekki
meira en svo að unnt verði að hækka
þriðja hvern kennara um þrjú prósent en
höfum ekki í hyggju að fara út í slíkt að
svo stöddu. Við ætlum frekar að bíða og
sjá hvað setur.“
Steinunn Þorsteinsdóttir
Stofnanaframkvæmd
,,Framhaldsskólanum er sparkað út í
atvinnulífið með þessum samningi,
hann getur ekki leyft sér að bjóða
lélegri laun en aðrir og velgengnin fer
eftir því hvort honum tekst að sann-
færa yfirvöld um að meira fé þurfi til
rekstursins. Annars fer allt í aftur í
sama farið.“ Á þessa leið hljóðuðu
orð Elnu Katrínar Jónsdóttur for-
manns Félags framhaldsskólakennara
í viðtali í fjórða tölublaði Skólavörð-
unnar þar sem hún tjáði sig meðal
annars um nýgerðan kjarasamning
framhaldsskólakennara við ríkið. En
hvernig skyldi framhaldsskólanum
ganga að að hrinda nýja kjarasamn-
ingnum í framkvæmd? Skólavarðan
tók hús á nokkrum skólameisturum
og komst að raun um að skólar eru
mislangt á veg komnir.
„Menn verða að vanda sig
til að allt fari ekki í bál og brand“
- Hvernig gengur með framkvæmd kjarasamningsins?
19
Samstarfsnefnd Menntaskólans við Sund hefur undirritað sam-
komulag um kjör og skipan nýrra starfa skólaárið 2001 - 2002.
Í aðdraganda að samkomulaginu fundaði samstarfsnefnd fimm sinnum. Á
fyrsta fundi var meðal annars rætt um skipulag funda, hlutverk nefndarinnar
og um hvernig fundargerð skyldi rituð auk vals á fundarritara. Helstu hlutverk
nefndar eru annars vegar launaröðun viðbótarstarfa og hins vegar mat á vinnu
og menntun kennara til launaflokkshækkunar. Á næstu fundum var meðal ann-
ars rætt um hvaða fjármagn væri til umráða og um tillögur um nýja faglega
stjórnendur og verkefnisstjóra. Á fimmta fundi var tillögum breytt í samning
og hann undirritaður.
Samkomulagið skiptist í fimm aðalgreinar sem hér segir:
1. Sviðsstjórar
2. Verkefnastjórnun
3. Þróunarstarf
4. Mat á kennslu og kennslutengdum störfum
5. Annað
Sviðsstjóragreinin er langveigamest og tekur til sviðsskiptingar, starfssviðs
og kjara sviðsstjóra.
Með samkomulaginu eru fylgiskjöl um mat á kostnaði vegna nýrra starfa
sem það nær til og um aðrar verkefnaráðningar skólaárið 2001 - 2002.
Samkomulag samstarfsnefndar MS