Fréttabréf - 01.12.1983, Blaðsíða 4

Fréttabréf - 01.12.1983, Blaðsíða 4
4. Fimmtudagur 24. nóv. Iþróttasjóöur var fyrstur á dagskrá nefndarinnar, siðan Rannsóknarstofnun landbúnaðarins, Fiskifélag Islands og Orkuráð. Síðan var fundur aftur kl. 1 og paelt, þangað til fundur hófst i sameinuöu þingi kl'. 2. Nú er kl. 4.25. Hjörleifur er nýbúinn að ljúka máli sinu um samninginn viö Alusuisse. Hann talaði í nákvæmlega tvær klukkustundir. Iðnaðarráðherra er í stólnum, og þar sem ég þarf að mæta á fund í nefndinni góðu kl . 4.30. missi ég af að hlusta á Sirrý Dúnu, sem er næst á mælendaskrá. Meira seinna. Laugardaginn 26. nóv. - Sælar aftur! Fundurinn í fjárveitinganefnd stóð til kl. 11 á fimmtudagskvöldið að frátöldu tveggja tima matarhléi, og komst ég því ekki á þingráðsfundinn það kvöld. Föstudagur 25. nóv. Enn var byriað kl. 8.45 í nefndinni goðu. Til viðræðu komu fulltrúar heilbrigðis- ráðuneytisins og Vita- og hafnarmálaskrifstofunnar. Mér tókst að skella mér í sund í hádeginu og leið strax betur í öxlunum, sem vilja kýtast af þessum miklu fundasetum. Kl. 2 hófst fundur í neðri deild, sem er reyndar ekki að öðru jöfnu á föstudögum, því sá dagur á að vera þingmönnum til frjálsrar ráðstöfunar, en líklega er nálgun jólaleyfis þegar farin að hafa sin áhrif. Kl. 5-7 var enn nefndarfundur, og þegar ég var að sofna um kvöldið, sá ég ekkert nema tölur fyrir hugskots- sjónum. Það var svona eins og þegar maður hefur verið heilan dag í berjamó. Laugardagur 26. nóv. Kl. 9 byrjaði fundur í fjár- veitinganefnd,sem var að enda núna kl. rúmlega 5. Honum lauk með allháværum skoðanaskiptum um, hvenær byrja skyldi á morgun. Niðurstaðan varð að byrja ekki fyrr en kl. hálftvö, og ég varð mikið fegin, þvi ég get vel hugsaó mér aö letipurkast einn morgun. Þetta var þá sýnishorn af viku i lífi fjárveitinga- nefndarmanns. Svona eru þær á þessum árstíma og verða svona, er mér sagt, þangað til fjárlög hafa verið afgreidd, Eftir áramót verður starfið eðlilega allt öðruvísi. Vonandi eruð þið einhvers fróðari eftir þessa lýsingu, þótt hún sé harla yfirborðskennd, og í trausti þess bið ég ykkur vel að lifa. Kristin Halldórsdóttir

x

Fréttabréf

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Fréttabréf
https://timarit.is/publication/1209

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.