Morgunblaðið - 27.10.2015, Síða 12

12 FRÉTTIRInnlent
MORGUNBLAÐIÐ ÞRIÐJUDAGUR 27. OKTÓBER 2015
www.isfell.is
Ísfell ehf • Óseyrarbraut 28 • 220 Hafnarfjörður • Sími 5 200 500 • isfell@isfell.is
Ísnet Húsavík s. 5 200 555
Ísnet Akureyri s. 5 200 550
Kristbjörg Ólafsfjörður s. 5 200 565
Ísnet Sauðárkrókur s. 5 200 560
Hafðu samband og
kynntu þér vöruúrvalið
og þjónustuna
Vertu viðbúinn vetrinum
Mest seldu snjókeðjur á Íslandi
LÉTTAR – STERKAR – TRAUSTAR
SNJÓKEÐJUR
Jón Baldursson bridsspilari er í 11
manna hópi sem Bridssamband Evr-
ópu hefur skipað til þess að fara yfir
meint, kerfisbundið svindl sigur-
sælla bridspara á alþjóðlegum brids-
mótum.
Vegna ásakana
um svindl drógu
bridssambönd
Ísraels, Mónakó
og Þýskalands
landslið sín úr
heimsmeistara-
mótinu, sem hald-
ið var á Indlandi í
haust. Þá var
pólsku bridspari,
sem komið var á
keppnisstað, meinað að spila í
mótinu þar sem grunur lék á að spil-
ararnir hefðu rangt við.
Þekktir sérfræðingar
Öll þessi mál eru til meðferðar hjá
sérstakri þriggja manna eftirlits-
nefnd Bridssambands Evrópu og
hafa viðkomandi pör frest fram í
miðjan nóvember til þess að gera
hreint fyrir sínum dyrum. Þá verður
málunum vísað til sérstakra sér-
fræðinga, sem eftirlitsnefndin fékk
til liðs við sig, en í hópnum eru auk
Jóns Baldurssonar Bretinn David
Bakhshi, Svíinn Per-Ola Cullin, Hol-
lendingarnir Bas Drijver og Marion
Michielsen, Rússinn Andrey Gro-
mov, Frakkinn Alain Levy, Banda-
ríkjamennirnir Zia Mahmood og Ja-
cek Pszczola, Svisslendingurinn
Fernando Piedra og Daninn Peter
Schaltz.
Eftirlitsnefndin óskar eftir því að
að minnsta kosti þrír menn skili um-
sögn um hvert mál. „Ég reikna með
að koma að einu máli,“ segir Jón og
bíður rólegur eftir kalli.
steinthor@mbl.is
Jón skoðar
meint svindl
 Kallað á sérfræðinga í bridsinu
Við spilaborðið Fantoni og Nunes,
liðsmenn Mónakó, eru til skoðunar.
Jón Baldursson
Guðni Einarsson
gudni@mbl.is
Forsvarsmenn Landstólpa þróun-
arfélags fara á fund í forsætisráðu-
neytinu eftir hádegi í dag til að ræða
um gamla hafnargarðinn og fram-
kvæmdirnar að Austurbakka 2. Í
gær voru vinnuvélar fluttar á lóðina.
„Við þurfum að halda áfram með
verkið og erum að búa okkur undir
það,“ sagði Gísli Steinar Gíslason,
stjórnarformaður Landstólpa þró-
unarfélags. „Við viljum samt ná
lendingu sem allir geta unað við. Það
verður frábært ef það næst ásætt-
anleg lausn.“
Hann sagði að Landstólpar hefðu
lagt margar tillögur fyrir Minja-
stofnun. Engin niðurstaða hefði þó
fengist. „Þetta snýst allt um kostn-
að. Tillögurnar eru misáhrifamiklar
varðandi hafnargarðinn,“ sagði Gísli.
Landstólpar vilja helst fjarlægja
gamla garðinn. Gísli sagði að vildu
menn varðveita hann yrði að vinna
út frá því. Það að varðveita garðinn
þar sem hann stendur mun hafa í för
með sér aukakostnað við fram-
kvæmdirnar upp á a.m.k. 2,2 millj-
arða króna, að sögn Gísla.
„Þá verður ekki hægt að byggja
bílakjallara undir byggingunum eins
og er ráðgert. Það þarf þá að flytja
bílakjallarann annað og það kostar
þessa upphæð,“ sagði Gísli. Stærð-
argráða verkefnisins alls hljóðar upp
á um tíu milljarða króna.
Framkvæmdir við verkefnið hafa
verið í biðstöðu síðan í júlí en þá átti
fornleifauppgreftri að ljúka. Gísli
sagði að Minjastofnun hefði dregið
að taka ákvörðun og veggurinn síðan
verið skyndifriðaður þegar í ljós
kom að hann var ekki orðinn 100 ára,
en það var talið í fyrstu. Eins taldi
Gísli að nýta hefði átt sex vikna
frest, sem forsætisráðherra hafði til
að ákvarða um vegginn, til að vinna
með Landstólpum að lausn.
„Fresturinn er útrunninn og þá er
veggurinn bara ófriðaður,“ sagði
Gísli. „Við erum með bréf frá Minja-
stofnun þar sem því er lýst yfir að
veggurinn sé frá 1928 og borg-
arminjavörður er sömu skoðunar.“
Morgunblaðið/Golli
Gamlir hafnargarðar Landstólpar vilja hefja framkvæmdir á lóðinni sem
fyrst. Fulltrúar félagsins fara á fund í forsætisráðuneytinu í dag.
Funda um gamla
hafnargarðinn
Gömul mannvirki
» Við jarðvegsframkvæmdir á
lóðinni Austurbakka 2 komu í
ljós tvennar minjar um hafn-
armannvirki.
» Annars vegar er bólverk í
suðausturenda lóðarinnar sem
var hlaðið 1876. Friðlýsingin
nær ekki til þeirra minja.
» Hins vegar er gamli hafn-
argarðurinn sem var hlaðinn
1913-17 en færður fram um sjö
metra árið 1928.
BAKSVIÐ
Baldur Arnarson
baldura@mbl.is
Það mun hafa áhrif á útkomu þing-
kosninganna vorið 2017 hvort Sjálf-
stæðisflokknum tekst að snúa við
minnkandi fylgi hjá ungu fólki.
Þetta er mat Ólafs Þórs Gylfason-
ar, framkvæmdastjóra MMR, Mark-
aðs- og miðlarannsókna.
„Þetta er augljós þróun. Það er í
þessa átt sem sveiflan hefur verið.
Unga fólkið hefur í stórum stíl verið
að hverfa frá Sjálfstæðisflokknum
og þá einkum og sér í lagi til Pírata.
Samt eru Píratar líka að fá talsvert
mikinn stuðning hjá elstu aldurshóp-
unum. Það er aðeins Sjálfstæðis-
flokkurinn sem nýtur meira fylgis
meðal 50 ára og eldri en Píratar,“
segir Ólafur Þór um stöðuna.
Samkvæmt könnun MMR frá
miðjum þessum mánuði mælast
Píratar nú með 46,3% fylgi meðal 18-
29 ára kjósenda en Sjálfstæðis-
flokkur með 15,5% fylgi. Píratar
mældust þá í heild með 34,1% fylgi
en Sjálfstæðisflokkurinn 21,6% fylgi.
Á hægri niðurleið
Samkvæmt íslensku kosninga-
rannsókninni var fylgi Sjálfstæð-
isflokksins meðal 18-29 ára kjósenda
47% árið 1999, 30% árið 2003, 35%
árið 2007 og 25% árið 2009. Eins og
áður greinir mældist það um 16% í
könnun MMR í október. Samkvæmt
þessum gögnum hefur fylgi flokks-
ins meðal yngstu kjósenda verið á
hægri niðurleið í hálfan annan ára-
tug. Má rifja upp að í byrjun þessa
tímabils urðu Samfylkingin og
Vinstri græn til og eftir kosning-
arnar 2009 klofnaði Borgarahreyf-
ingin í Hreyfinguna og óháðan þing-
mann. Síðan vann Besti flokkurinn
stórsigur í sveitarstjórnarkosning-
unum í Reykjavík 2010 og árið 2013
buðu Píratar í fyrsta sinn fram í
þingkosningum. Mörg smærri fram-
boð hafa komið og farið. Á þessu
tímabili hefur vígstaða Sjálfstæðis-
flokksins í Reykjavík, hans gamla
vígi, veikst mikið.
Ólafur Þór bendir á að samkvæmt
íslensku kosningarannsókninni hafi
27% kjósenda Sjálfstæðisflokksins
verið yngri en 30 ára árið 1999, 23%
árið 2003, 19% árið 2007 og 22% árið
2009. Til samanburðar hafi 19%
kjósenda flokksins verið undir þrí-
tugu samkvæmt könnun MMR í
október sl., en fylgið í heild var þá
um leið komið undir 22%.
Þessi þróun hefur ekki farið fram
hjá öðrum stjórnmálahreyfingum og
má nefna að í júníbyrjun kom fram á
fundi Viðreisnar að hreyfingin ætl-
aði að sækja fylgi til ungs fólks.
Hægri sveiflan tók enda
Samkvæmt Hagstofunni voru
57.379 Íslendingar á aldrinum 18-29
ára í byrjun þessa árs og voru þeir
17,4% íbúafjöldans. Þetta er því fjöl-
mennur og auðvitað ekki einsleitur
hópur sem alhæfa má um.
Stefanía Óskarsdóttir, dósent í
stjórnmálafræði við Háskóla Ís-
lands, rifjar upp að á níunda áratug
síðustu aldar hafi byrjað hægri-
sveifla meðal ungs fólks sem haldist
hafi alveg fram að hruninu.
Stefanía segir aðspurð að erfitt sé
að meta hvaða áhrif landsfundir
Sjálfstæðisflokksins og VG muni
hafa á fylgi flokkanna, þar með talið
hjá yngstu kjósendunum.
Hún bendir á að fjölmiðlun hafi
breyst mikið. Dagskrárvald sé ekki
lengur í höndum fárra fjölmiðla.
Vegna breyttrar notkunar á fjöl-
miðlum nái umfjöllun í sjónvarpi og
dagblöðum um landsfundina ekki
endilega til yngstu kjósendanna.
„Þetta er áskorun sem allir stjórn-
málaflokkar sem vilja ná til ungs
fólks eiga við. Umhverfið hefur
breyst svo mikið. Það er erfitt að
stjórna fjölmiðlunum. Þeir hafa
færst á fleiri hendur,“ segir hún.
Grétar Þór Eyþórsson, prófessor í
stjórnmálafræði við Háskólann á
Akureyri, segir alls ekki gefið að
flokkar auki við fylgi sitt eftir lands-
fundi eins og dæmi séu um frá fyrri
árum. Með því að hleypa yngra fólki
í sviðsljósið á landsfundinum hafi
Sjálfstæðisflokkinn reynt að höfða
til yngri kjósenda. „Þetta er nálgun
við yngri kjósendur. Hvort það dug-
ar er annað mál,“ segir Grétar Þór.
Sjálfstæðisflokkurinn
þarf ungt fólk í lið sitt
 Píratar mældust með 46,3% fylgi hjá 18-29 ára í október
Morgunblaðið/Árni Sæberg
Í Laugardalshöll Frá landsfundi Sjálfstæðisflokksins um síðustu helgi.