Morgunblaðið - 24.11.2015, Page 19

FRÉTTIR 19Erlent
MORGUNBLAÐIÐ ÞRIÐJUDAGUR 24. NÓVEMBER 2015
Vandaður kuldafatnaður
á góðu verði
Útsöluaðilar: Útilíf Kringlunni – Smáralind – Glæsibæ I K Sport Keflavík I Nína Akranesi
Sportver Akureyri I Borgarsport Borgarnesi I Sportbær Selfossi I Axel Ó Vestmannaeyjum
Stærðir 2–12 ára
Kristján Jónsson
kjon@mbl.is
Marokkómenn munu í desember taka í notkun
nýtt sólarorkuver í héraðinu Ouarzazate og verð-
ur það meðal hinna stærstu sinnar tegundar í
heiminum. Verið mun sjá um milljón manna fyrir
raforku. Notuð er tækni sem byggist á því að hit-
inn er notaður til að bræða salt en hitinn sem salt-
ið getur varðveitt er síðan notaður til að knýja
gufutúrbínur á kvöldin.
Orkuverið verður við endimörk flatrar, rauð-
leitrar eyðimerkur þar sem mikið er um grjót,
hún er sunnan við Atlasfjöllin. Fyrirtæki í eigu
Sólarorkan nýtt í Marokkó
 Taka í desember í notkun eitt af stærstu verum sinnar tegundar í heimi
 Marokkómenn stefna að mikilli nýtingu á endurnýjanlegum orkugjöfum
Sádi-Araba, ACWA Power, reisir og rekur orku-
verið í Ouarzatate. Þegar það er komið í fulla
stærð munu speglarnir með sólarsellunum þekja
svæði á stærð við höfuðborgina Rabat.
„Þarna verður svæði á stærð við 35 knatt-
spyrnuvelli með risastórum, íhvolfum speglum
sem eru hreyfanlegir þannig að þeir elta sólina
allan daginn,“ segir Paddy Padmanathan, starfs-
maður hjá ACWA.
Verð á sólarsellum lækkar nú hratt mörkuðum
og ýtir það undir áhuga margra á að nýta sól-
arorku í og við Sahara. Marokkómenn hafa fram
til þess nær eingöngu notað innflutt jarðefnaelds-
neyti og flytja auk þess inn rafmagn frá Spáni. En
yfirvöld vilja nýta bæði sólar- og vindorku auk
vatnsafls sem mikið er af í fjöllum landsins. BBC
segir að stefnt sé að því að 42% allrar raforku sem
notuð er í landinu komi frá endurnýjanlegum
orkugjöfum árið 2020.
Orka Meðal stærstu sólarorkuvera heims.
Kristján Jónsson
kjon@mbl.is
Franska flugvélamóðurskipið Char-
les de Gaulle er nú á austanverðu
Miðjarðarhafi og tók í gær í fyrsta
skipti þátt í loftárásunum á stöðvar
Ríkis íslams, IS, í Sýrlandi. Um borð
í skipinu, sem er kjarnorkuknúið,
eru 26 herþotur. Bretar hafa einnig
boðið Frökkum afnot af flugbæki-
stöð sem þeir leigja á Kýpur. Líklegt
er talið að Bretar muni hefja þátt-
töku í loftárásunum á næstu vikum.
Francois Hollande Frakklands-
forseti og David Cameron ræddust
við í París í gær og heimsóttu Batacl-
an-tónlistarhúsið þar sem hryðju-
verkamenn myrtu minnst 89 manns.
Hollande fer til Washington í dag,
Berlínar á miðvikudag og Moskvu á
fimmtudag en hann hyggst reyna að
mynda bandalag stórvelda gegn IS.
„Við munum herða árásir okkar,
velja þau skotmörk sem valda sem
mestu tjóni hjá þessum hryðjuverka-
her,“ sagði Hollande.
Cameron og Hollande ákváðu að
auka enn samstarf ríkjanna tveggja í
baráttunni gegn alþjóðlegum
hryðjuverkasamtökum. Verður
skipst á gögnum leyniþjónustustofn-
ana og gögnum frá flugfélögum.
Umdeilt er hve mikið gagn loft-
árásir Bandaríkjamanna, Rússa og
Frakka gera í baráttunni við IS.
Bashar al-Assad Sýrlandsforseti
segir að árásir Rússa með herþotum
og stýriflaugum hafi snúið taflinu við
en fátt bendir til að IS hafi enn sem
komið er misst tökin á verulegu
landsvæði. Annað sem margir hafa
áhyggjur af er mannfall meðal
óbreyttra borgara í árásunum. Full-
yrt er á vef Al-Jazeera að Rússar
hafi fellt yfir 400 óbreytta borgara
síðan í september, þar af 97 börn.
Óbreyttir borgarar
og mannfall
Óvíst er hve áreiðanlegar þessar
tölur eru. Sama er að segja um full-
yrðingar þess efnis að Frakkar hafi
gert loftárásir á bækistöðvar í
Raqqa, helstu borg IS, sem samtök-
in hafi að mestu verið búin að yf-
irgefa. En ljóst þykir að gríðarmikil
eyðilegging hafi orðið í Raqqa og
loftárásirnar gætu valdið því að IS
yrði að hverfa frá borginni. Það yrði
mikið áfall fyrir samtökin og gæti
grafið undan áróðri þeirra.
Vandinn vegna hryðjuverkanna er
ekki bundinn við Sýrland. Þriggja
daga þjóðarsorg var lýst yfir í gær í
Malí vegna árásar á hótel í höfuð-
staðnum Bamako á föstudag en þá
féllu 19 manns. Þrenn samtök hafa
lýst yfir ábyrgð á árásinni, þau
kenna sig ýmist við IS eða al-Qaeda
sem virðast keppa um athygli á þess-
um slóðum. Boko Haram-samtökin í
Nígeríu munu í fyrra hafa drepið vel
yfir 6000 manns, ívið fleira fólk en IS
í Sýrlandi og Írak.
Hollande hyggst
herða loftárásir
 Fregnir af miklu mannfalli meðal óbreyttra borgara í
loftárásum Rússa í Sýrlandi vekja ugg en gætu verið ýkjur
Styðja IS
» Boko Haram lýstu á sínum
tíma yfir stuðningi við IS í Sýr-
landi og Írak. Óljóst er hve
mikla hjálp samtökin fá frá IS
ef nokkra.
» Stuðningsyfirlýsingar af
þessu tagi efla hins vegar enn
súnnítana í Ríki íslams. Íranar
eru sjía-múslímar og óttast
margir súnnítar tök þeirra á
Írak og Sýrlandi.
Mikil umskipti urðu í Argentínu um
helgina þegar hægrimaðurinn
Mauricio Macri sigraði perónistann
Daniel Scioli í seinni umferð forseta-
kosninganna. Macri fékk um 51,5%
atkvæða. Perónistar hafa ráðið for-
setaembættinu í 12 ár samfleytt.
Macri, sem er 56 ára verkfræðing-
ur, er nú borgarstjóri í Buenos Ai-
res. Hann hefur mikla reynslu af við-
skiptum og vill draga úr ríkis-
afskiptum. Macri var um árabil
forseti knattspyrnufélagsins Boca
Juniors.
Árið 1991 var Macri rænt og kraf-
ist lausnargjalds en hann er sonur
auðkýfings sem fæddist á Ítalíu og
fluttist til landsins eftir seinni heims-
styrjöld. Honum var sleppt eftir 12
daga og í ljós kom að flestir af ræn-
ingjunum voru í glæpahring með
tengsl við liðsmenn leyniþjónust-
unnar og alríkislögreglunnar. Sumir
voru háttsettir í lögreglunni. Hring-
urinn var nú brotinn upp og Macri
segir að málið hafi reynst stökkpall-
ur fyrir sig í stjórnmálum enda varð
hann þjóðþekktur.
Meðal stefnumála Macris er að
leggja af gjaldeyrishöft og óvinsæl
verðlagshöft sem ná til mörghund-
ruð vörutegunda. Argentína er
þriðja stærsta hagkerfi Rómönsku
Ameríku en stöðnun hefur verið í
efnahagnum síðustu ár og spilling er
útbreidd. Verðbólga er hátt í 30%.
Hagvöxtur nær enginn, margir hag-
fræðingar segja að ríkið standi ekki
undir útgjaldastefnu Cristinu Kirc-
hner Fernandez, fráfarandi forseta
sem grunuð er um að hafa látið falsa
hagtölur. Hún hefur einkum aflað
fjár með því að skattleggja úflutning
á korni. kjon@mbl.is
Hægrimaður-
inn vann
 Macri lofar umbótum í Argentínu
AFP
Ánægð Mauricio Macri fagnar sigri á sunnudag, með honum eru eigin-
konan, Juliana Awada, og dóttirin Antonia.
Tveir ísraelskir vísindamenn, Eran
Segal og Eran Elonav, hafa fundið
ástæðuna fyrir því að matarkúrar
valda oft vonbrigðum. Í grein
þeirra í tímaritinu Cell er sagt frá
könnun með 800 hraustum þátttak-
endum, 18-70 ára gömlum, sem
látnir voru borða sams konar holl-
ustumat um hríð.
Mældar voru breytingar, m.a. á
glúkósamagni. Í ljós kom að áhrifin
voru afar mismunandi eftir ein-
staklingum. Í stuttu máli, það sem
hefur góð áhrif á einn þarf alls ekki
að virka eins á annan. Engin ein
formúla dugar fyrir alla.
kjon@mbl.is
HEILSUFÆÐIRANNSÓKN
Mismunandi
áhrif matarkúra
Neyðarástand var enn í gær í Brussel vegna hryðju-
verkahættunnar og fáir á ferli á götunum, víða sáust
brynvarðir vagnar lögreglunnar. Skólar og jarðlesta-
kerfi voru lokuð enda óttast yfirvöld að gerðar verði
árásir á fjölfarna staði. Lögreglan handtók alls 16
manns í áhlaupum á grunsamlega staði í Brussel og
Charleroi á sunnudag en ekki fundust nein vopn og
ekki hefur tekist að finna Salah Abdeslam, einn þeirra
sem frömdu ódæðin í París. Hann er frá Brussel en
gæti hafa flúið til Sýrlands. Nú er að sögn BBC talið að
tveir árásarmannanna í París hafi komið til Grikklands
á fölsuðum vegabréfum sem flóttamenn.
Brussel enn í mikilli hættu
AFP