Morgunblaðið - 30.11.2015, Blaðsíða 6

6 FRÉTTIRInnlent
MORGUNBLAÐIÐ MÁNUDAGUR 30. NÓVEMBER 2015
Guðmundur Magnússon
gudmundur@mbl.is
„Ég bind vonir við að þessi ráð-
stefna muni skila miklum árangri
fyrir heiminn allan,“ segir Philippe
O’Quin, sendiherra Frakklands á
Íslandi, í samtali við Morgunblaðið
um loftslagsráðstefnu Sameinuðu
þjóðanna - COP21- sem hefst í Par-
ís í dag. Hún hefur verið kölluð
mikilvægasta alþjóðaráðstefna sög-
unnar, enda brýnt orðið að ná tök-
um á þeim vanda sem hlýnun loft-
hjúpsins hefur í för með sér á
jörðinni.
Bjartsýni sendiherrans byggist á
því að flest þátttökuríki hafa fyrir-
fram boðað margþættar skuldbind-
ingar sem taka eiga við þegar
Kyoto-bókunin rennur út árið 2020.
Ýmsir hlutar hennar eru þó ófrá-
gengnir. Er hugmyndin að halda
hitahækkun undir 2°C, en að
óbreyttu verður hitastigið um það
bil 5°C hærra en fyrir iðnbyltingu.
Meðal þess sem gera þarf er að
veita snauðari ríkjum heims fjár-
hagslegan stuðning til að auðvelda
þeim að draga úr mengun og laga
sig að breytingum sem þegar eru að
eiga sér stað í umhverfinu af völd-
um hlýnunar. Hefur verið talað um
að veita sem svarar 100 milljörðum
dollara á ári vegna þessa frá 2020.
40 þúsund þátttakendur
Ísland fylgir þeirri stefnu sem
lönd Evrópusambandsins hafa
markað sem er 40% samdráttur í
losun gróðurhúsalofttegunda fyrir
árið 2030 samanborið við árið 1990.
Ráðstefnuna sækja um 40 þúsund
manns frá öllum ríkjum heims, vís-
indamenn, embættismenn, áhuga-
menn um umhverfismál, ráðherrar
og þjóðarleiðtogar. Frá Íslandi
koma meðal annars Ólafur Ragnar
Grímsson forseti, Sigmundur Davíð
Gunnlaugsson forsætisráðherra,
Gunnar Bragi Sveinsson utanríkis-
ráðherra og Sigrún Magnúsdóttir
umhverfisráðherra. Ráðstefnunni
lýkur 11. desember. Gríðarleg und-
irbúningsvinna liggur að baki ráð-
stefnunni og þykja Frakkar hafa
staðið sig mjög vel við að halda utan
um alla þræði hennar.
Eftir hryðjuverkin í París fyrir
rúmum hálfum mánuði voru uppi
raddir um að skynsamlegast væri
að fresta ráðstefnunni. Frá því var
fallið og segir Philippe O’Quin að
þátttakendum hafi fjölgað og megi
líta á það sem stuðning við Frakka
og þá almennu samstöðu sem þar í
landi hefur skapast um að láta
hryðjuverkamenn ekki eyðileggja
hið frjálsa og lýðræðislega þjóð-
félag. „Við ætlum ekki að láta
hræða okkur frá því að lifa því lífi
sem við kjósum,“ segir sendiherr-
ann.
Philippe O’Quin hefur tekið virk-
an þátt í að kynna ráðstefnuna hér
á landi. Hann hitti stúdenta í Há-
skóla Íslands fyrir helgi og mætti á
fund í Höfða á dögunum þar sem
kynnt voru áform fjölda íslenskra
fyrirtækja um sameiginlega yfirlýs-
ingu þar sem þau skuldbinda sig til
að setja sér markmið í loftslags-
málum og fylgja þeim eftir með að-
gerðum. Í ávarpi á fundinum hvatti
sendiherrann fyrirtækin til að taka
þátt því slík yfirlýsing og frum-
kvæði fyrirtækja væri í takt við það
sem verið er að gera víða um heim.
Rætur flóttamannavandans
Aðspurður hvort hætta væri á að
viðsjár í alþjóðamálum að undan-
förnu mundu draga athyglina frá
verkefnum loftslagsráðstefnunnar
kvaðst sendiherrann ekki telja að
það myndi gerast. Hnattrænar um-
hverfisbreytingar magna mörg
vandamál samtímans, svo sem hinn
stóraukna fjölda flóttafólks. For-
ystumenn ríkja heims gerðu sér
grein fyrir að ef ekki væri gripið til
ráðstafana myndu æ fleiri flýja
heimkynni sín og komast á vergang.
Við því yrði að sporna. »15
Bjartsýnn á árangur í París
 Sendiherra Frakklands á Íslandi bindur miklar vonir við loftslagsráðstefnuna sem hefst í dag
 Víðtækur stuðningur við margþætta aðgerðaáætlun þegar Kyoto-bókunin rennur út árið 2020
Morgunblaðið/Árni Sæberg
Umhverfi Philippe O’Quin, sendiherra Frakklands á Íslandi, er bjartsýnn á árangur loftslagsráðstefnu Sameinuðu
þjóðanna sem hefst í París í dag. Hann hefur að undanförnu tekið virkan þátt í að kynna ráðstefnuna hérlendis.
Sigurður Bogi Sævarsson
sbs@mbl.is
„Skaðinn sem Skaftárhlaupið olli er
mikill, en þetta skýrist ekki að fullu
fyrr en með vorinu þegar aðstæður
verða til að kanna stöðuna inni á af-
rétti. Það er alveg ljóst að ýmsar
skemmdir þarf að bæta og þá koma
þessir fjármunir sér vel,“ segir
Sandra Brá Jóhannsdóttir, sveitar-
stjóri Skaftáhrepps.
Kemur sér vel
Meirihluti fjárlaganefndar Al-
þingis lagði til í síðustu viku að úr
ríkissjóði yrði varið alls 56 milljón-
um króna til þriggja sveitarfélaga
hvar urðu skemmdir af völdum nátt-
úruhamfara á síð-
asta ári. Lagt er
til að Ísafjarðar-
bær fái 13 millj-
ónir króna vegna
vatnsflóða í febr-
úar síðastliðnum
þegar vatnsflóð
olli skemmdum á
Suðureyri, til
dæmis á veitu-
kerfi, safnahúsi
og sundlaug. Einnig er gert ráð fyr-
ir að Fjallabyggð fái sömu upphæð
til að mæta ófyrirséðum útgjöldum
sveitarfélagsins vegna flóðanna á
Siglufirði í ágúst síðastliðnum þegar
aurflóð féll á bæinn í kjölfar rign-
inga.
Loks var gerð tillaga um að
Skaftárhreppur fengi 30 milljónir
króna til að mæta kostnaði við við-
gerðir á óskráðum vegum, varnar-
görðum og girðingum sem eyðilögð-
ust í Skaftárhlaupinu sem varð í lok
september. „Nú þurfum við að fara
yfir stöðuna og forgangsraða verk-
efnum. Þetta framlag frá ríkinu
kemur sér sannarlega vel,“ segir
Sandra Brá Jóhannsdóttir.
Í Skaftártungu eru tólf bæir í
byggð og á nokkrum þeirra eyði-
lagðist ræktarland og girðingar í
flóðinu. Þær búsifjar segir sveitar-
stjórinn að Bjargráðasjóður muni
bæta og hafi menn á hans vegum
komið austur í haust og tekið stöð-
una út. Frekari afgreiðsla mála hjá
sjóðnum er þó eftir.
Nýtt brúarstæði í athugun
Mestu afleiðingar hlaupsins séu
þó sennilega skemmdirnar á brúnni
yfir Eldvatn við Eysti-Ása, en sem
kunnugt er gróf mikið undan eystri
stöpli hennar í flóðinu svo nauðsyn-
legt var að loka henni. Nýlega var
brúin opnuð fyrir umferð léttari
bíla, sem kemur sér vel, til dæmis
vegna skólaakstur. Ljóst er þó að
reisa þarf nýja brú á þessum slóð-
um. Brúarstæðið yrði þó annað en
nú er og því hafa menn á vegum
Vegagerðarinnar kannað svæðið og
lesið í landið.
Skaftárhreppi bættur skaðinn
 30 milljónir kr. frá ríkinu vegna náttúruhamfara  Afleiðingar Skaftárhlaups
skýrast í vor  Leit að brúarstæði  Suðureyri og Siglufjörður fá einnig stuðning
Morgunblaðið/RAX
Hamfarir Í Skaftárhlaupi margfaldaðist vatnsmagn fljótanna, svo Eldvatnið var mjög tilkomumikið að sjá.
Sandra Brá
Jóhannsdóttir
Grjótvörn við vestari bakka Eld-
vatnsins neðan við Ásabæina í
Skaftártungu kom í veg fyrir að
kirkjugarðinn í Eystri-Ásum tæki
af. Talsvert hefur grafið úr bakk-
anum á undanförnum árum og
hefur fljótið verið að færa sig sí-
fellt nær garðinum, hvar var graf-
ið frá kristnitöku fram yfir alda-
mótin 1900.
„Það eru fjögur til fimm ár síð-
an þessi grjótvörn var útbúin og
nú er gildi hennar sannað,“ segir
Gísli Halldór Magnússon, bóndi í
Ytri-Ásum, í samtali við Morg-
unblaðið. Hann telur að hundr-
uðum manna hafi í aldanna rás
verið útbúinn legstaður þarna.
„Sem betur fer fóru beinin ekki í
þessa jökuleðju. Á sínum tíma
vildu vísindamenn nálgast jarð-
neskar leifar fólks sem hafði lifað
Skaftárelda með tilliti til þess
hvaða áhrif öskumengun hefði
haft á þess bein og liðamót. Ég
held að þeir hafi farið í gegnum
fjögur lög af gröfum til að finna
réttu beinin.“
Beinin sluppu frá jökuleðjunni
LEGSTAÐUR ALDANNA Á BÖKKUM ELDVATNSINS
Morgunblaðið/Sigurður Bogi
Kirkjugarður Eldvatn hefur étið sig æ
nær en nú virðist framrásin stöðvuð.
Upp úr miðnætti
í fyrrinótt var
lögreglu tilkynnt
um mann á
Gömlu-Hring-
braut, sem var
mjög ölvaður og
gekk fyrir bíla.
Kastaði hann sér fyrir lögreglubíl
og var í framhaldi af því færður á
lögreglustöðina Hverfisgötu. Þegar
búið var að fá upp nafn og hvar við-
komandi átti heima ætluðu lög-
reglumenn að koma honum heim.
Það hugnaðist honum ekki og veitt-
ist að lögreglumönnum. Maðurinn
var vistaður í fangageymslu.
Skömmu síðar var tilkynnt um
líkamsárás í Kópavogi. Maður hafði
verið sleginn í andlitið þannig að í
honum brotnuðu tvær framtennur
og var hann einnig með áverka á
nefi. Gerandi var farinn af vett-
vangi en lögregla er með upplýs-
ingar um viðkomandi.
Maður kastaði sér
fyrir lögreglubíl
Einn heppinn
lottóspilari var
með allar töl-
urnar réttar í út-
drætti á laug-
ardagskvöld og
hlýtur hann 45,4
milljónir í vinn-
ing. Miðinn var
keyptur í Olís Sæbraut v/Sunda-
garða í Reykjavík. Enginn var með
fjórar tölur réttar auk bónustölu og
gekk 2. vinningur upp á rúmlega
hálfa milljón því ekki út. Fimm
voru með 4 réttar tölur í Jókernum
og hlýtur hver þeirra 100.000 kr. í
vinning.
Glúrinn Eyjamaður náði 13 rétt-
um á Enska getraunaseðilinn á
laugardag og fær rúmar þrjár
milljónir króna fyrir vikið. Eyja-
maðurinn var eini Íslendingurinn
með 13 rétta.
Fær yfir 45 milljónir
króna í lottóvinning