Víkurfréttir - 10.11.1988, Page 20

\fiKun
jttWt
Fimmtudagur 10. nóvember 1988
AFGREIÐSLA BLAÐSINS
er að Vallargötu 15. - Síniar 14717, 15717.
TEKKAREIKNINGUR
SPURÐU SPARISJÓÐINN
Hnútur setti bát-
inn á hliðina
Litlu munaði að manntjón
yrði um fimm sjómílur frá
Sandgerðisbauju, um kl. 18 á
föstudag, er harður hnútur
skall á línubátnum Þorsteini
KE 10, sem var á landleið til
Sandgerðis. Skall hnúturinn
aftan til á stjórnborðshlið og
lagði bátinn á bakborðshlið-
ina.
Jafnframt brotnaði borð-
stokkurinn stjórnborðsmegin
nánast frá spili og aftur fyrir
stýrishús eða alls 7 styttur. Þá
reif sjórinn upp stýrishúss-
hurðina og komst bæði niður í
vélarúm og lúkar. Er þetta
gerðist voru tveir menn
frammí lúkar en Hafsteinn
Ingólfsson, skipstjóri og eig-
andi bátsins, við stýrið en eng-
an þeirra sakaði. Línubalar,
sem voru á dekki, féllu útbyrð-
is og þar sem öll tækin í stýris-
húsinu urðu óvirk varð bátur-
inn strax sambandslaus við
aðra.
Þar sem vél bátsins stöðvað-
ist ekki, línan slapp við skrúf-
una og lestarlúgan var af svo-
nefndri kafbátalúgugerð,
tókst skipstjóranum að sigla
bátnum upp úr þessu og rétta
hann af. Hefði línan farið í
skrúfuna eða lestarlúgan opn-
ast hefði vart þurft að spyrja að
leikslokum.
Þegar hér var komið sögu
var skotið upp einu neyðar-
blysi sem kona ein í Sandgerði
sá og lét lögreglu vita, jafn-
framt sáu menn í nærstöddum
bátum til neyðarblyssins.
Voru björgunarsveitirnar í
Garði og Sandgerði þegar kall-
aðar út í viðbragðsstöðu en á
hjálp þeirra þurfti ekki að
halda. Sigldi Þorsteinn KE síð-
an fyrir eigin vélarafli til
Keflavíkur og þangað fylgdu
honum bátarnir Sandvík GK
325 frá Grindavík og Kefla-
víkurbáturinn Jóhannes Jóns-
son KE 79. Komu þeir til
Keflavíkur á áttunda tímanum
um kvöldið.
Er komið var að bryggju var
þegar farið í að landa aflanum
og skipa á land línunni sem
náðist aftur, eins og ekkert
hefði í skorist. Var báturinn
síðan tekinn upp hjá Skipa-
smíðastöð Njarðvíkur á laug-
ardeginum. Þorsteinn KE 10
er 28 tonna eikarbátur, smíð-
aður í Danmörku 1955.
Er óhappið varð og klukku-
tímum þar á undan var veður
slæmt á þessum slóðum og
áttu margir bátar í erfiðleikum
með að draga línu sína, jafn-
framt því sem flestir þeirra
báta, sem róa frá Sandgerði,
komu til Keflavíkur þetta
kvöld vegna brims á fyrr-
nefnda staðnum.
Það er sama hvort skemmdirnar á borðstokknum eru skoðaðar utan- eða innafrá, þær leina sér ekki. Enda hefur verið hér um mjög harðan hnút að ræða.
Gnúpur GK:
Aflaverðmæti 20
milljónir á mánuði
Útgerð ,,sa!tfisktogarans“
Gnúps GK frá Grindavík ætl-
ar að reynast einkar athyglis-
verð, að sögn Fiskifrétta. Hef-
ur togarinn veitt þorsk í sum-
ar, sem hefur verið flattur og
saltaður um borð, auk nokk-
urs magns af karfa. Hefur
þessi ,,blandaða“ útgerð geftð
um 15 milljóna króna afla-
verðmæti á mánuði. Þó var
aflaverðmæti júlímánaðar um
20 milljónir króna.
Er vinnu um borð hagað
þannig að allur þorskurinn er
tekinn og flattur jafnóðum um
borð og hann síðan saltaður
niður í kör. Flatti fiskurinn er
síðan tekinn og flokkaður í
landi, snyrtur og ormahreins-
aður og hann síðan saltaður
aftur í kör.
Tvær bílveltur
í skyndihálku
Þrennt var í bílnum er valt í
Á ellefta tímanum á þriðju-
dagsmorgun gerði skyndilega
mikla hálku á Reykjanesbraut
með þeim afleiðingum að tveir
bílar ultu á brautinni.
Kom tilkynning til lögregl-
unnar í Keflavík kl. 10:52 um
bílveltu í Kúagerði. Voru þeg-
ar sendir tveir lögreglubílar á
vettvang en annar komst
aldrei nema að Grindavíkur-
veginum, því þar var einnig
bílvelta.
Kúagerði, voru tveir teknir
upp í bíla er komu þarna að og
fluttir til læknis, en sá þriðji
ætlaði að koma sér þangað
sjálfur. Einn var í bílnum á
Grindavíkurvegi og slapp án
teljandi meiðsla.
Af þessu tilefni er rétt að
benda vegfarendum um
Reykjanesbraut á þá hættu er
getur skapast þar óvænt
sökum hálku, við hin ólíkleg-
ustu akstursskilyrði.
TRÉ-X byggingavörur
Iðavöllum 7 - Keflavík - Sími 14700
Miðneshreppur:
Minkur
mr
i
andahóp
Hann komst heldurbeturí
feitt, minkurinn sem var að
læðupokast í Miðneshreppi á
sunnudag. Gerði minkurinn
sér lítið fyrir og drap nokkr-
ar endur og skelkaði aðrar,
áður en eigandi fuglanna
varð dýrsins var. Var haft
samband við lögreglu sem
síðan sá um skýrslugerð um
málið.
Sex stútar
undir stýri
Lögreglan í Keflavík tók í
síðustu viku sex ökumenn
fyrir meinta ölvun við akst-
ur. Þá tók lögreglan einnig
tvo ökumenn fyrir að aka
réttindalausir en þeir höfðu
áður vcrið sviptir ökuleyf-
um.
Sex umferðaróhöpp urðu í
umdæmi lögreglunnar, sem
hún þurfti að hafa afskipti
af. Nokkur erill hefur verið
hjá lögreglunni og t.a.m.
fékk hún 105 útköll í síðustu
viku.
Grindavík:
Síldin heldur
fólki rólegu
Lögreglan í Grindavík
hefur átt rólega daga að
undanförnu. Að sögn Sig-
urðar Ágústssonar hjá lög-
reglunni í Grindavík, hefur
síldin og öll sú vinna sem er í
kringum hana haldið fólki
rólegu. Einungis tveir voru
teknir fyrir of hraðan akstur
á Grindavíkurveginum í síð-
ustu viku.
Vscri það ekki þjóðráð fyrir
lögregluna að hafa síld í
lögreglubílununi? . . .