Víkurfréttir - 07.09.1989, Blaðsíða 15

Viðhorf
Þriggja milljarða flakk
Gólfþurrkulýður
Ameríkuhers
Sjötta ágúst sl. var sýnd
mynd á Stöð 2 sem heitir
„Víetnam eftir stríð“. Sá ég
þessa mynd. Fannst mér hún
afar vel gerð og hafði mjög
mikil áhrif á mig.
Ég held að skriffinnar
Moggans og annar gólf-
þurrkulýður Ameríkuhers og
hernaðaruppbyggingar Nató
ættu að skoða þessa mynd
þegar þeir lofsyngja hernaðar-
aðstoð Ameríkumanna við
óaldarlýð víða um heim og
telja allt af hinu góða. Það
kom fram í þessari mynd að sá
efnahernaður sem ameríski
herinn beitti í Víetnam er enn
að grassera og stór landssvæði
verða ekki nýtt og mikill fjöldi
barna fæðist svo hræðilega
vanskapaður að undrun og
skelfingu vekur.
Hlöðukálfar
frjálshyggjunnar
Um svipað leiti var einn
helsti hlöðukálfur frjálshyggj-
unnar og skriðdýrsháttar fyrir
kananum að gagnrýna ríkisút-
varpið vegna frásagnar þess af
aftöku William Higgins og
taldi Atla Rúnar hugsunar-
lausan hálfvita að kalla þetta
aftöku en ekki morð. Einnig
að útvarpið hefði móðgað
bandarísku þjóðina, okkar
bestu vini. Én Bandaríkja-
menn eru bara ekki alls staðar
velkomnir.
Förumanna-
flokkamir
9. ágúst var svo viðtal við
forsetann okkar sem var að
koma heim úr 11 daga flakki
með fríðu föruneyti um Kan-
ada með viðkomu á Ný-
fundnalandi. Það eru nú meiri
förumannaflokkarnir þessir
svokölluðu ráðamenn okkar.
Það eru stórir hópar af topp-
mönnum okkar hreint um all-
an heim árið um kring.
Forsetinn var spurður hvort
hún væri ekki þreytt eftir ferð-
ina og þar sem hún færi nú
aðra reisu þann 12. sama mán-
aðar. Forsetinn taldi það
mestu furðu hvað hún kæmist
yfir og sagði efnislega: „Að
þetta væri sama eins og venju-
legur togaratúr, hvað vinnu
snertir.“
Argasta óvirðing
Mér komu í hug siglingar
hér á árum áður á Nýfundna-
landsmið og svo flakk ráða-
manna þjóðarinnar í dag á
einkaflugvélum. Ég held að
það sé argasta óvirðing við
aldna togarasjómenn frá þeim
tíma að tala um togaratúr í
sambandi við ráðaleysis- og
snobbflakk í dag og þá hörðu
raun sem margir komust í við
Nýfundnaland á gömlu togur-
unum og komu enda ekki allir
aftur. Allavega hvíla þar í
votri gröf fimm nákomnir
frændur mínir frá þeim tíma.
Það er ekki hægt að segjá í
stuttu máli það sem maður
vildi.
Ekki orðið
að neinu gagni
30. jan. 1987 var merkilegt
viðtal í Tímanum við Stein-
Guðmundur
Vigfússon
skrifar
'cy
grím Hermannsson. Hann var
þá að undirbúa flóttann frá
Vestfjörðum og hingað á Suð-
urnes. Það var nú ekki neitt
smávegis sem hann ætlaði að
gera fyrir okkur Suðurnesja-
menn. Ég átti smá grein í Vík-
urfréttum stuttu síðar og spá
mín hefur því miður ræst.
Steingrímur hefur alls ekki
orðið að neinu gagni hér á Suð-
urnesjum hvað útvegsmálin
varðar. En þegar Patreksfjarð-
arhneykslið var loks stoppað
af þá var hann hlaupandi milli
stofnana ef hægt væri að
hjálpa þeim.
Það fór minna fyrir honum
þegar Hraðfrystihús Keflavík-
ur var að lognast út af og skip
og bátar hafa verið seidir héð-
an. Hinsvegar vita allir sem til
þekkja hvernig kaupfélags-
málin á Patró hafa gengið til,
það er allt eitt svínarí frá upp-
hafi byggingar þessa stóra
húss sem aldrei var neinn
grundvöllur fyrir.
„I>að er svo toppurinn
á þessu svínaríi, að
brigsla þeim sem
kaupa úr þrotabúum
um allar vammir og
skammir“.
Stórpólitískt mál
Bygging Hraðfrystihúss
Patreksfjarðar var stórpóli-
tískt mál frá upphafi. Það var
fyrir ágætis hús, Skjöldur h.f.,
sem Magnús frá Tungu rak og
var búið að endurbæta mikið
og mátti gera gott án stórra
fjármuna. En framsóknar-
mafían á Patró vann að því öll-
um árum að drepa niður undir
sjávarútvegsráðherravaldi
Steingríms og peningavaldi
Regins h.f.
Það voru engir peningar til á
Patró fyrir þessu húsi. Það vita
heimamenn mjög vel. Togar-
inn Sigurey og Þrymur hafa
ekki landað afla sínum þar og
mikið af afla annarra báta hef-
ur verið fluttur burt í langan
tíma. Það er svo toppurinn á
þessu svínaríi að brigsla þeim
sem kaupa úr þrotabúinu um
allar vammir og skammir.
Niðurskurður
sjúkraþjónustu
Þegar ráðamenn okkar eru
það lengi heima að þeir náist í
fjölmiðla snýst allt þeirra tal
um nauðsynlegan niðurskurð
á útgjöldum ríkisins og þá
helst á sjúkraþjónustunni. Það
eru of margir sem þurfa á
læknishjálp að halda og notuð
of mikil meðul, en það er ekki
nefnt að um síðustu mánaða-
mót var búið að eyða í flakk
ráðamanna og veislur 3 mill-
jörðum af almannafé. Nei,
læknar og annað starfsfólk
sem starfar að sjúkramálum
vinnur örugglega fyrir sínum
launum og fer eins vel með allt
og frekast er unnt.
Ég hef því miður síðastliðin
tvö ár þurft svolítið að um-
gangast sjúkrastofnanir og ég
held að þeir sem gaspra mest
um að skera niður þá kostnað-
arliði hefðu gott af að kynnast
þeim málum á stofnunum.
Smáflskadrápið
En aftur að sjávarútvegin-
um svolítið. Það er nú uppi
umræða um að minnka sókn-
ina í fiskimiðin og skyldi eng-
an undra. Það er alveg hörm-
ung að sjá fiskinn sem kemurá
land af togurunum. Nánast
eintómur smáfiskur, varla sést
málsfiskur. Er smáfiskadrápið
alveg skelfilegt. Það var því
mjög athyglisvert í fréttum að
10 skip væru í smíðum fyrir 2
milljarða handa mjög svo illa
stæðum útgerðarmönnum og
gífurleg íjölgun smábáta.
Háhljóðandi
útgerðarmenn
Á sama tíma eru ráðamenn
þjóðarinnar að boða fækkun
skipa. Þrátt fyrir barlóm og
tap sem á að vera á útgerðinni,
bjóða útgerðarmenn allt að 50
kr. fyrir kílóið af óveiddum
fiski og rífast um að kaupa
báta, gamla og nýlega, til aðfá
kvótann og henda bátunum.
Það var því nokkuð gott hjá
Steingrími þegar hann móðg-
aði útgerðarmafiuna í Vest-
mannaeyjum og sagði að þeir
borguðu ekki sínar skuldir en
keyptu báta um allt land.
Hann bara gleymdi þvi að það
eru ekki aðeins þeir í Eyjum
sem það leika. Maður horfir á
það um allt land að háhljóð-
andi útgerðarmenn geta end-
urnýjað og bætt sinn flota, þó
þeir geti ekki staðið í skilum
með eitt og annað og flest virð-
ist snúast um kaup þeirra sem
vinna verst launuðu skítverk-
in.
Mér virðist allavega að for-
svarsmenn ýmissa útgerða
gangi ekki á botnlausum skón-
um milli staða. Ég vil að lokum
taka fram að persónulega ber
ég ekki kala til minna vinnu-
veitenda. Þeir hafa reynst mér
vel þegar ég hef mest þurft
þeirra með.
Guðmundur Vigfússon,
Sandgerði.
Vikurfréttir
sept. 1989 15
Öll almenn gröfuvinna
Snjómokstur - Vörubíll
Gröfuþjónusta
Baldurs Árnasonar
Holtsgötu 6 - 245 Sandgerði -
Sími 37607
n ■■
i" ii m
~~Ti
Byggöasafn Suöurnesja

Opið á laugardögum kl. 14 - 16.
Aðrir timar eftir samkomulagi.
Upplýsingar í simum 13155, 11555 og 11769.

OtSJ
KEFLAVÍK, GRINDAVÍK,
SANDGERÐI, GARÐUR:
Innritun daglega í síma:
(92) 68680
klukkan 21-22