Morgunblaðið - 08.12.2015, Blaðsíða 44

ÞRIÐJUDAGUR 8. DESEMBER 342. DAGUR ÁRSINS 2015
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 488 ÁSKRIFT 5295 HELGARÁSKRIFT 3307 PDF Á MBL.IS 4696 I-PAD ÁSKRIFT 4696
1. „Held ég fái mér bara að reykja“
2. Svona er best að leggja bílnum
3. Aftakaveður „í beinni“
4. „Húsið er bara að liðast í sundur“
»MEST LESIÐ Á mbl.is
FÓLK Í FRÉTTUM
 Á þriðjudagskvöldum í desember
verður boðið upp á húslestur í Pet-
ersen-svítunni á þriðju hæð Gamla
bíós og munu margir af fremstu rit-
höfundum, tónlistarmönnum og ljóð-
skáldum landsins koma fram. Hús-
lesturinn í kvöld ber yfirskriftina
Skáldkonur spjalla og koma fram
Ingibjörg Hjartardóttir, Ragnhildur
Thorlacius, Þórunn Jarla Valdimars-
dóttir og Iðunn Steinsdóttir.
Morgunblaðið/Eggert
Skáldkonur spjalla
 Swing-
kompaníið heldur
jólatónleika í
Fella- og Hóla-
kirkju í kvöld kl.
20.30 með barna-
kór og kór kirkj-
unnar, Kór Fjöl-
brautaskólans í
Breiðholti og kór-
stjóranum og orgelleikaranum Arn-
hildi Valgarðsdóttur. Hljómsveitina
skipa Greta Salóme, fiðluleikari og
söngkona, Unnur Birna Björnsdóttir,
fiðluleikari og söngkona, Lilja Björk
Runólfsdóttir söngkona, Gunnar
Hilmarsson gítarleikari, Leifur Gunn-
arsson bassaleikari og Óskar Þor-
marsson trommuleikari.
Swing-kompaníið í
Fella- og Hólakirkju
 Ragnhildur
Bragadóttir, sagn-
fræðingur og
skjalastjóri á
Biskupsstofu,
flytur erindi um
frillulífi og
framhjátöku á 19.
öldinni kl. 12 í dag
í sal Þjóðminjasafnsins. Erindið
fjallar um líf vinnukonu nokkurrar og
auðugs stórbónda.
Frillulífi og framhjá-
taka á 19. öldinni
Á miðvikudag Breytileg átt, 3-10 m/s og skýjað víðast hvar, en úr-
komulítið. Frost 0 til 10 stig, kaldast inn til landsins.
Á fimmtudag Þurrt og bjart með köflum S- og V-til.
SPÁ KL. 12.00 Í DAG Sunnan hvassviðri með rigningu eða slyddu
þegar kemur fram á daginn, en hægari og léttir til NA-lands. Suð-
læg átt, 8-13 m/s og stöku él S- og V-til í kvöld. Kólnandi veður.
VEÐUR
„Ég held að Emil sé að
þroskast og vaxa. Hann
tekur meiri ábyrgð en verið
hefur. Að sjálfsögðu fylgir
því aukin ábyrgð fyrir ung-
an mann að vera fyrirliði.
Hann gerir margt fyrir okk-
ur og passar vel inn í okk-
ar áætlanir,“ segir þjálfari
Þórs í Þorlákshöfn um leik-
mann umferðarinnar í
körfubolta karla, hinn 21
árs gamla Emil Karel Ein-
arsson. »4
Ungur fyrirliði og
aukin ábyrgð
„Ef okkar skyldi bíða titilbarátta,
annaðhvort á Spáni eða í Evrópu, þá
væri skemmtilegt að taka þátt í því.
Ég er orðinn brattari en ég var, er
kominn í gírinn og langar að klára
dæmið,“ segir körfuboltamaðurinn
Jón Arnór Stefánsson sem hefur gert
munnlegt samkomulag við Valencia á
Spáni um nýjan samning en liðið hef-
ur unnið alla sína
leiki til þessa á
tímabilinu. »1
Langar til að klára
dæmið með Valencia
„Ég bara trúi ekki öðru en að ég
verði í hópnum sem fer á EM. Í
ljósi reynslunnar geng ég ekki út
frá því en þætti það óréttlátt ef
ég yrði ekki með, það er alveg
ljóst,“ segir Bjarki Már Elísson,
handknattleiksmaður hjá Füchse
Berlin, sem hefur náð sér vel á
strik með Berlínarliðinu í sterk-
ustu deild í heimi. » 3
Trúi ekki öðru en að ég
verði í hópnum á EM
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Anna Lilja Þórisdóttir
annalilja@mbl.is
Guðmundur Karl Brynjarsson, sóknarprestur
í Lindakirkju í Kópavogi, semur lög og texta í
frístundum og sendir stundum sköpunar-
verkin í forkeppni Evróvisjón. Eitt evróvisjón-
laga hans er nú orðið að jólalagi, það heitir
Stjörnubjarta nótt og er að finna á nýrri jóla-
plötu. Guðmundur Karl segir bestu jólalögin
„búa til góða jólastemningu án þess að gleypa
allt“.
„Mig dreymdi lagið árið 2012. Þá hafði ég
verið með predikun í kirkjunni, þar sem ég
lagði út frá málverki Van Goghs, Stjörnu-
bjartri nótt. Í predikuninni sagði ég meðal
annars að á sínum tíma hefði fólk ekki komið
auga á snilldina í verkum hans. Nóttina á eftir
vaknaði ég með lagið í kollinum, ég raulaði það
strax og tók það upp. Síðan lét ég það gerjast
innra með mér um tíma áður en ég sendi það í
forkeppni Evróvisjón og þá var það flutt af
Þorleifi Einarssyni,“ segir Guðmundur Karl.
Alltaf að semja
Lagið bar þá líka heitið Stjörnubjarta nótt
og í textanum var fjallað um mann sem bað
stjörnurnar á himnum að segja konunni sem
hann elskaði hug sinn, því hann hafði ekki hug-
rekki til þess sjálfur. „Svona vonlaus róm-
antík,“ segir höfundurinn og hlær. Lagið hlaut
ekki brautargengi í keppninni, en Óskar Ein-
arsson tónlistarmaður og organisti í Linda-
kirkju sá þarna góðan efnivið í jólalag og úr
varð að Guðmundur Karl samdi við það jóla-
texta. Jólalagið var frumflutt í kirkjunni fyrir
síðustu jól og hefur nú ratað á jólaplötu Þórs
Breiðfjörð sem heitir Jól í stofunni og verður
lagið m.a. flutt á tónleikum Þórs í Gamla bíói
um næstu helgi. „Þór sagði mér að hann væri
með jóladisk væntanlegan, ég bauð honum lag-
ið og honum fannst það passa vel inn í þann
anda sem hann vildi hafa á plötunni.“
Guðmundur Karl hefur samið talsvert af
lögum, textum og ljóðum sem mörg hafa verið
flutt opinberlega, m.a. í Lindakirkju og hafa
Rómantíska evróvisjónlagið
breyttist í blíðlegt jólalag
 Guðmund Karl, sókn-
arprest í Lindakirkju,
dreymir lög og texta
Morgunblaðið/Eggert
Jólalagasmiður Guðmundur Karl Brynjarsson, sóknarprestur í Lindakirkju, segir að gott jólalag þurfi að
sínu mati að miðla friði og gleði. Hann segist alltaf vera að semja bæði lög og texta, oft að næturlagi.
verið gefin út á geisladiskum á vegum kirkj-
unnar. Hann segist „alltaf vera að semja“ og á
t.d. texta við lag sem nú tekur þátt í jólalaga-
keppni Rásar tvö. Spurður hvenær hann hafi
tíma til þessarar iðju í annasömu starfi sókn-
arprests í einni af stærstu sóknum landsins
segist hann gjarnan gera það síðla kvölds eða
að næturlagi. „Annars dreymir mig oft lög og
texta og þá flýti ég mér að taka þau upp á sím-
ann minn áður en ég gleymi þeim.“
Að mati sóknarprestsins og lagasmiðsins má
jólalag ekki vera of yfirþyrmandi ef vel á að
vera. „Gott jólalag miðlar bæði gleði og friði.
Hin fyrstu jól eftir Ingibjörgu Þorbergs er
uppáhaldsjólalagið mitt. Þar er steypt saman
fyrstu jólunum og jólunum okkar og þessi
tenging þykir mér svo falleg.“
Aðventan og jólin eru sá tími árs sem er í einna
mestu uppáhaldi hjá Guðmundi Karli sem segist vera
„sérlega mikið jólabarn“. „Það er reyndar alltaf gam-
an að vera prestur, en það er sérstaklega gaman á
þessum árstíma. Ég kemst í jólaskap við að hitta fólk
í kirkjunni og að taka þátt í þeim gleðistundum sem
fylgja hátíðinni. Það kemur mér líka í jólaskap að tala
um hin fyrstu jól og gleðjast yfir þessu mikla undri
sem jólin í raun eru; að okkur hafi verið treyst fyrir
syni guðs.
Mikið jólabarn
GAMAN AÐ VERA PRESTUR Á JÓLUM