Morgunblaðið - 22.12.2015, Side 36
36 DÆGRADVÖL
MORGUNBLAÐIÐ ÞRIÐJUDAGUR 22. DESEMBER 2015
Stjörnuspá
21. mars - 19. apríl
Hrútur Lýstu vandamáli þínu á tæmandi hátt
en með einföldum orðum. Himintunglin sýna
að þú ert skynsamari en þú heldur.
20. apríl - 20. maí
Naut Sköpunargleðin drynur hreinlega í
hverri frumu þinni. Jafnvel þó að þeir meini
vel mun eitthvað verða þess valdandi að lof-
orðin ganga ekki eftir.
21. maí - 20. júní
Tvíburar Það er ekkert sem segir að þú þurf-
ir alltaf að deila þínu með öðrum. Láttu ekki
utanaðkomandi aðila trufla þig.
21. júní - 22. júlí
Krabbi Að vera innan um fólk sem trúir á þig
og hvetur hefur áhrif á viðhorf þitt og þar
með hæfileika og framleiðni. Áhyggjur þínar
eru ástæðulausar því þú hefur alla burði til
þess að leysa málin.
23. júlí - 22. ágúst
Ljón Þú elskar spennu. Jákvæðni þín og
bjartsýni geta áorkað miklu. Að biðja um
hjálp styrkir böndin sem halda þér inni í
tengslaneti annarra.
23. ágúst - 22. sept.
Meyja Það er ekki rétt að fötin skapi mann-
inn. Undirbúðu stórviðburði í einrúmi, annars
áttu á hættu að leiðindi skapist vegna umtals
um fyrirætlan þína.
23. sept. - 22. okt.
Vog Þér er það svo mikið í mun að sannfæra
aðra um þínar eigin skoðanir að hið and-
stæða gæti gerst. Yfirburðatilfinningar koma
þér ekki hvert sem er, heldur ekki afneitun
hugsjónanna.
23. okt. - 21. nóv.
Sporðdreki Samskiptafærni vatnsberans
hefur verið með mesta móti að undanförnu.
Vertu líka viðbúinn því að aðrir komi þér á
óvart.
22. nóv. - 21. des.
Bogmaður Reyndu að sjá alla myndina áður
en þú gerir upp hug þinn. Sæktu því í ein-
veruna og skoðaðu vandlega hug þinn. Skipu-
leggðu vinnutímann betur og leitaðu að-
stoðar með það sem þarf.
22. des. - 19. janúar
Steingeit Gættu að ósjálfráðum viðbrögðum
þínum næstu vikurnar. Taktu það sem mælir
með og spáðu í það hvort nýr mælikvarði
myndi ekki gera aðeins minna úr því.
20. jan. - 18. febr.
Vatnsberi Hugsanlegt er að eitthvað sem
fjölskyldumeðlimir gera valdi hrútnum
áhyggjum eða pirri hann. Farðu þér hægt og
sérstaklega í fjármálum.
19. feb. - 20. mars
Fiskar Eitthvað er ekki alveg skýrt á vinnu-
stað. Barnalegt viðhorf þitt mun leysa vand-
ann skjótar en úthugsuð aðferð.
Áföstudag þurfti að stytta Vísna-horn í umbroti eins og oft vill
verða og vildi ekki betur til en svo, að
síðasta hendingin í stöku Friðriks
Steingrímssonar féll niður. Hún var
ort í tilefni af vangaveltum um kven-
gleggni og manngleggni:
Lengi skyggnast margur má
í maka leit og ástarfléttu,
ókvenglöggur er þá sá
sem aldrei finnur sína réttu.
Ekki leið á löngu áður en ég fékk
SMS norðan úr Mývatnssveit:
Halldór Blöndal hafði ei pláss í hefti sínu,
fyrir vikið fjórðu línu
fórnaði úr ljóði mínu.
Hér yrkir Friðrik braghendu og
vildi sýnilega ekki hætta á það, að
„fjórða línan“ félli niður!
Mistök voru gerð við miðasölu á
tónleika Justins Biebers, – Gunnar
Kr Sigurjónsson yrkir á Boðnarmiði:
Í útvarpi óttalegt píp er,
um einhvern sem verulegt kríp er.
Það er fjölmiðlafár
og nú falla mörg tár:
Það er uppselt á ungstirnið Bieber!
Kvöldfundur var í þinginu, – og
Hjálmar Freysteinsson orti:
Geispa og hausana hrista,
hugsa: Ég nenni ekki að gista!
Mörg eru þá …
málin á
pallborði populista.
Margur verður myrkfælinn í
skammdeginu, – Sigurlín Her-
mannsdóttir yrkir:
Hann Eyjólfur eldri á Haugum
var afspyrnu slappur á taugum.
Und sængina skreið,
þess skjálfandi beið
að yrði hann drepinn af draugum.
Hreinn Þorkelsson er hestamaður
góður:
Kemur að stóðinu styggðin,
stendur á öndinni byggðin
er heyrist því fleygt
að frelsið sé leigt
og betri sé dýr ætt en dyggðin
Og enn yrkir hann:
Áður en heillumst af töfrandi tónum
af trúmennsku skæðin við bónum,
því hrósandi sigri
Sigurjón digri
hefur amast við skítugum skónum
Og í lokin vísa eftir Guðmund
Þorláksson magister, Glosa:
Ástin mága oft er köld;
á hver dagur um síðir kvöld;
lík skulu vera gjöfum gjöld,
glópurinn margur kemst í völd.
Halldór Blöndal
halldorblondal@simnet.is
Vísnahorn
Fjórða hendingin,
kvengleggni og dyggðin
Í klípu
„ÞAÐ VAR GÖMUL KONA SEM KEYRÐI HANN
BARA TIL KIRKJU Á SUNNUDÖGUM – OG REYK-
SPÓLAÐI Í HRINGI Á BÍLASTÆÐINU ÞAR.“
eftir Mike Baldwin eftir Jim Unger
„ÉG VIL EKKI VERA Í KVIÐDÓMI!
GET ÉG EKKI VERIÐ VITNI?“
Hermann
Ferdinand
Hrólfur hræðilegi
Grettir
... að fullvissa þau um
að jólasveinninn muni
eftir þeim.
MÉR VAR SAGT AÐ
ÞAÐ YRÐU FLUGUR
OG KAKÓ!
VIÐ ERUM BORNIR
OFURLIÐI!!
ÞAÐ ER HÉR SEM
MENNIRNIR
SKILJAST FRÁ
DRENGJUNUM!!
HVER VILL KOMA Í
ELTINGARLEIK?
Heiðar heiðarlegi
Einn eigand
i!
NOTAÐIR BÍLAR
Víkverji elskar jólin og hefur hald-ið fast í allar hefðir þeim tengd-
ar. Jólakort eru send vinum og ætt-
ingjum hér heima og erlendis,
laufabrauð bakað og steikt, skellt í
nokkrar smákökusortir, heimilið
þrifið hátt og lágt og jólatréð skreytt
á Þorláksmessukvöldi. Það skal tek-
ið fram strax að Víkverji gerir þetta
alls ekki einn og óstuddur, heldur
nýtur þess að eiga góðan betri helm-
ing.
x x x
Síðan eru það matarhefðirnar. Þaðer saltfiskur á Þorláksmessu,
purusteik á aðfangadegi jóla og
hangikjöt á jóladegi. Skatan á ekki
upp á pallborðið á heimili Víkverja
og ólíklegt að þeirri hefð verði nokk-
urn tímann breytt, að hafa saltfisk
með rúgbrauði og smjöri. En svo bar
við um þessar mundir að allir voru
orðnir leiðir á purusteikinni. Því
ekki að breyta til? spurði annar ung-
lingurinn á heimilinu og það merki-
lega gerðist að foreldrarnir tóku
undir.
x x x
Víkverji er enn að jafna sig á því aðhafa samþykkt að breyta til með
jólamatinn. Veit í raun ekki enn hvað
gerðist í heilabúinu. En þetta sam-
þykki varð ekki aftur tekið. Eftir
nokkrar umræður og lýðræðislega
kosningu var niðurstaðan að hafa
kalkún á aðfangadegi jóla. Kannski
ekki frumlegasta valið en hæfilega
stutt skref stigið frá purusteikinni.
Kjötið býsna hvítt í báðum tilvikum
og óreykt. Ekki var til umræðu að
skipta út hangikjötinu á jóladegi, því
eitthvað verður jú að borða með öllu
laufabrauðinu sem var bakað.
x x x
Líklega er Víkverji að veikjast áfleiri stöðum heilabúsins. Með
góðum stuðningi betri helmingsins,
viðraði hann þá hugmynd að skreyta
jólatréð um helgina, m.a. með þeim
rökum að tréð var keypt fyrir viku
og hefur staðið óskreytt síðan í stof-
unni, kettinum til mikillar gleði sem
með þorsta sínum er á góðri leið með
að drepa tréð áður en jólin ganga í
garð. Unglingarnir börðu í borðið og
sögðu: Við skreytum tréð á Þorlák!
víkverji@mbl.is
Víkverji
Gleymið ekki gestrisninni því að
vegna hennar hafa sumir hýst engla
án þess að vita.
Hebreabréfið 13:2.
• Fullkomin forgreiningarstöð. Forgreining segir okkur flest
allt um ástand bílsins og gæði.
• Sérhæft og vottað þjónustuverkstæði sem uppfyllir
allar ströngustu kröfur VW og Skoda.
• Hefur gæðavottun Bílgreinasambandsins
með gæðaúttekt frá BSI á Íslandi.
• Starfsleyfi til endurskoðunar frá Samgöngustofu.
Við leitumst við að vera samstíga því besta í Evrópu.
Komið, sjáið og sannfærist.
REGLULEGT VIÐHALD
HÆKKAR ENDURSÖLUVERÐ
forðastu verðrýrnun bílsins og pantaðu tíma í forgreiningu
Kletthálsi 9 • 110 Reykjavík • Sími 568 1090 • bilson@bilson.is • bilson.is
Kletthálsi 9 • Sími 568 1090
- V E R K S T Æ Ð I Ð -