Morgunblaðið - Sunnudagur - 22.05.2016, Page 18

18 MORGUNBLAÐIÐ SUNNUDAGUR 22.5. 2016
HANDBOLTI
RAFMAGNAÐ ANDRÚMSLOFT Í SCHENKER-HÖLLINNI
Djammað fram
í dagrenningu
Haukar urðu Íslandsmeistarar í handbolta karla á fimmtudags-
kvöldið eftir hnífjafna og æsispennandi úrslitaviðureign gegn
Aftureldingu. Stuðningsmenn beggja liða fjölmenntu í
Schenker-höllina á Ásvöllum enda fara viðureignir sem þessar
ekki síður fram á pöllunum en inni á vellinum sjálfum. Raf-
mögnuð stemning var allt frá upphafi til enda en eins og gefur
að skilja var bjartara yfir áhangendum Haukanna í leikslok.
Ljósmyndir: Styrmir Kári Erwinsson styrmirkari@mbl.is
Ekki fer milli mála hvaða lið þessir ágætu áhorfendur styðja. Handbolti er mikil stemningsíþrótt og gott stuðningslið er
gulls ígildi. Stuðningslið Haukanna kallast að sjálfsögðu „Haukar í horni“.
Ýmsum var heitt í hamsi og undir þeim kringumstæðum er bara eitt í stöðunni, að
rífa sig á kassann. Af sólgleraugunum að dæma eru menn bjartsýnir á framhaldið.
Það er ekki alltaf tekið út með sældinni að sækja handboltaleiki. Af svipnum að
dæma styður þessi ungi áhorfandi Aftureldingu. Það gengur bara betur næst!
„Haukar í horni“ lifðu sig inn í leikinn og höfðu lengst af frumkvæðið enda tók
þeirra lið snemma forystuna í leiknum og hélt henni uns yfir lauk.
Þjóðfáni Brasilíu var áberandi á áhorfendapöllunum. Hvers vegna er ekki gott að
segja en því er ekki að neita að bæði lið sýndu á köflum sannkallaða sambatakta.