Morgunblaðið - 17.06.2016, Qupperneq 2

2 FRÉTTIRInnlent
MORGUNBLAÐIÐ FÖSTUDAGUR 17. JÚNÍ 2016
Morgunblaðið Hádegismóum 2, 110 Reykjavík. Sími 5691100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Sigurður Nordal vidskipti@mbl.is Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/senda grein Prentun Landsprent ehf.
Guðni Einarsson
gudni@mbl.is
Erling Ólafsson skordýrafræðingur
greindi frá því á Facebook-síðu sinni,
Heimur smádýranna, í gær að und-
anfarna daga hefðu honum borist til-
kynningar um spánarsnigla frá
Sauðárkróki, Dalvík og Húsavík.
„Þessum málum er það sameigin-
legt að allir fylgdu sniglarnir blóma-
bökkum með stjúpum sem keyptir
voru í verslunum sömu blómaversl-
unarkeðjunnar á Norðurlandi.
Samskonar mál voru uppi sumarið
2014; spánarsniglar á Akureyri, Dal-
vík og Höfn í Hornafirði sem tengd-
ust stjúpum frá sömu verslunar-
keðju,“ skrifaði Erling. Hann bætti
því við að svo virtist sem hér færi
fram virk dreifing á sniglum sem all-
ir garðræktendur vildu vera lausir
við.
Erling tilgreindi ekki nafn versl-
unarkeðjunnar en kvaðst hafa reynt
án árangurs að komast í samband við
ábyrga aðila hjá henni til þess að
hvetja þá til að kanna ástandið hjá
framleiðanda blómanna.
„Einhvers staðar í ferlinu er
„blómapottur“ brotinn. Ég vil ekki
lengur bíða með að hvetja þá sem
kaupa sér sumarblómin þessa dag-
ana til að hafa þetta í huga og skoða
sérstaklega hólfuðu plastbakkana.
Neðan á þeim leynast sniglarnir auð-
veldlega,“ skrifaði Erling enn frem-
ur. Hann skrifaði að spánarsnigill
flokkaðist sem óæskilegur nýr land-
nemi hér á landi. Þess vegna vekti
hann athygli á þessu og færi fram á
að brugðist yrði við.
„Þetta er óæskileg tegund í land-
inu,“ sagði Erling um spánarsnigil-
inn. Þess vegna þyrfti að hindra út-
breiðslu hans eftir föngum.
Stjúpurnar eru ræktaðar hér
Verslanakeðjan Blómaval er m.a.
með verslun á Akureyri sem selur
blóm og garðyrkjuvörur. Berglind
Bjarnarsdóttir, rekstrarstjóri
Blómavals, sagði í skriflegu svari við
fyrirspurn um málið að Blómaval
seldi eingöngu stjúpur frá innlend-
um ræktendum og legði metnað í að
bjóða einungis gæðavörur. „Það er
okkur mikið kappsmál eins og gefur
að skilja,“ skrifaði Berglind.
„Ég heyrði af atviki á Húsavík í
gær [miðvikudag, innsk. blm.] og er
það eina athugasemdin sem ég hef
heyrt af í sumar og var mjög brugðið
og ræddi við starfsmann Náttúru-
fræðistofu í framhaldi.
Við hörmum þetta mjög og mun-
um að sjálfsögðu fara yfir þessi mál
með ræktendum og tryggja, eins og
okkur er framast unnt, að ræktunin
og öll önnur gæðamál séu í lagi hjá
þeim eins og í verslunum okkar,“
sagði ennfremur í svari Berglindar.
Stjúpunum fylgdu spánarsniglar
Ljósmynd/Erling Ólafsson
Spánarsnigill Sniglarnir verða allt að 15 sm langir og éta m.a. plöntur.
 Skordýrafræðingi bárust tilkynningar frá þremur stöðum um spánarsnigla sem fylgdu bökkum með
stjúpum  Stjúpurnar eru ræktaðar hér á landi  Fólk er hvatt til að skoða vel undir blómabakkana
Tónlistarhátíðin Secret Solstice hófst í Laugardalnum í
gærkvöldi og verður hátíðin í ár sú umfangsmesta til
þessa, en henni lýkur á sunnudag. Þrátt fyrir heldur
hráslagalegt veður og bleytu á köflum fjölmenntu gest-
ir í dalinn og var ekki annað að sjá en að allir skemmtu
sér vel enda góð stemning langt fram eftir kvöldi.
Morgunblaðið/Ófeigur
Hátíðin hafin í Laugardalnum
Secret Solstice hefur aldrei verið jafn umfangsmikil og nú
Reynt verður að ná Jóni Hákoni BA
á flot í Ísafjarðarhöfn í dag, að sögn
Sigurðar Ásgrímssonar sem stýrir
björgunaraðgerðum af hálfu Land-
helgisgæslunnar. Unnið var að und-
irbúningi þess að koma bátnum á
flot í gær. Varðskipið Þór kom með
bátinn upp að bryggju á Ísafirði
undir hádegi í gær. Báturinn var þá
enn á kafi.
Jón Hákon BA sökk út af Aðalvík í
júlí í fyrra. Einn skipverja fórst en
þrír björguðust. Ekki er ljóst hvað
olli því að báturinn sökk. Rann-
sóknanefnd samgönguslysa (RNSA)
rannsakar sjóslysið.
Varðskipið Þór krækti vír í bátinn
á 80-90 metra dýpi á slysstaðnum á
föstudaginn var og lyfti honum af
sjávarbotni. Þór dró bátinn inn á
grunnsævi undan Sléttunesi í mynni
Jökulfjarða. Þar var hægt að koma
böndum á bátinn og hífa hann upp
undir Þór að aftanverðu. Síðan sigldi
Þór með bátinn á mjög lítilli ferð yfir
Ísafjarðardjúp og inn í Ísafjarð-
arhöfn þar sem bátnum var slakað
niður á botn.
„Við erum komnir hingað og þetta
hefur gengið vel. Menn eru yfirveg-
aðir og ætla að láta þetta takast,“
sagði Jón Arilíus Ingólfsson, rann-
sóknastjóri á sjóslysasviði RNSA,
sem er staddur á Ísafirði.
Skemmdir hafa orðið á stjórn-
borðssíðu Jóns Hákons BA líklega
við hreyfingar bátsins á hafsbotni.
Göt eru á skrokknum undir sjólínu
og verða þau þétt með sérstökum
dúk. Að aðgerðum RNSA og Land-
helgisgæslunnar koma um 30
manns. Auk varðskipsins Þórs og
kafara frá Landhelgisgæslunni kem-
ur sjómælingabáturinn Baldur og
áhöfn hans að verkefninu ásamt
verktökum. gudni@mbl.is
Reynt að ná Jóni
Hákoni á flot í dag
 Báturinn hífður af slysstað fyrir viku
Morgunblaðið/Halldór Sveinbjörnsson
Ísafjörður Kafarar á leið niður að
bátnum á botni hafnarinnar.
Spánarsniglar hafa fundist á
nokkrum stöðum á landinu. Þeir
finnast í húsagörðum og gróðr-
arstöðvum, samkvæmt Pöddu-
vef Náttúrufræðistofnunar.
Spánarsniglarnir eru mikil át-
vögl og éta um hálfa þyngd sína
á dag. Á matseðlinum er nánast
allt lífrænt, skrautjurtir og mat-
jurtir eru í uppáhaldi. Snigillinn
hefur dálæti á lyktsterkum
plöntum eins og kryddjurtum,
laukum og flauelisblómum. Auk
þess étur hann hræ, hundaskít
og aðra snigla.
Spánarsnigillinn getur tímg-
ast án þess að makast við ann-
an einstakling og verpir hann
um 400 eggjum.
Átvargurinn
SPÁNARSNIGILLINN
Húsleit lögreglu á heimili sambýlis-
konu Stefáns Almarssonar, sem er
annar tveggja manna sem yfir-
heyrðir voru vegna Guðmundar-
málsins, var nauðsynleg vegna þess
að hann meinaði lögreglu inngöngu í
íbúðina. Lögreglan fékk því úrskurð
um húsleit til þess að fara inn í íbúð-
ina og handtaka manninn en leitaði
ekki í íbúðinni. Davíð Þór Björg-
vinsson, settur saksóknari endur-
upptöku Guðmundar- og Geirfinns-
málsins, staðfestir að
húsleitarheimild hafi verið fengin
vegna þessa í samtali við Morgun-
blaðið.
Hafa báðir afplánað refsidóma
Stefán, sem einnig er þekktur
sem Malagafanginn, hefur hlotið 39
dóma hér á landi. Hinn maðurinn
sem færður var til yfirheyrslu
vegna málsins heitir Þórður Jóhann
Eyþórsson og hefur hann tvívegis
orðið manni að bana, annars vegar á
nýársnótt 1983 og hlaut hann þá 14
ára fangelsisdóm og hins vegar árið
1993 þegar hann var á reynslulausn.
Rannsókn verði lokið í haust
Davíð Þór segir að endurupp-
tökunefndin stefni á að ljúka rann-
sókn sinni á málinu í haust, en nú
fari fram mat á gögnum málsins og
á því hvort frekari rannsóknarað-
gerða sé þörf, en rannsóknin er í
höndum lögreglunnar.
Þegar rannsókn á þeirri ábend-
ingu, sem leiddi til handtöku mann-
anna, er lokið munu talsmenn sak-
borninganna í Guðmundar- og
Geirfinnsmálinu fá gögnin í hend-
urnar. „Þegar þessum rannsóknar-
þætti er lokið munu talsmenn upp-
tökubeiðenda fá gögnin í hendur, en
ég veit ekki á þessu stigi hvenær
nákvæmlega það verður,“ segir
Davíð Þór.
Verjendur Stefáns og Þórðar Jó-
hanns vildu ekki tjá sig um málið
við Morgunblaðið þegar eftir því var
leitað í gær.
Fréttastofa Ríkisútvarpsins
kvaðst í gær hafa heimildir fyrir því
að áður hefðu verið teknar skýrslur
af öðrum mannanna vegna málsins.
Lögreglan leitaði ekki í íbúðinni
 Stefán Almarsson sem var yfirheyrður vegna Guðmundarmálsins meinaði lögreglu inngöngu í íbúð þar
sem hann dvaldi, því var fengin húsleitarheimild  Þórður Jóhann Eyþórsson var einnig yfirheyrður
Guðmundarmálið
» Stefán og Þórður voru hand-
teknir sl. þriðjudagsmorgun og
yfirheyrðir í tengslum við rann-
sókn setts saksóknara í Guð-
mundar- og Geirfinnsmálinu.
» Samkvæmt heimildum er
rannsakað hvort mennirnir
tveir tengist flutningi á líki
Guðmundar Einarssonar 1974.