Morgunblaðið - 28.09.2016, Side 17

FRÉTTIR 17Erlent
MORGUNBLAÐIÐ MIÐVIKUDAGUR 28. SEPTEMBER 2016
Mest seldu ofnar
á Norðurlöndum
VÍKURVAGNAR EHF.
Víkurvagnar ehf. | Hyrjarhöfða 8 | 110 Reykjavík
Sími 577 1090 | vikurvagnar.is | sala@vikurvagnar.is
Setjum undir á staðnum
Dráttarbeisli
undir flestar tegundir bíla
Laufey Rún Ketilsdóttir
laufey@mbl.is
„Þú heldur til í þínum eigin raun-
veruleika,“ sagði Hillary Clinton,
forsetaframbjóandi Demókrata, sem
tókst á við Donald Trump, forseta-
frambjóðanda Repúblíkana, í fyrstu
kappræðunum þeirra á milli í að-
draganda forsetakosninganna
vestanhafs sem fara fram 8. nóvem-
ber næstkomandi. Sakaði hún
Trump meðal annars um að hefja
stjórnmálaferil sinn á „rasískri lygi“
varðandi uppruna Barack Obama,
forseta Bandaríkjanna.
Hún er talin hafa sýnt stöðugleika
og reynslu á meðan Trump lék hlut-
verk lýðskrumarans, sem talaði til
ósátta verkamannsins sem kominn
er með nóg af stjórnmálamönnum.
Hann hafi virst pirraður og upp-
stökkur þegar leið á kappræðurnar.
Þetta kemur fram í frétt AFP.
Persónulegar árásir
Þá greip Trump fljótt til persónu-
legra ásakana í garð Clinton og hélt
því til streitu að hún hefði ekki það
„forsetalega útlit“ sem þyrfti til að
gegna forsetaembættinu né úthald.
Clinton hrakti þá staðhæfingu hans
og vakti jafnfram athygli á að hann
væri sjálfur óhæfur til að gegna
embættinu; hann væri móðgandi í
garð múslima og byði upp á slæmar
efnahagsáætlanir.
„Ég tel að skapgerð mín sé minn
allra helsti kostur,“ sagði Trump og
uppskar hlátur í áhorfendasalnum á
meðan Clinton svaraði: „Vá, ókei.“
Kappræðunum svipaði því oftar til
rifrildis á barnaheimili en keppni um
valdamesta starf í heimi, sagði í um-
fjöllun AFP í gær.
Yfir hundrað milljónir manna
horfðu á kappræðurnar á mánudags-
kvöld, sem voru fyrsta viðureign
frambjóðendanna af þremur.
„Ég er klókur“
Clinton innti Trump einnig eftir
því af hverju hann hefði ekki þegar
birt skattaskýrslu sína eins og allir
aðrir forsetaframbjóðendur síðustu
fjörutíu ára – hvort það þýddi að
hann hefði eitthvað að fela. „Það
þýðir að ég er klókur,“ svaraði
Trump um hæl en Clinton bætti þá
við að afleiðingar þess væru „ekkert
fyrir hersveitirnar, ekkert fyrir fyrr-
verandi hermenn og ekkert fyrir
heilbrigðismál“.
Frambjóðendurnir tókust einnig á
um alþjóðlegt hlutverk Bandaríkj-
anna og sagði Trump að Bandaríkin
gætu ekki verið „lögreglumaður
heimsins“. Clinton ítrekaði að hægt
væri að treysta loforðum Banda-
ríkjamanna. „Ég vil fullvissa banda-
menn okkar í Japan, Suður-Kóreu
og annars staðar um að við höfum
gagnkvæma varnarsamninga og við
munum heiðra skuldbindingar okk-
ar“.
Innan raða Clinton voru áhyggjur
af því að Trump gerði út af við and-
stæðing sinn með einum frasa, eins
gerst hafði í forkosningunum þegar
hann kallaði Jeb Bush „orkulausa
Jeb“ og Marco Rubio „litla Marco“,
en þetta kemur fram í umfjöllun The
Telegraph. Trump ávarpaði hana af
virðingu allan tímann og greip aldrei
til uppnefnisins sem þó hefur heyrst
víða í kosningabaráttunni, þ.e. „croo-
ked Hillary“ eða „spillta Hillary“.
Aðlagist eftir hrakfarir
Í könnun á vegum CNN sem birt
var í kjölfar kappræðnanna kom
fram að 62% af 521 kjósanda sem
svöraði könnuninni sögðu Clinton
hafa sigrað í kappræðunum en að-
eins 27% völdu Trump. Frambjóð-
endurnir voru hnífjafnir í könnunum
fyrir kappræðurnar.
Mat erlendra miðla var að mestu á
sama veg. Nokkrir blaðamenn höfðu
þó á orði að Trump væri afar fær í að
„aðlagast eftir hrakfarir“ og hætta
væri á að Clinton yrði „kotroskin“
eftir ætlaðan sigur hennar.
Reynslan tók skruminu fram
 Clinton og Trump öttu kappi í fyrstu kappræðum forsetakosninganna í Bandaríkjunum  Yfir 100
milljón manna fylgdust með  Hafi ekki „forsetalegt útlit“ eða úthald  62% sögðu Clinton hafa sigrað
AFP
Reiðubúin Hillary Clinton og Donald Trump komu brosandi inn á sviðið við upphaf fyrstu kappræðna þeirra á milli.
Kappræðurnar í tölum
» Á meðan á kappræðunum
stóð greip Trump alls 51 sinni
fram í fyrir Clinton en hún
greip 17 sinnum fram í fyrir
honum, samkvæmt Vox.com
» Fimm milljón manns birtu
færslur eða tíst um kappræð-
urnar á samfélagsmiðlinum
Twitter meðan á þeim stóð
» 440.000 tíst snerust um
Lester Holt, stjórnanda kapp-
ræðnanna.
„Við munum halda áfram að standa
gegn því að Evrópusambandið setji
á fót her eða hernaðarhöfuðstöðvar,
en það mun grafa
undan Atlants-
hafsbandalag-
inu,“ sagði Mich-
ael Fallon,
varnarmálaráð-
herra Breta, þeg-
ar hann kom á
fund varnarmála-
ráðherra Evrópu-
sambandsríkj-
anna í höfuðborg
Slóvakíu í gær. Leiðtogar Evrópu-
sambandsins höfðu þegar ákveðið á
leiðtogafundi sínum í borginni fyrr í
mánuðinum að efling varnarsam-
starfs yrði eitt af forgangsatriðum
innan sambandsins við útgöngu
Breta. Fallon fullyrti jafnframt að
ekki væri meirihluti fyrir því að
stofna sambandsher.
Engin mótsögn
„Það er engin mótsögn í sterku
varnarsamstarfi innan ESB og
sterku varnarbandalagi NATO.
Bandalögin munu frekar styrkja
hvort annað,“ sagði Jens Stolten-
berg, framkvæmdastjóri Atlants-
hafsbandalagsins, við upphaf fund-
arins í gær. Mikilvægt væri þó að
forðast endurtekningu en ESB og
NATO ættu að bæta hvort annað
upp.
Á fundinum voru meðal annars
ræddar hugmyndir Frakka og Þjóð-
verja um aukið varnarsamstarf.
Bretar muni standa
gegn sambandsher
Jens Stoltenberg
Sýrlenski herinn
náði í gær tökum
á Farafira-hverf-
inu í miðborg
Aleppo, en hverf-
ið var áður undir
stjórn uppreisn-
armanna. Herinn
hefur undan-
farna daga með aðstoð Rússa hald-
ið uppi stífum loftárásum á borgina
sem hafa kostað fjölmarga lífið.
Vesturveldin hafa þegar haft uppi
ásakanir í garð Rússa um stríðs-
glæpi, en Jens Stoltenberg, fram-
kvæmdastjóri NATO, fordæmdi
árásirnar. Barack Obama, forseti
Bandaríkjanna, tók í sama streng í
gær og sagðist hafa „alvarlegar
áhyggjur“ af hinu „viðbjóðslega“
blóðbaði sem ætti sér stað í Aleppo
og annars staðar í Sýrlandi.
SÝRLAND
„Alvarlegar áhyggj-
ur“ af blóðbaðinu