Dagblaðið Vísir - DV - 03.02.2015, Blaðsíða 8

Vikublað 3.–5. febrúar 20158 Fréttir
Fiskbúðin Hafrún
Skipholti 70 • 105 Reykjavík • Sími: 552-0003 / 895-5636
Fagur, Fagur
Fiskur úr sjó
Lenti í
sjálfheldu á
Úlfarsfelli
Björgunarsveitir á höfuðborgar­
svæðinu sóttu konu á sunnu­
dagskvöld sem var í sjálfheldu
á Úlfarsfelli.
Konan, sem
var í för með
annarri, gekk
upp bílslóð­
ann á fellið og
þegar hún var
komin nálægt
toppnum féll
hún og rann niður hengju með
þeim afleiðingum að hún komst
hvorki lönd né strönd. Mik­
il þoka var á staðnum og áttuðu
konurnar sig ekki á því hvar þær
voru nákvæmlega staddar.
Tæpri klukkustund eftir að
sveitirnar voru kallaðar út var
búið að finna konurnar og koma
þeim niður af fellinu. Voru þær
báðar heilar á húfi, samkvæmt
fréttatilkynningu frá Slysavarna­
félaginu Landsbjörg.
Lentu vegna
veikra farþega
Tvær flugvélar þurftu að lenda
á Keflavíkurflugvelli um helgina
vegna veikinda farþega. Þetta
kemur fram í dagbók lög­
reglunnar á Suðurnesjum. Í
fyrra tilvikinu var um að ræða
vél frá Omni Air International
sem var á leið frá Jacksonville
í Bandaríkjunum til Shannon
á Írlandi. Farþeginn var fluttur
til aðhlynningar á Heilbrigðis­
stofnun Suðurnesja. Í síðara til­
vikinu var um að ræða flugvél
á leið frá Moskvu til New York.
Farþeginn var einnig fluttur
undir læknishendur á Heil­
brigðisstofnun Suðurnesja.
Seðlabankinn með
tögl og hagldir í SPB
Eignasafn Seðlabankans kaupir meginþorra allra samþykktra krafna í þrotabú Sparisjóðabankans
K
auptilboð Eignasafns
Seðlabanka Íslands (ESÍ) í
kröfur að lágmarki 55 millj­
arða króna að nafnvirði á
þrotabú Sparisjóðabank­
ans (SPB), áður Icebank, í skiptum
fyrir kröfur á hendur slitabúi Kaup­
þings, hefur verið samþykkt, sam­
kvæmt heimildum DV. Miðað við
að endurheimtur almennra samn­
ingskröfuhafa SPB eru áætlaðar um
23% er markaðsvirðni krafnanna að
minnsta kosti tæplega þrettán millj­
arðar króna.
Frestur kröfuhafa til að taka af­
stöðu til tilboðsins, sem var lagt fram
undir lok þar síðustu viku, rann út
síðastliðinn föstudag og fékkst sam­
þykki lágmarksfjölda kröfuhafa til
að fallast á tilboðið. Þannig er orðið
ljóst að Seðlabankinn hefur eignast
nánast allar kröfur á hendur Spari­
sjóðabankanum og hefur því tögl og
hagldir í þrotabúinu.
Greint var frá því í Viðskipta­
Mogganum síðastliðinn fimmtu­
dag að bandaríski fjárfestingabank­
inn Morgan Stanley freistaði þess
að kaupa kröfur á þrotabú Spari­
sjóðabankans og byði í skiptum
kröfur á Kaupþing með 6% álagi.
Samkvæmt öruggum heimildum
DV var Morgan Stanley hins vegar
aðeins milligönguaðili fyrir hönd
Eignasafns Seðlabanka Íslands sem
er raunverulegur kaupandi krafn­
anna. Morgan Stanley hefur ver­
ið ráðgjafi fyrir hönd slitastjórnar
Kaupþings frá árinu 2013 og hefur
meðal annars haft umsjón með að
kanna mögulega sölu á hlut kröfu­
hafa í Arion banka til erlendra fjár­
festa.
Tómas Jónsson, formaður
slitastjórnar Sparisjóðabankans,
vildi aðspurður ekkert tjá sig um
málið í samtali við DV. Ekki náð­
ist í Hauk C. Benediktsson, fram­
kvæmdastjóra ESÍ, þrátt fyrir ítrek­
aðar tilraunir.
Flýtir fyrir uppgjöri
Með kaupum á kröfunum á SPB
standa væntingar til þess að hægt
verði að ljúka slitum á búinu fyrr
en ella. Tilraunir slitastjórnar Spari­
sjóðabankans til að ljúka uppgjöri
með nauðasamningi hafa ekki bor­
ið árangur fram til þessa. Seðla­
banki Íslands hefur ekki verið
reiðubúinn að veita nauðsynlegar
undanþágur í tengslum við fyrri
nauðasamningstillögur sem gerðu
meðal annars ráð fyrir útgreiðslu
gjaldeyris til erlendra samnings­
kröfuhafa.
Í kringum 90% samþykktra
kröfu hafa Sparisjóðabankans eru
erlendir aðilar, þar á meðal Morgan
Stanley, en meirihluti þeirra er
sömuleiðis kröfuhafi í slitabú föllnu
bankanna. Með því að eignast kröf­
ur á Kaupþing – í skiptum fyrir kröf­
ur á SPB – gefst erlendum kröfuhöf­
um nú hugsanlega færi að selja
þær kröfur á markaði fyrir erlend­
an gjaldeyri en engin viðskipti hafa
hins verið með kröfur SPB. Fjárhæð
samþykktra krafna SPB, sem Eigna­
safn Seðlabankans hefur núna eign­
ast að langstærstum hluta, nemur
um 85 milljörðum. Markaðsvirði
þeirra er um nítján milljarðar.
Dómsmálið úr sögunni?
Ágreiningur hefur ríkt undanfar­
in misseri um kröfur ESÍ í þrota­
bú SPB og til hefur staðið að útkljá
þau mál fyrir dómstólum. Samtals
nema kröfur ESÍ, reistar á veðlánum
sem Seðlabankinn veitti Icebank fyr­
ir bankahrunið 2008, um 225 millj­
örðum króna. Slitastjórn SPB hafn­
aði hins vegar þessum kröfum að
stærstum hluta. Samkvæmt heim­
ildum DV er nú gert fastlega ráð fyr­
ir því að ekkert verði af fyrirhuguðu
dómsmáli milli ESÍ og slitastjórnar
SPB heldur verði gert samkomulag
um uppgjör á kröfunum.
Miðað við rammasamkomulag
að nauðasamningsfrumvarpi sem
var kynnt í mars 2013, sem DV hef­
ur undir höndum, var áætlað að
ESÍ myndi eignast 126 milljarða al­
menna kröfu á SPB og greiðslur úr
búinu til Seðlabankans næmu sam­
tals 73 milljörðum. Seðlabankinn
hefur þegar gengið að veðsettum
eignum SPB að fjárhæð 45 milljarð­
ar en þar er um að ræða skuldabréfa­
kröfur á gömlu bankana, ríkisskulda­
bréf og skuldabréf á Íbúðalánasjóð.
Verðbréfafyrirtækið Arctica Fin­
ance var ráðgjafi að kaupunum og sá
um samskipti við innlenda kröfu hafa
fyrir hönd Morgan Stanley, sam­
kvæmt upplýsingum DV. n
Hörður Ægisson
hordur@dv.is
ESÍ Haukur C. Benediktsson er fram-
kvæmdastjóri Eignasafns Seðlabanka Íslands.
Formaður slitastjórnar Tómas Jónsson
vildi ekkert tjá sig um málið.
Kröfuhafi Eignasafn
Seðlabankans hefur nú
eignast nánast allar kröfur á
þrotabú Sparisjóðabankans.
MynD Sigtryggur Ari
Fjárfestingabanki Morgan Stanley var milligönguaðili að kaupunum fyrir hönd ESÍ.